நீங்க ரொமாண்டிக் ரிலேஷன்ஷிப்பில் இருக்கீங்களா? ஒரே வரியில் நச் பதில் சொன்ன விஜய் தேவரகொண்டா..
தனது ரிலேஷன்ஷிப் குறித்து நடிகர் விஜய் தேவரகொண்டா பதிலளித்துள்ளார்.
அர்ஜுன் ரெட்டி படத்தின் மூலம் தெலுங்கு திரையுலகில் மட்டுமின்றி தென்னிந்திய திரையுலகின் மொத்த கவனத்தையும் ஈர்த்தவர் விஜய் தேவரகொண்டா. இதை தொடர்ந்து நோட்டா, கீதா கோவிந்தம், டியர் காம்ரேட் உள்ளிட்ட படங்களில் நடித்து பிரபலமடைந்தார்.
Rashmika and Vijay
இதில் கீதா கோவிந்தம் படத்தில் ராஷ்மிகா விஜய் தேவரகொண்டாவுக்கு ஜோடியாக நடித்தார். இந்த படத்திற்கு ரசிகர்கள் மத்தியில் நல்ல் வரவேற்பு கிடைத்த நிலையில், விஜய் - ராஷ்மிகா இருவரின் கெமிஸ்ட்ரியும் மிகப்பெரிய அளவில் பேசப்பட்டது. இதை தொடர்ந்து டியர் காம்ரேட் படத்திலும் இந்த ஜோடி மீண்டும் இணைந்தது நடித்தனர்.
இதனிடையே விஜய் தேவரகொண்டாவும் - ராஷ்மிகாவும் காதலித்து வருவதாக தகவல் வெளியானது. மேலும் இருவரும் அடிக்கடி ஒன்றாக வெளியே செல்வதாகவும் கூறப்பட்டது. இருவரும் ஒன்றாக இருக்கும் புகைப்படங்களும் அவ்வப்போது வெளியாகி இந்த வதந்திகளுக்கு மேலும் வலு சேர்த்தது.
எனினும் இதுகுறித்து இருவருமே தங்கள் காதலை அதிகாரப்பூர்வமாக அறிவிக்கவும் இல்லை அதே நேரத்தில் இந்த வதந்திகளை மறுக்கவும் இல்லை. ஆனாலும் இவர்களின் காதல் குறித்த வதந்திகள் ஓய்ந்தபாடில்லை.
விஜய் தேவரகொண்டா - ராஷ்மிகாவுக்கு நிச்சயதார்த்தம், திருமணம் என பல்வேறு வதந்திகள் பரவி வருகின்றன. ஆனால் விஜய் தேவரகொண்டா தனது திருமணம் பற்றிய வதந்தி மறுப்பு தெரிவித்தார்.
ஆனால் விஜய் தேவரகொண்டாவும் ராஷ்மிகாவும் மாலத்தீவு சென்றிருந்தார். மேலும், விஜய்யின் தொப்பியை அணிந்து ராஷ்மிகா போட்டோ எடுத்து இன்ஸ்டாவில் பதிவிட்டார். இதனால் இந்த ஜோடி குறித்து மீண்டும் வதந்திகள் பரவ தொடங்கியது.
இந்த நிலையில் சமீபத்தில் பிரபல யூ டியூப் சேனலுக்கு விஜய் தேவரகொண்டா பேட்டி அளித்தார். அப்போது அவரிடம் நீங்கள் ரிலேஷன்ஷிப்பில் இருக்கிறீர்களா என்ற கேள்வி எழுப்பப்பட்டது. அதற்கு பதிலளித்த அவர், ஆம் என் பெற்றோருடன், என் சகோதரனுடன், உங்களுடன்.. நாம் அனைவரும் உறவில் இருக்கிறோம்." என்று தெரிவித்தார்.
இதற்கிடையில், விஜய் தேவரகொண்டா மிருணால் தாக்கூர் நடித்துள்ள ஃபேமிலி ஸ்டார் பட வெளியீட்டிற்கு தயாராகி வருகிறார். இந்த படம் வெற்றி பெற வேண்டும் என்று ராஷ்மிகா விஜய் தேவரகொண்டாவுக்கு வாழ்த்து தெரிவித்திருந்தார் என்பது குறிப்பிடத்தக்கது.