சினிமா மட்டுமல்ல ஓட்டல் பிசினஸிலும் கொட்டும் துட்டு... கோடிகளில் புரளும் காமெடி நாயகன் சூரியின் சொத்து மதிப்பு
காமெடியனாக கலக்கி தற்போது ஹீரோவாக மாஸ் காட்டி வரும் நடிகர் சூரியின் சொத்து மதிப்பு மற்றும் அவரின் சம்பள விவரம் பற்றி இந்த தொகுப்பில் பார்க்கலாம்.
viduthalai Soori
தமிழ் சினிமாவில் முன்னணி காமெடி நடிகராக வலம் வந்த சூரியை ஹீரோவாக்கி அழகுபார்த்தவர் வெற்றிமாறன். அவர் இயக்கத்தில் கடந்த மார்ச் மாதம் திரைக்கு வந்த விடுதலை படம் மூலம் ஹீரோவாக அறிமுகமான சூரி, தனக்குள் இருக்கும் நடிப்புத்திறமையை வெளிப்படுத்தி அனைவரையும் வியப்பில் ஆழ்த்தினார். அதில் பிட் ஆன உடற்கட்டோடு குமரேசன் என்கிர கான்ஸ்டபிள் கதாபாத்திரத்திற்கு கச்சிதமாக பொருந்தி இருந்தார் சூரி.
kottukali movie Soori
விடுதலை படத்தின் பிரம்மாண்ட வெற்றிக்கு பின்னர் அதன் இரண்டாம் பாகம் தயாராகி வருகிறது. அப்படம் அடுத்தாண்டு ரிலீஸ் ஆக உள்ளது. இதுதவிர அடுத்தடுத்து ஹீரோவாக நடிக்கும் வாய்ப்புகளும் சூரிக்கு குவிந்து வருகின்றனர். அடுத்ததாக கொட்டுக்காளி என்கிற திரைப்படத்தில் கதாநாயகனாக நடித்துள்ளார் சூரி. இப்படத்தை நடிகர் சிவகார்த்திகேயன் தயாரித்துள்ளார். கூழாங்கல் படத்தின் இயக்குனர் வினோத்ராஜ் இப்படத்தை இயக்கி இருக்கிறார்.
comedy actor soori
இப்படி ஹீரோவாக பிசியானாலும் தொடர்ந்து காமெடி வேடங்களிலும் நடிப்பேன் என கூறி வரும் சூரி, மதுரையில் இருந்து சினிமா சான்ஸ் தேடி சென்னைக்கு வந்த சமயத்தில், பல்வேறு கஷ்டங்களை அனுபவித்திருக்கிறார். தங்குவதற்கு கூட இடமில்லாமல் தவித்த சூரிக்கு நடிகர் போண்டா மணி தான் ஆதரவாக இருந்ததோடு, அவரை தன்னுடைய வீட்டிலேயே தங்க வைத்து பார்த்துக்கொண்டாராம். அதுமட்டுமின்றி சில படங்களில் கேரக்டர் ஆர்டிஸ்ட்டாக நடிக்கும் வாய்ப்பையும் அவர் பெற்றுத் தந்ததாக நடிகர் சூரியே பேட்டிகளில் கூறி இருக்கிறார்.
soori
அதே போல் பல நேரங்களில் சாப்பிட கூட காசு இல்லாமல் பட வாய்ப்புகள் தேடி அழைந்திருக்கிறார் சூரி. குறிப்பாக ஆர்யா நடித்த கலாபக் காதலன் திரைப்படத்தில் நடிக்க ஆள் தேவைப்படுவதாக அறிந்ததும் அதற்கான ஆடிசனில் கலந்துகொண்டிருக்கிறார் சூரி. அப்போது ஒரு சீனை சொல்லி, அதில் நடித்துக்காட்ட சொல்லியிருக்கிறார்கள். அந்த சீனை நடிக்கத் தொடங்கியதும் திடீரென மயக்கம் போட்டு கீழே விழுந்துவிட்டாராம் சூரி. பின்னர் அங்கிருந்தவர் அவரை தண்ணீர் தெளித்து எழுப்பிவிட்டு என்ன ஆச்சு என விசாரித்தபோது தான், 2 நாட்களாக சாப்பிடவில்லை என கூறி இருக்கிறார் சூரி. இதையடுத்து அங்கிருந்தவர்கள் சாப்பாடு வாங்கிக் கொடுத்து சூரியை அனுப்பிவைத்தார்களாம்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
soori salary
இதையடுத்து விடாமுயற்சியோடு வாய்ப்பு தேடி வந்த சூரிக்கு 'வெண்ணிலா கபடிக்குழு' படம் தான் அவரது வாழ்க்கையே தலைகீழாக புரட்டிபோட்டது. இப்படத்தில் அவர் நடித்த புரோட்டா காமெடி ஹிட் ஆனதும் சூரிக்கு அடுத்தடுத்து பட வாய்ப்புகளும் குவியத் தொடங்கியது. இதன்மூலம் முன்னணி காமெடி நடிகராக உருவெடுத்த சூரி, தற்போது அடுத்தகட்டமாக கதையின் நாயகனாக மாறி அதிலும் வெற்றிநடை போட்டு வருகின்றார்.
soori net worth
இப்படி பல்வேறு கஷ்டங்களை தாண்டி சினிமாவில் சாதித்துக்காட்டிய நடிகர் சூரியின் சொத்து மதிப்பு குறித்த தகவல் வெளியாகியுள்ளது. சூரிக்கு சொந்தமாக மதுரை மட்டும் சென்னையில் 2 வீடுகள் உள்ளன. இதுதவிர சென்னையில் பல பகுதிகளில் ரியல் எஸ்டேட்டிலும் பல கோடிகளை முதலீடு செய்துள்ளதாக கூறப்படுகிறது. இவருக்கு பிஎம்டபிள்யூ உள்பட சொந்தமாக 3 சொகுசு கார்கள் உள்ளன.
soori hotel business
அதே போல் தன்னுடைய சொந்த ஊரான மதுரையில் தன்னுடைய குடும்பத்தினர் உதவியுடன் அம்மன் என்கிற பெயரில் ஹோட்டல் ஒன்றையும் தொடங்கி நடத்தி வந்தார் சூரி. அந்தப் ஹோட்டலுக்கு அமோக வரவேற்பு கிடைத்ததால் மதுரையில் அடுத்தடுத்து பல கிளைகளையும் தொடங்கி ஓட்டல் பிசினஸிலும் கொடிகட்டி பறந்து வருகிறார் சூரி. காமெடியனாக நடிக்க 1 முதல் 2 கோடி வரை சம்பளமாக வாங்கி வந்த சூரி ஹீரோ ஆனதும் தன் சம்பளத்தை ரூ.3 கோடியாக உயர்த்தி இருக்கிறார். இப்படி சினிமாவில் விடாமுயற்சியால் விஸ்வரூப வெற்றி பெற்றிருக்கும் நடிகர் சூரியின் சொத்து மதிப்பு மட்டும் ரூ.50 கோடி வரை இருக்கும் என கூறப்படுகிறது.
இதையும் படியுங்கள்... வெள்ளத்தால் தத்தளிக்கும் சென்னை... ‘தாராள பிரபு’ வாக மாறி நிவாரண நிதியை வாரி வழங்கிய ஹரிஷ் கல்யாண்