விடாமுயற்சி படத்தில் இருந்து பாதியிலேயே விலகிய பிரபலம்... இவர் அஜித்துக்கு ரொம்ப நெருக்கமானவர் ஆச்சே!
மகிழ் திருமேனி இயக்கத்தில் அஜித் நடிக்கும் விடாமுயற்சி படத்தில் இருந்து முக்கிய பிரபலம் விலகி உள்ளதாக தகவல் வெளியாகி உள்ளது.
vidaamuyarchi
நடிகர் அஜித்தின் 62-வது திரைப்படம் விடாமுயற்சி. மகிழ் திருமேனி இயக்கத்தில் பிரம்மாண்டமாக உருவாகும் இப்படத்தை லைகா நிறுவனம் தயாரிக்கிறது. இப்படத்தில் நடிகர் அஜித்துக்கு ஜோடியாக திரிஷா நடிக்கிறார். மேலும் இப்படத்தில் நடிகை ரெஜினாவும் முக்கிய கதாபாத்திரத்தில் நடிக்கிறார். விடாமுயற்சியில் அஜித்துக்கு வில்லனாக ஆரவ் நடித்து வருகிறார். மேலும் ஆக்ஷன் கிங் அர்ஜுனும் மங்காத்தா படத்துக்கு பின்னர் அஜித்துடன் மீண்டும் இணைந்துள்ளார்.
Ajith Kumar
விடாமுயற்சி திரைப்படத்தின் படப்பிடிப்பு கடந்த அக்டோபர் மாதம் அஜர்பைஜான் நாட்டில் தொடங்கி விறுவிறுப்பாக நடைபெற்றது. அங்கு அதிரடி ஆக்ஷன் காட்சிகள் படமாக்கப்பட்டு வந்தது. தொடர்ந்து 50 நாட்களுக்கு மேல் அங்கு படப்பிடிப்பை நடத்திய படக்குழு, பின்னர் பிரேக் எடுப்பதற்காக சென்னை திரும்பியது. இதையடுத்து ஓய்வு காலம் முடிவடைந்து மீண்டும் விடாமுயற்சி பட ஷூட்டிங்கிற்காக படக்குழு அஜர்பைஜான் கிளம்பி உள்ளது.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
Ajith
விடாமுயற்சி படத்தின் முதல் கட்ட படப்பிடிப்பின் போது இப்படத்திற்கு நீரவ் ஷா தான் ஒளிப்பதிவாளராக பணியாற்றி வந்தார். அஜித் நடிப்பில் கடைசியாக வெளிவந்த நேர்கொண்ட பார்வை, வலிமை, துணிவு ஆகிய திரைப்படங்களுக்கும் நீரவ் ஷா தான் ஒளிப்பதிவு செய்திருந்தார். அதுமட்டுமின்றி அஜித்துக்கு நெருக்கமானவர் என்பதால் விடாமுயற்சி படத்திலும் அவரையே ஒளிப்பதிவாளராக கமிட் செய்து இருந்தனர்.
Ajith, Nirav shah
முதல் ஷெட்யூலில் மட்டும் பணியாற்றிய நீரவ் ஷா தற்போது நடைபெற்று வரும் இரண்டாவது ஷெட்யூலில் கலந்துகொள்ளவில்லை. அவருக்கு பதிலாக ஓம் பிரகாஷ் இப்படத்தில் ஒளிப்பதிவாளராக பணியாற்றி வருகிறார். இவர் ஏற்கனவே அறம், திருச்சிற்றம்பலம், நானே வருவேன், காஷ்மோரா போன்ற படங்களுக்கு ஒளிப்பதிவு செய்தவர் ஆவார். நீரவ் ஷா விலகியதன் பின்னணியில் எந்த பிரச்சனையும் இல்லை என்றும் அவர் சொந்த காரணங்களுக்காகவே இப்படத்தில் இருந்து விலகியதாக முதற்கட்ட தகவல்கள் தெரிவிக்கின்றன.
இதையும் படியுங்கள்... நெப்போலியனின் 60வது பிறந்தநாள்.. ‘எட்டுப்பட்டி ராசா’வுக்காக ஏரோபிளைனில் வந்து இன்ப அதிர்ச்சி கொடுத்த நாயகிகள்
சேனலை கிளிக் செய்து பின்தொடரவும்
