Vidaamuyarchi: அதே ரோடு.. அப்போ அஜித்; இப்போ ஆக்‌ஷன் கிங்- விடாமுயற்சி வில்லன் அர்ஜுனின் மாஸ் லுக் போஸ்டர் இதோ

லைகா நிறுவனம் தயாரிப்பில் பிரம்மாண்டமாக உருவாகி வரும் திரைப்படம் விடாமுயற்சி. அஜித் நாயகனாக நடிக்கும் இப்படத்தை மகிழ் திருமேனி இயக்குகிறார். அதிரடி ஆக்‌ஷன் கதையம்சம் கொண்ட படமாக உருவாகும் இப்படத்திற்கு அனிருத் இசையமைத்து உள்ளார். விடாமுயற்சி படத்தில் நடிகர் அஜித்துக்கு ஜோடியாக திரிஷா நடித்திருக்கிறார். மேலும் அர்ஜுன் சர்ஜா, ஆரவ், ரெஜினி கசெண்ட்ரா என மிகப்பெரிய நட்சத்திர பட்டாளமே இப்படத்தில் நடித்துள்ளது.

விடாமுயற்சி திரைப்படத்தின் படப்பிடிப்பு கடந்தாண்டு அக்டோபர் மாதம் அஜர்பைஜான் நாட்டில் தொடங்கப்பட்டது. அப்படத்தின் பெரும்பாலான காட்சிகள் அந்நாட்டில் தான் படமாக்கப்பட்டு உள்ளது. இப்படத்தின் படப்பிடிப்பு கடந்த சில மாதங்களாக நடைபெறாமல் இருந்த நிலையில், கடந்த மாதம் அங்கு சென்ற படக்குழுவினர், இறுதிக்கட்ட படப்பிடிப்பை சுமார் ஒரு மாதம் படமாக்கிவிட்டு அண்மையில் சென்னை திரும்பினர். இன்னும் எஞ்சியுள்ள சில காட்சிகளை சென்னையில் படமாக்க உள்ளனர்.

இதையும் படியுங்கள்... அன்று சுமார் மூஞ்சி குமாரு... இன்று அடுத்த சூப்பர்ஸ்டார் ரேஞ்சுக்கு கொண்டாடப்படும் தனுஷின் Net Worth இதோ

விடாமுயற்சி படத்தின் அப்டேட்டுக்காக ஏங்கி இருந்த ரசிகர்கள், போதும் போதும் என சொல்லும் அளவுக்கு தற்போது அப்படத்தின் அப்டேட்டுகளை அள்ளி வீசி வருகிறது லைகா நிறுவனம். அப்படத்தில் இருந்து இதுவரை மூன்று போஸ்டர்கள் வெளிவந்த நிலையில், தற்போது விடாமுயற்சி படத்தின் 4th லுக் போஸ்டரை படக்குழு வெளியிட்டுள்ளது. அதில் அப்படத்தில் வில்லனாக நடித்துள்ள அர்ஜுனின் தோற்றம் அடங்கி இருக்கிறது.

விடாமுயற்சி படத்தின் பர்ஸ்ட் லுக்கில் நடிகர் அஜித், சாலை நடந்து வரும்படியான புகைப்படம் இடம்பெற்று இருந்தது. அதே சாயலில் தான் இந்த போஸ்டரும் உள்ளது. அதே ரோட்டில் ஆக்‌ஷன் கிங் அர்ஜுனை நடக்க வைத்து அதை புகைப்படம் எடுத்து போஸ்டராக வெளியிட்டு உள்ளனர். இந்த போஸ்டரில் நடிகர் அர்ஜுன் ஸ்டைலிஷாக உள்ளதால், படத்தில் செம்ம மாஸ் வில்லனாக மிரட்டி இருக்க வாய்ப்பு உள்ளதாக தெரிகிறது. 

இதையும் படியுங்கள்... Raayan : பாக்ஸ் ஆபிஸில் ரஜினி படத்தின் லைஃப் டைம் வசூலை இரண்டே நாளில் அடிச்சு துவம்சம் செய்த தனுஷின் ராயன்