எம்.ஜி.ஆர் மற்றும் சிவாஜிக்கு தம்பி.. அவர் அப்போவே அப்படி - பப்லு குழந்தை நட்சத்திரமாக கலக்கிய 5 படங்கள்!

Actor Babloo Prithiveeraj : பிரபல நடிகர் பப்லு பிரித்திவிராஜ் குழந்தை நட்சத்திரமாக தமிழ் சினிமா உலகில் அறிமுகமான ஒரு நடிகர் என்பது நம்மில் பலர் அறிந்த விஷயம் தான். ஆகவே அவர் குழந்தை நட்சத்திரமாக நடித்து ஹிட்டான சில திரைப்படங்கள் குறித்து இந்த பதிவில் காணலாம்.

Prithiveeraj

தனது 6வது வயதில், கடந்த 1971 ஆம் ஆண்டு வெளியான "நான்கு சுவர்கள்" என்கின்ற திரைப்படத்தின் மூலம் குழந்தை நட்சத்திரமாக தமிழ் திரை உலகில் அறிமுகமானவர் தான் பப்லு பிரித்திவிராஜ். இவர் நடிப்பில் கடந்த 1972 ஆம் ஆண்டு நடிகர் திலகம் சிவாஜி கணேசன் நடிப்பில் வெளியான "நீதி" என்கின்ற திரைப்படம் மிகப்பெரிய அளவில் ஹிட்டான ஒரு திரைப்படம்.

Babloo Naalai namathe

அதேபோல சிவாஜி கணேசன் நடிப்பில் கடந்த 1975 ஆம் ஆண்டு வெளியான "டாக்டர் சிவா" என்கின்ற திரைப்படத்திலும் இவர் ஒரு முக்கிய கதாபாத்திரம் ஏற்று நடித்திருப்பார். மேலும் 1975 ஆம் ஆண்டு வெளியாகி மக்கள் மத்தியில் மிக மிகப் பெரிய ஆதரவை பெற்ற புரட்சித்தலைவர் எம்ஜிஆர் அவர்களின் "நாளை நமதே" திரைப்படத்தில் எம்ஜிஆர் அவர்களின் மூன்று சகோதரர்களில் ஒருவராக குழந்தை நட்சத்திரமாக நடித்திருப்பார் பப்லு.

Babloo Nan Vazhavaipen

அதேபோல 1976 ஆம் ஆண்டு வெளியான சிவாஜி கணேசனின் மாபெரும் வெற்றி திரைப்படமான "பாரத விலாஸ்" திரைப்படத்திலும், 1979 ஆம் ஆண்டு சிவாஜி கணேசன் மற்றும் சூப்பர் ஸ்டார் ரஜினிகாந்த் நடிப்பில் வெளியான "நான் வாழவைப்பேன்" என்கின்ற திரைப்படத்தில் நடிகர் திலகம் சிவாஜி கணேசன் அவர்களுடைய தம்பியாக நடித்திருப்பார் அவர். சிறு வயது முதலே மிகப்பெரிய நடிகராக வலம் வந்த அவர் தற்பொழுது தனது திரையுலக வாழ்க்கையின் இரண்டாம் இன்னிங்ஸை துவங்கியுள்ளார் என்றே கூறலாம்.