கேப்டன் விஜயகாந்த் நலம் பெற வேண்டி மண் சோறு சாப்பிட்ட விஜய் ரசிகர்கள்

தேமுதிக தலைவர் விஜயகாந்த் பூரண நலம் பெற வேண்டி திருச்சியில் விஜய் ரசிகர்கள் மண் சோறு சாப்பிட்டு கோவிலில் பிரார்த்தனை செய்துள்ளனர்.

vijay fans

தேசிய முற்போக்கு திராவிட கழக தலைவர் விஜயகாந்த் பூரண நலம் பெற வேண்டி தமிழகம் முழுவதும் உள்ள கட்சி தொண்டர்கள் கோவில்களில் வழிபாடு நடத்தி வருகின்றனர். அதேபோல் நடிகர் விஜய் ரசிகர்களும் விஜயகாந்த் நலம் பெற வேண்டி பிரார்த்தனையில் இறங்கி உள்ளனர். திருச்சி அருகே உள்ள திருப்பட்டூர் பிரம்மபுரீஸ்வரர் கோவிலில் நடிகர் விஜயகாந்த் நலம் பெற வேண்டி விஜய் ரசிகர்கள் மண் சோறு சாப்பிட்டு பிரார்த்தனை செய்துள்ளனர்.

Trichy vijay fans

இதுதவிர திருச்சி மாவட்ட விஜய் ரசிகர் மன்ற நிர்வாகிகள் சார்பில் விஜயகாந்த் பெயருக்கு அங்குள்ள சிவன் மற்றும் பிரம்மபுரீஸ்வரருக்கு அபிஷேகம் செய்யப்பட்டது. இதையடுத்து அக்கோவிலுக்கு வந்த பக்தர்களுக்கு விஜய் ரசிகர்கள் சார்பில் அன்னதானமும் வழங்கப்பட்டது. விஜயகாந்த் உடல்நலம் பெற வேண்டி விஜய் ரசிகர்கள் செய்த இந்த செயல் கவனம் ஈர்த்துள்ளது.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

vijayakanth, vijay

இதேபோல் நாகையில் உள்ள ஸ்ரீ சௌந்தரராஜ பெருமாள் ஆலயத்தில் கேப்டன் விஜயகாந்த் பூரண நலம் பெற வேண்டி தேமுதிக மாவட்ட செயலாளர் பிரபாகரன் தலைமையில்  சிறப்பு அபிஷேகம் நடைப்பெற்றது. இந்நிகழச்சியில் மாவட்ட அவைத்தலைவர் அருள்மாணிக்கம், மாவட்ட துணை செயலாளர்கள் பிரபாகர், பூமிநாதன், மாநில செயற்குழு உறுப்பினர் பக்கிரிசாமி ஆகியோர் கலந்துகொண்டனர்.

vijayakanth, Thalapathy vijay

இதுதவிர மாநில பொதுக்குழு உறுப்பினர்கள் நிர்மலா குமார், குபேந்திரன், வழிவிட்ட அய்யனார், மாவட்ட இளைஞரணி பொறுப்பாளர்கள் ராஜா, கார்த்தி,மாவட்ட நிர்வாகி திருமலை ஐயப்பன், நகர செயலாளர்கள் செல்வகுமார், ராமநாதன், ஒன்றிய செயலாளர்கள் பாஸ்கர், நடராஜன், கு.ப.செந்தில்குமார், முரசு முருகா, செந்தில்குமார் மற்றும் மாவட்ட, நகர, ஒன்றிப, பேரூர், ஊராட்சி, வார்டு, கிளை கழக நிர்வாகிகள் மற்றும் தொண்டர்கள் ஏராளமானோர் கலந்துக்கொண்டனர்.

இதையும் படியுங்கள்... அன்னபூரணிக்கு ஆப்பு வைத்த நிக்ஜாம் புயல்... வெள்ளத்தால் பாக்ஸ் ஆபிஸில் மரண அடி வாங்கிய நயன்தாரா படம்..!