Bigg Boss Eviction: இந்த வாரம் பிக்பாஸிலிருந்து வெளியேறப்போவது இவரா? தப்பிய நிக்சன் சிக்கியது யார் தெரியுமா?

பிக்பாஸ் நிகழ்ச்சி முடிவடைய இன்னும் ஒரு சில வாரங்களே உள்ள நிலையில், இந்த வாரம் வெளியேற உள்ள போட்டியாளர் யார் என்கிற தகவலை ஓட்டுகள் அடிப்படியில் கணித்து கூறி உள்ளனர் நெட்டிசன்கள். 

உலக நாயகன் கமல்ஹாசன் தொகுத்து வழங்கி வரும் பிக்பாஸ் சீசன் 7 நிகழ்ச்சி, கடந்த அக்டோபர் மாதம் 1-ஆம் தேதி, மிக பிரமாண்டமாக 18 போட்டியாளர்களுடன் துவங்கியது. முதல் வாரத்திலேயே அனன்யா ராவ் ஓட்டுகள் அடிப்படையிலும், பவா செல்லத்துரை உடல்நல பிரச்சனை காரணமாகவும் வெளியேறினர்.

BB Tamil 7

இதை தொடர்ந்து அடுத்தடுத்து போட்டியாளர்கள் வெளியேறிய நிலையில்... டபுள் எவிக்ஷனும் நடந்தது. பின்னர் அதிரடியாக 5 வைல்ட் கார்டு போட்டியாளர்களை உள்ளே அனுப்பி... பழைய போட்டியாளர்களை காண்டாக்கிய பிக்பாஸ், பூகம்பம் என்கிற டாஸ்க் மூலம் வெளியே சென்ற போட்டியாளர்களை மீண்டும் பிக்பாஸ் வீட்டின் உள்ளே அழைத்து வந்து ஹவுஸ் மெட்ஸை அலற விட்டார்.

வெற்றிகரமாக பிக்பாஸ் போட்டியாளர்கள்...இதுநாள் வரை பிக்பாஸ் கொடுத்த டாஸ்க், மன உளைச்சல், சண்டை, சச்சரவு போன்ற பல பிரச்சனைகளை கடந்து 80 நாட்களுக்கு மேல் நிலையாக நின்று விளையாடி வரும் நிலையில், இன்னும் ஒரு சில வாரங்களில் பிக்பாஸ் நிகழ்ச்சி முடிவுக்கு வர உள்ளது. எனவே டாஸ்குகள் கடினமாகி கொண்டே செல்வதுடன், மக்களும் வெற்றியாளரை தேர்வு செய்வதில் அதிக கவனம் செலுத்தி வருகிறார்கள்.

இந்த வாரம் நாமினேஷனில், தினேஷ், மணி, விஷ்ணு, விஜய் வர்மா, ரவீனா, நிக்சன் மற்றும் மாயா ஆகிய ஏழு பேர் சிக்கி உள்ளனர். இவர்களில் தினேஷ் அதிக வாக்குகள் பெற்று முதல் இடத்தில் உள்ளார். மணி மற்றும் விஷ்ணு இரண்டாவது மற்றும் மூன்றாவது இடத்தில் உள்ளனர். அடுத்தடுத்த இடங்களில் விஜய் வர்மா, ரவீனா, நிக்சன் ஆகியோர் உள்ள நிலையில், கடைசி இடத்தில் மாயா உள்ளார்.

இது நாள் வரை, பிக்பாஸ் ரசிகர்கள் மற்றும் நெட்டிசன்கள் ஓட்டுகள் அடிப்படியில் கணித்து கூறியது போலவே போட்டியாளர்கள் வெளியேறி உள்ளதால், இந்த முறை மாயா வெளியேறுவார் என எதிர்பார்க்கப்படுகிறது. 

அதே நேரம் கமல் மாயாவுக்கு ஃபேவரட்டீசம் பார்ப்பதாக கூறப்படும் நிலையில்... இந்த முறையும் கமலால் மாயா தப்பிப்பாரா? அல்லது வெளியேற்ற படுவாரா என்பதை பொறுத்திருந்து பார்ப்போம். பிக்பாஸ் நிகழ்ச்சியில் கலந்து கொண்ட போட்டியாளர்களை அனைவரை விடவும், ஃபைனலில் நுழைய வேண்டும் என்பதில் மிகவும் கான்ஃபிடெண்டாக இருந்தவர் மாயா தான் என்பது குறிப்பிடத்தக்கது.