Sridevi Vijayakumar : மாடர்ன் உடையில் மஞ்சக்காட்டு மைனாவாக மாறிய ஸ்ரீதேவி விஜயகுமார் - கார்ஜியஸ் கிளிக்ஸ் இதோ

நடிகை ஸ்ரீதேவி விஜயகுமார் மஞ்சள் நிற மாடர்ன் உடையில் நடத்திய அழகிய போட்டோஷூட் புகைப்படங்கள் இணையத்தில் படு வைரலாகி வருகின்றன.

நடிகர் விஜயகுமாரின் மகளான ஸ்ரீதேவி, சிறுவயதில் இருந்தே சினிமாவில் நடித்து வருகிறார். சத்யராஜின் ரிக்‌ஷா மாமா படம் மூலம் குழந்தை நட்சத்திரமாக அறிமுகமான இவர், இதையடுத்து ஐந்து படங்களில் குழந்தை நட்சத்திரமாக நடித்த அவர், அதன்பின்னர் 2002-ம் ஆண்டு வெளிவந்த காதல் வைரஸ் படம் மூலம் ஹீரோயினாக அறிமுகமானார்.

கதிர் இயக்கிய இப்பாத்தில் நடிகர் அஜித்தின் மச்சானும், ஷாலினியின் சகோதரருமான ரிச்சர்டு ரிஷிக்கு ஜோடியாக நடித்திருந்தார் ஸ்ரீதேவி. இதையடுத்து மாதவனுடன் அவர் நடித்த பிரியமான தோழி திரைப்படம் மிகப்பெரிய அளவில் ஹிட் ஆனது. அதில் ஜூலி என்கிற கதாபாத்திரத்தில் நடித்திருந்தார் ஸ்ரீதேவி.

பின்னர் ஜீவாவுக்கு ஜோடியாக தித்திக்குதே, தனுஷுக்கு ஜோடியாக தேவதையை கண்டேன் என இவர் நடித்த இந்த இரண்டு படங்களுமே பேமிலி ஆடியன்ஸை வெகுவாக கவர்ந்து ஹிட் ஆனது. தேவதையைக் கண்டேன் படத்துடன் தமிழ் படங்களில் நடிப்பதை நிறுத்திக்கொண்ட ஸ்ரீதேவி கடந்த 2009-ம் ஆண்டு திருமணம் செய்துகொண்டார்.

இதையும் படியுங்கள்... மளமளவென உயர்ந்த டிஆர்பி ரேட்டிங்... முதலிடம் பிடித்த கார்த்திகை தீபம் - இந்த வார டாப் 5 சீரியல் லிஸ்ட் இதோ

ராகுல் என்பவரை திருமணம் செய்துகொண்ட பின்னர் ஒட்டுமொத்தமாக சினிமாவை விட்டு விலகிய நடிகை ஸ்ரீதேவிக்கு ரூபிகா என்கிற பெண் குழந்தையும் உள்ளது. திருமணத்துக்கு பின்னர் படங்களில் தலைகாட்டாவிட்டாலும் சின்னத்திரை நிகழ்ச்சிகளில் பங்கேற்று வருகிறார்.

குறிப்பாக தமிழ், தெலுங்கு என இரு மொழிகளில் சின்னத்திரை நடன நிகழ்ச்சிகளில் நடுவராக பங்கேற்று வருகிறார் ஸ்ரீதேவி. தற்போது விஜய் டிவியில் நடைபெற்று வரும் ஜோடி நம்பர் 1 நடன நிகழ்ச்சியில் நடிகை மீனா மற்றும் சாண்டி மாஸ்டர் உடன் சேர்ந்து நடுவராக பணியாற்றி வருகிறார் ஸ்ரீதேவி.

வயது 40-ஐ நெருங்கினாலும் இன்னும் குறையாத இளமையுடன் காட்சியளிக்கும் ஸ்ரீதேவி, விதவிதமான உடைகளில் போட்டோஷூட் நடத்துவதையும் வழக்கமாக வைத்துள்ளார். அந்த வகையில் மஞ்சள் நிற மாடர்ன் உடையில் செம்ம ஸ்டைலிஷாக போஸ் கொடுத்தபடி அவர் நடத்தியுள்ள போட்டோஷூட் புகைப்படங்கள் படு வைரல் ஆகி வருகின்றன.

இதையும் படியுங்கள்... ரத்னம் படத்துக்கு போட்டியாக என்னென்ன படங்கள் ரிலீஸ்... இந்த வார தியேட்டர் மற்றும் ஓடிடி வெளியீடுகள் ஒரு பார்வை