GOAT : புஷ்பா பாணியில் கோட் படத்தில் ஐட்டம் சாங்... தளபதி உடன் டான்ஸ் ஆட டிரெண்டிங் ஹீரோயினுக்கு பறந்த அழைப்பு
வெங்கட் பிரபு இயக்கத்தில் விஜய் நடித்து வரும் கோட் திரைப்படத்தில் ஐட்டம் டான்ஸ் ஆட டிரெண்டிங் நாயகி ஒருவரை படக்குழு அணுகி உள்ளதாம்.
விஜய்யின் 68-வது படம் கோட்
நடிகர் விஜய் நடிப்பில் உருவாகி வரும் திரைப்படம் கோட். வெங்கட் பிரபு இயக்கும் இப்படத்தை ஏஜிஎஸ் நிறுவனம் தயாரித்து வருகிறது. இப்படத்தில் நடிகர் விஜய்க்கு ஜோடியாக மீனாட்சி செளத்ரி நடிக்கிறார். மேலும் சினேகா, லைலா, மோகன், பிரசாந்த், பிரபுதேவா, அஜ்மல், நிதின் சத்யா, வைபவ், பிரேம்ஜி, பார்வதி நாயர் என மிகப்பெரிய நட்சத்திர பட்டாளமே இப்படத்தில் நடித்துள்ளது. இப்படத்திற்கு யுவன் சங்கர் ராஜா இசையமைத்து உள்ளார்.
கோட் திரைப்படம் செப்டம்பரில் ரிலீஸ்
கோட் திரைப்படத்தில் நடிகர் விஜய் இரட்டை வேடத்தில் நடித்துள்ளார். அதில் ஒன்று இளம் வயது கதாபாத்திரம் என்பதால் டீ ஏஜிங் டெக்னாலஜியை பயன்படுத்தி நடிகர் விஜய்யை இளமையாக காட்ட உள்ளனர். இதற்கான பணிகள் தற்போது அமெரிக்காவில் நடைபெற்று வருகிறது. கோட் படத்தின் படப்பிடிப்பும் இறுதிக்கட்டத்தை எட்டி உள்ளது. இப்படம் வருகிற செப்டம்பர் மாதம் 5-ந் தேதி விநாயகர் சதுர்த்தி பண்டிகையையொட்டி திரையரங்குகளில் ரிலீஸ் ஆக உள்ளது.
இதையும் படியுங்கள்... சில்லென்று வீசும் மழை காற்றை... துளியும் மேக்கப் இல்லாமல் சட்டை பட்டனை கழற்றி விட்டு ரசிக்கும் இவானா! போட்டோஸ்
ரஷ்யாவில் கோட் படப்பிடிப்பு
கோட் படத்தின் இறுதிக்கட்ட படப்பிடிப்பு ரஷ்யாவில் நடைபெற்று வருகிறது. அங்கு விஜய் நடிக்கும் ஆக்ஷன் காட்சிகள் படமாக்கப்பட்டு வருகிறது. இப்படத்தின் கதைக்கும் மாஸ்கோவுக்கும் சம்பந்தம் இருப்பதால் தான் ரஷ்யாவில் படப்பிடிப்பை நடத்தி வருகிறார்களாம். அதுமட்டுமின்றி அங்கு இதுவரை எந்தபடத்திலும் காட்சிப்படுத்தாத அழகிய இடங்களில் படப்பிடிப்பு நடத்தி உள்ளதாம் படக்குழு, இதனால் ரசிகர்களுக்கு ஒரு புதுவித அனுபவமாக கோட் படம் இருக்கும் என கூறப்படுகிறது.
கோட் படத்தில் ஸ்ரீலீலா ஐட்டம் டான்ஸ்
கோட் படம் குறித்த மற்றுமொரு ஹாட் அப்டேட் தற்போது கசிந்துள்ளது. அதன்படி தற்போது டோலிவுட்டில் சென்சேஷனல் ஹீரோயினாக வலம் வரும் ஸ்ரீலீலா, கோட் திரைப்படத்தில் நடிகர் விஜய்யுடன் இணைந்து ஐட்டம் சாங் ஒன்றிற்கு டான்ஸ் ஆட உள்ளதாக கூறப்படுகிறது. இதற்கான பேச்சுவார்த்தையும் நடைபெற்று வருகிறதாம். அண்மையில் மகேஷ்பாபுவின் குண்டூர் காரம் திரைப்படத்தில் ஸ்ரீலீலா ஆடிய குத்து டான்ஸ் வேறலெவலில் டிரெண்ட் ஆனது குறிப்பிடத்தக்கது.
இதையும் படியுங்கள்... Actress Sadha : சதாவிடம் உள்ள Hidden Talent.. பலரும் அறிந்திடாத அவரின் மறுபக்கம் - கேட்டால் ஆச்சர்யப்படுவீங்க!