2.O படத்தில் அக்‌ஷய் குமாருக்கு பதில் வில்லனாக நடிக்க இருந்தது இந்த கோலிவுட் ஹீரோவா? ஷங்கர் வெளியிட்ட சீக்ரெட்

தமிழ் திரையுலகில் அடுத்தடுத்து மாபெரும் வெற்றிப்படங்களை கொடுத்து ரசிகர்களால் பிரம்மாண்ட இயக்குனர் என கொண்டாடப்படுபவர் ஷங்கர். ஜெண்டில்மேன் தொடங்கி 2.O வரை இவர் இயக்கத்தில் வெளிவந்த படங்கள் அனைத்தும் பிரம்மாண்டத்தின் உச்சமாகவே பார்க்கப்படுகிறது. தற்போது இயக்குனர் ஷங்கர் இயக்கத்தில் கேம் சேஞ்சர் மற்றும் இந்தியன் 2 ஆகிய இரண்டு பிரம்மாண்ட திரைப்படங்கள் உருவாகி உள்ளன.

இதில் கேம் சேஞ்சர் திரைப்படத்தில் ராம்சரண் ஹீரோவாக நடித்துள்ளார். அரசியல் கதையம்சத்தை கொண்டு உருவாகி உள்ள இப்படத்தில் பாலிவுட் நடிகை கியாரா அத்வானி ஹீரோயினாக நடித்துள்ளார். மேலும் எஸ்.ஜே.சூர்யா, அஞ்சலி என மிகப்பெரிய நட்சத்திர பட்டாளமே கேம் சேஞ்சர் படத்தில் நடித்துள்ளது. இப்படத்தை தில் ராஜு தயாரித்து உள்ளார். தமன் இப்படத்திற்கு இசையமைத்து உள்ளார். இப்படம் விரைவில் ரிலீஸாக உள்ளது.

இதையும் படியுங்கள்... சூர்யா - சிறுத்தை சிவா காம்போ கலக்கியதா? சொதப்பியதா? கங்குவா படம் பார்த்து முதல் விமர்சனத்தை வெளியிட்ட பிரபலம்

கேம் சேஞ்சரை தொடர்ந்து ஷங்கர் கைவசம் உள்ள மற்றுமொரு பிரம்மாண்ட திரைப்படம் தான் இந்தியன் 2. கமல்ஹாசன் ஹீரோவாக நடித்துள்ள இப்படத்தை லைகா நிறுவனம் மற்றும் ரெட் ஜெயண்ட் நிறுவனம் இணைந்து தயாரித்து உள்ளது. இப்படத்திற்கு அனிருத் இசையமைத்து உள்ளார். காஜல் அகர்வால், பிரியா பவானி சங்கர், சித்தார்த், பாபி சிம்ஹா, எஸ்.ஜே.சூர்யா என பல்வேறு டாப் நட்சத்திரங்கள் இணைந்து நடித்துள்ள இப்படம் வருகிற ஜூலை 12-ந் தேதி திரைக்கு வருகிறது.

இந்தியன் 2 படத்தின் புரமோஷனில் பிசியாக உள்ள இயக்குனர் ஷங்கர் பல்வேறு பேட்டிகளை கொடுத்து வருகிறார். அப்படி ஒரு பேட்டியில் கமல்ஹாசனையும், ரஜினிகாந்தையும் ஒரே படத்தில் நடிக்க வைக்க முயற்சித்தது பற்றி கூறி இருக்கிறார். அதன்படி 2.O படத்தில் வில்லனாக நடிக்க இயக்குனர் ஷங்கர் முதலில் கமல்ஹாசனை தான் அணுகினாராம். ஆனால் அந்த சமயத்தில் அவர் பிசியாக இருந்ததால் நடிக்க முடியாமல் போனதாம். அதன்பின்னரே அக்‌ஷய் குமாரை வில்லனாக நடிக்க வைத்ததாக ஷங்கர் தெரிவித்துள்ளார்.

இதையும் படியுங்கள்... Amala Nagarjuna : அமலா நாகார்ஜூனா ஜோடி.. அவங்க காதலுக்கு இப்போ வயசு 32 - வைரலாகும் அவங்க Marriage Clicks!