Jawan Day 2 Box Office: ஜெயிலர் வசூலை ஜெட் வேகத்தில் ஓரம்கட்டிய 'ஜவான்'! ஆல் ஏரியாவிலும் கிங் நிரூபித்த ஷாருக்
ஷாருக்கான் நடிப்பில், செப்டம்பர் 7ஆம் தேதி வெளியான 'ஜவான்' படத்தின் இரண்டு நாள் வசூல் குறித்த தகவல் தற்போது வெளியாகி, ஷாருக்கான் ரசிகர்களை குஷியாக்கி உள்ளது.
இயக்குனர் அட்லீ, பாலிவுட் திரை உலகில் இயக்குனராக அறிமுகமாகியுள்ள திரைப்படம் ஜவான். இந்த படத்தில், கதாநாயகனாக ஷாருக்கான் இரட்டை வேடத்தில் நடித்துள்ளார். ஷாருக்கானுக்கு ஜோடியாக நடிகை நயன்தாரா - தீபிகா படுகோன் ஆகியோர் நடிக்க, முக்கிய வேடத்தில் விஜய் சேதுபதி, சஞ்சய் தத், யோகி பாபு, பிரியாமணி, உள்ளிட்ட பலர் நடித்துள்ளனர்.
ஷாருக்கான் மற்றும் நயன்தாரா ரசிகர்கள் மத்தியில் மிகப்பெரிய எதிர்பார்ப்போடு செப்டம்பர் 7-ஆம் தேதி வெளியான 'ஜவான்' திரைப்படம் முதல் நாளே ஹிந்தி திரை உலகில், மிகப்பெரிய ஓபனிங் கிடைத்த திரைப்படமாக மாறியது. மேலும் முதல் நாளே 129.6 கோடி வசூலித்ததாக படக்குழு அதிகாரப்பூர்வமாக அறிவித்தது. எனவே எப்படியும் 'ஜவான்' திரைப்படம் உலகம் முழுவதும் 175 கோடி வசூலை முதல் நாளே எட்டி இருக்கும் என கூறப்பட்டது.
Jawan Box Office: ஹிஸ்டாரிக் காலெக்ஷன்.! முதல் நாளே பாலிவுட் திரையுலகை அதிர வைத்த 'ஜவான்' பட வசூல்!
இதைத்தொடர்ந்து தற்போது ஜவான் படத்தின் இரண்டாம் நாள் வசூல் குறித்த தகவல், வெளியாகி உள்ளது. முதல் நாளே மிகப் பெரிய வசூல் வேட்டை நடத்திய ஷாருகானின் ஜவான் படத்திற்கு, தொடர்ந்து பாசிட்டிவ் விமர்சனங்கள் கிடைத்து வருவதால்.... தென்னிந்தியாவை விட வட இந்தியாவில் கலெக்ஷன் அடித்து நொறுக்கி வருகிறது.
மேலும் வெள்ளிக்கிழமையான நேற்று, 'ஜவான்' படம் அதிகப்படியாக 107 கோடிக்கு மேல் உலக அளவில் வசூல் வேட்டை ஆடி உள்ளதாக பாக்ஸ் ஆபிஸ் நிபுணர்கள் தெரிவித்துள்ளனர். எனவே இரண்டாவது நாளில் மட்டும் கிட்டத்தட்ட 235 கோடிக்கு மேல் 'ஜவான்' திரைப்படம் வசூல் செய்துள்ளது. இதன் மூலம் அதிக வசூல் செய்த ஜெயிலர் படத்தை ஜெட் வேகத்தில் பீட் செய்துள்ளது ஜவான்.
சனி, ஞாயிறு கிழமைகள் விடுமுறை என்பதால், 'ஜவான்' படத்தின் வசூல் ஒரே வாரத்திற்குள் 500 கோடியை உலக அளவில் எட்டும் என எதிர்பார்க்கப்படுகிறது. இந்த தகவலால் ஜவான் பட குழுவினர் மட்டுமின்றி ஷாருக்கானின் ரசிகர்களும் படு குஷியாகி உள்ளனர். ஜவான் படத்தின் வெற்றியால் இயக்குனர் அட்லீக்கு வாழ்த்துக்கள் குவிந்து வருகிறது.
