அடடா இதவிட ஒரு பர்த்டே கிப்ட் இருக்க முடியுமா! பிறந்தநாளன்றே குழந்தை பெற்றெடுத்த சீரியல் நடிகை காயத்ரி யுவராஜ்

விஜய் டிவி சீரியல்களில் நடித்து பிரபலமான நடிகை காயத்ரி யுவராஜுக்கு 13 ஆண்டுகளுக்கு பின்னர் இரண்டாவது குழந்தை பிறந்துள்ளது.

gayathri yuvaraj

மானாட மயிலாட என்கிற நடன நிகழ்ச்சியில் கலந்துகொண்டதன் மூலம் பிரபலமானவர் காயத்ரி. இவர் அந்நிகழ்ச்சியில் தன்னோடு நடனமாடிய யுவராஜ் என்பவரை காதலித்து திருமணம் செய்துகொண்டார். இந்த ஜோடிக்கு ஒரு ஆண் குழந்தையும் பிறந்தது. குழந்தை பிறந்த பின்னர் சீரியலில் நடிக்க தொடங்கினார் காயத்ரி.

gayathri with her husband yuvaraj

அதன்படி சன் டிவியில் ஒளிபரப்பான தென்றல் என்கிற சீரியலில் நிலா என்ற கதாபாத்திரத்தில் தன்னுடைய அழகான நடிப்பால் அனைவரின் கவனத்தையும் ஈர்த்தார் காயத்ரி. இதையடுத்து அவருக்கு அடுத்தடுத்து பல்வேறு வாய்ப்புகள் கிடைத்தன. அதன்படி சரவணன் மீனாட்சி, மெல்ல திறந்தது கதவு, தாமரை போன்ற சூப்பர் ஹிட் சீரியல்களில் நடித்தார்.

gayathri yuvaraj family

கடைசியாக மீனாட்சி பொண்ணுங்க என்கிற சீரியலில் நடித்துக் கொண்டிருந்தபோது கர்ப்பமானதால் அந்த சீரியலில் இருந்து பாதியிலேயே விலகினார் காயத்ரி. இவருக்கு 13 வயதில் மகன் இருக்கும் நிலையில், தற்போது 2-வது குழந்தை பெற்றெடுத்துள்ளார் காயத்ரி. அவருக்கு இரண்டாவதாக பெண் குழந்தை பிறந்துள்ளது.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

yuvaraj Insta post

நவம்பர் 16-ந் தேதியான இன்று அதிகாலை குழந்தை பிறந்ததாகவும், தாயும் சேயும் நலமுடன் இருப்பதாகவும் காயத்ரியின் கணவர் யுவராஜ் தன்னுடைய இன்ஸ்டாகிராம் பக்கத்தில் பதிவிட்டுள்ளார். அதோடு தன்னுடையை மகள் தனது கையை பிடித்தவாரு இருக்கும் புகைப்படத்தையும் பதிவிட்டு தேவதை பிறந்திருப்பதாக குறிப்பிட்டுள்ளார்.

gayathri yuvaraj 2nd baby

இதில் கூடுதல் ஸ்பெஷல் என்னவென்றால், காயத்ரியின் பிறந்தநாளான இன்று அவரது மகளும் பிறந்திருக்கிறார். இதைப்பார்த்த ரசிகர்கள் இதைவிட சிறந்த பிறந்தநாள் பரிசு கிடைக்காது என காயத்ரிக்கு வாழ்த்து தெரிவித்து வருகின்றனர். இதனால் நடிகை காய்த்ரி டபுள் சந்தோஷத்தில் உள்ளார். அதேபோல் காயத்ரி உடன் சீரியலில் நடித்த நடிகர், நடிகைகளும் அவருக்கு இன்ஸ்டாகிராமில் வாழ்த்துக்களை பதிவிட்டு வருகின்றனர்.

இதையும் படியுங்கள்...  2 முறை ரிஜெக்ட் செய்த ஏகே... அஜித்துக்காக பயங்கரமான கதையோடு காத்திருக்கும் அட்லீ