Vikram: விக்ரம் படத்தில்...கத்திரி போட்டு தூக்கிய அடல்ட் வசன காட்சிகள்...? வெளியான சென்சார் கட் ரிப்போர்ட்....

கமல்ஹாசன் நடித்து தயாரித்திருக்கும் விக்ரம் திரைப்படம் ஜூன் 3-ந் தேதி பிரம்மாண்டமாக வெளியிடப்பட உள்ளது. 4 ஆண்டு இடைவெளிக்கு பின் அவரது படம் திரையரங்குகளில் வெளியாக உள்ளதால் சிகர்கள் முதல் சினிமா வட்டாரங்கள் வரை, இப்படத்திற்கான எதிர்பார்ப்பு அதிக அளவில் உள்ளது. இப்படத்தின் முன்பதிவு கடந்த ஒரு வாரமாகவிறுவிறுப்பாக நடைபெற்று வருகிறது.

லோகேஷ் கனகராஜ் இயக்கத்தில், விக்ரம் படத்தில் நடிகர் கமல்ஹாசன் நாயகனாக நடித்துள்ளார். அவருடன் சேர்ந்து விஜய் சேதுபதி, அர்ஜுன் தாஸ், ஆண்டனி வர்கீஸ், சூர்யா, பகத் பாசில், காளிதாஸ் ஜெயராம், நரேன் என மிகப்பெரிய நட்சத்திர பட்டாளமே நடித்துள்ளது.  இந்த படத்திற்கு அனிருத் இசையமைத்துள்ளார். 

விக்ரம் படம் வெளியீட்டிற்கு இன்னும், சில நாட்களே உள்ள நிலையில், படத்தின் ப்ரோமோஷன் பணிகளில் படக்குழு இணைத்துள்ளது. சமீபத்தில் விக்ரம் படத்தின் இசை வெளியிட்டு விழா மிகப்பிரமாண்டமாக நடைபெற்றது. அந்த விழாவில் விக்ரம் படத்தின் ட்ரைலரும் வெளியானது. மேலும் இப்படத்தின் பாடலும் ரசிகர்களின் அமோக வரவேற்பை பெற்றது. 

இதைத்தொடர்ந்து, இப்படம் அடுத்த வாரம் திரையில் வெளியாகவுள்ளது. இந்நிலையில், சமீபத்தில் விக்ரம் திரைப்படம் சென்சார் செய்யப்பட்டு படத்திற்கு U A சான்றிதழ் வழங்கப்பட்டது.

இதைதொடர்ந்து, தற்போது விக்ரம் படத்தின் சென்சார் கட்  (நீக்கப்பட்ட வசனம் மற்றும் காட்சிகள்) தகவல்  வெளியாகியுள்ளது. அதன் படி, லோகேஷ் கனகராஜ் இயக்கத்தில் வெளிவரும் இந்த படம் மொத்தம் 10 சென்சார் கட்களை வாங்கியுள்ளது. குறிப்பாக, சூர்யா, விஜய் சேதுபதி, பகத் பாசில் ஆகியோர் நடித்துள்ள இந்த படத்தில் சில அடல்ட் வார்த்தைகள், வசனங்கள் இடம்பெற்றிருந்தது குறிப்பிடக்கத்தக்கது. 

மேலும் படிக்க....Vikram Movie: விஜய்யின் கால்ஷீட்டுக்காக வெயிட்டிங்....பொது மேடையில் ஓப்பனாக சொன்ன கமல்...? ஷாக்கான ரசிகர்கள்..