முதல் நாளில் நயன்தாரா படத்தைவிட அதிக வசூல்... பாக்ஸ் ஆபிஸில் கெத்து காட்டும் கான்ஜுரிங் கண்ணப்பன்..!

செல்வின் ராஜ் சேவியர் இயக்கத்தில் சதீஷ் நடிப்பில் வெளியாகி இருக்கும் கான்ஜுரிங் கண்ணப்பன் திரைப்படத்தின் முதல் நாள் பாக்ஸ் ஆபிஸ் நிலவரத்தை பார்க்கலாம்.

conjuring kannappan poster

கிரேசி மோகனின் நாடக குழுவில் 8 ஆண்டுகள் பணியாற்றிய பின்னர் சினிமாவில் நகைச்சுவை நடிகராக அறிமுகமானவர் சதீஷ். ஆரம்பத்தில் ஜெர்ரி, தமிழ் படம் போன்றவற்றில் சதீஷ் நடித்திருந்தாலும் அவருக்கு மதராசபட்டினம் தான் திருப்புமுனையாக அமைந்தது. அப்படத்தின் வெற்றிக்கு பின்னர் விக்ரம், சிவகார்த்திகேயன், விஜய், தனுஷ் போன்ற முன்னணி நடிகர்களுடன் இணைந்து பணியாற்றி மக்கள் மத்தியில் பிரபலமானார் சதீஷ்.

sathish

கிட்டத்தட்ட 15 ஆண்டுகளாக காமெடியனாக நடித்து வந்த சதீஷ், நாய் சேகர் படம் மூலம் ஹீரோவாக அறிமுகமானார். ஏஜிஎஸ் நிறுவனம் தயாரித்த இப்படம் கடந்த ஆண்டு ரிலீஸ் ஆகி பிளாக்பஸ்டர் ஹிட் ஆனது. நாய் சேகர் படத்தின் வெற்றிக்கு பின்னர் சதீஷூக்கு ஹீரோவாக நடிக்கும் வாய்ப்புகள் குவிந்தன. அந்த வகையில் அவர் அடுத்ததாக தேர்ந்தெடுத்து நடித்துள்ள திரைப்படம் தான் கான்ஜுரிங் கண்ணப்பன். இப்படத்தையும் ஏஜிஎஸ் நிறுவனம் தான் தயாரித்து உள்ளது.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

sathish, regina

வித்தியாசமான கதையம்சத்துடன் கூடிய பேய் படமாக இது உருவாகி உள்ளது. இப்படத்தில் நடிகர் சதீஷ் உடன் ரெடின் கிங்ஸ்லி, சரண்யா பொன்வண்ணன், நாசர், விடிவி கணேஷ், ரெஜினா, ஆனந்தராஜ் என மிகப்பெரிய நட்சத்திர பட்டாளமே இணைந்து நடித்துள்ளது. யுவா ஒளிப்பதிவு செய்துள்ள இப்படத்திற்கு யுவன் சங்கர் ராஜா இசையமைத்து உள்ளார். இப்படத்தை செல்வின் ராஜ் சேவியர் என்கிற புதுமுக இயக்குனர் இயக்கி உள்ளார்.

conjuring kannappan box office collection

மிகுந்த எதிர்பார்ப்புக்கு மத்தியில் நேற்று உலகமெங்கும் ரிலீஸ் ஆன கான்ஜுரிங் கண்ணப்பன் திரைப்படத்துக்கு ரசிகர்கள் மத்தியில் அமோக வரவேற்பு கிடைத்து வருகிறது. இப்படம் பாக்ஸ் ஆபிஸிலும் வசூலை வாரிக்குவித்து உள்ளது. அதன்படி முதல்நாளே இப்படம் ரூ.1 கோடிக்கு மேல் வசூலித்து உள்ளதாக தகவல் வெளியாகி உள்ளது. கடந்த வாரம் வெளிவந்த நயன்தாராவின் அன்னபூரணி படம் முதல் நாளில் ரூ.80 லட்சம் மட்டுமே வசூலித்திருந்த நிலையில், கான்ஜுரிங் கண்ணப்பன் திரைப்படம் அதை மிஞ்சி உள்ளது.

இதையும் படியுங்கள்... காஞ்சனாவுக்கே டஃப் கொடுக்கும் பேய் படமாக இருந்ததா கான்ஜுரிங் கண்ணப்பன்? முழு விமர்சனம் இதோ