மளமளவென சரிந்த வசூல்... பாக்ஸ் ஆபிஸில் கும்மாங் குத்து வாங்கிய குஷி - 2ம் நாள் கலெக்‌ஷன் இவ்வளவுதானா?

தெலுங்கு திரையுலகில் முன்னணி நடிகராக வலம் வருபவர் விஜய் தேவரகொண்டா. இவர் நடிப்பில் கடந்தாண்டு வெளிவந்த லிகர் என்கிற திரைப்படம் பான் இந்தியா அளவில் படுதோல்வியை சந்தித்தது. அப்படத்தின் தோல்விக்கு பின்னர் அவர் நடிப்பில் உருவான திரைப்படம் தான் குஷி. இப்படத்தில் அவருக்கு ஜோடியாக சமந்தா நடித்துள்ளார். அவரும் சாகுந்தலம் என்கிற அட்டர் பிளாப் படத்தை கொடுத்ததால், இப்படத்தின் வெற்றியை மலைபோல் நம்பி இருந்தார்.

குஷி திரைப்படத்தை ஷிவா நிர்வாணா இயக்கி உள்ளார். ரொமாண்டிக் காமெடி திரைப்படமான இது கடந்த வெள்ளிக்கிழமை திரைக்கு வந்தது. அவர்கள் எதிர்பார்த்தபடியே இப்படம் ரசிகர்கள் மத்தியில் அமோக வரவேற்பை பெற்று பாசிடிவ் விமர்சனங்கள் கிடைத்து வருவதால் படக்குழு உற்சாகம் அடைந்துள்ளனர். அதுமட்டுமின்றி இது சமந்தா மற்றும் விஜய் தேவரகொண்டா இருவருக்குமே தரமான கம்பேக் படமாக அமைந்துள்ளதாக ரசிகர்கள் பதிவிட்டு வருகின்றனர்.

இதையும் படியுங்கள்... காசும் கொடுக்கல.. காரும் கொடுக்கல; ஜெயிலர் பட ஆட்டநாயகன் அனிருத்தை அம்போனு விட்ட கலாநிதி - கடுப்பில் ரசிகர்கள்

வழக்கமாக ஒரு படத்தின் வெற்றியை தீர்மானிப்பது அதன் வசூல் தான். அந்த வகையில் குஷி திரைப்படம் முதல் நாளில் ரூ.30.1 கோடி வசூலித்திருந்த நிலையில், இரண்டாம் நாளில் அதன் வசூல் சற்று சரிவை சந்தித்து உள்ளது. அதன்படி இரண்டாம் நாளில் குஷி திரைப்படம் ரூ.20 கோடி மட்டுமே வசூல் ஈட்டி உள்ளது. நேற்று விடுமுறை தினமாக இருந்தும் வசூல் கம்மி ஆகி உள்ளது படக்குழுவினரை அதிர்ச்சியடைய வைத்துள்ளது.

இன்று ஞாயிற்றுக்கிழமை என்பதால் படத்தின் வசூல் இன்று பிக் அப் ஆகிவிடும் என படக்குழு எதிர்பார்த்து காத்திருக்கிறது. குஷி திரைப்படத்திற்கு தெலுங்கு ரசிகர்கள் மத்தியில் அமோக வரவேற்பு கிடைத்தாலும், இப்படத்திற்கு பிற மொழிகளில் பெரியளவில் வரவேற்பு கிடைக்கவில்லை. குறிப்பாக தமிழ்நாட்டில் இப்படம் வசூலில் பலத்த அடி வாங்கி உள்ளதாக கோலிவுட் வட்டாரத்தில் கூறப்படுகிறது.

இதையும் படியுங்கள்... பதுங்கிய பிரபாஸ்... பாய ரெடியான ஜெயம் ரவி! ரிலீஸ் தேதி உடன் வந்த ‘இறைவன்’ படத்தின் மிரட்டலான டிரைலர் இதோ