நீங்கள் ஒரு ஆரோக்கியமான திருமண உறவில் இருக்கிறீர்களா? இவை தான் அறிகுறிகள்.. செக் பண்ணுங்க..
ஆரோக்கியமான உறவின் சில அறிகுறிகளை இந்த பதிவில் பார்க்கலாம்.
ஒரு ஆரோக்கியமான திருமண உறவுக்கு பரஸ்பர ஆதரவும் நம்பிக்கையும் அவசியம். உடல் நெருக்கத்தை தாண்டி, தம்பதிகள் தங்கள் வளர்ச்சி மற்றும் தனித்துவத்தில் கவனம் செலுத்தும் போது ஆது ஒரு ஆரோக்கியமான உறவாக மாறுகிறது. ஆரோக்கியமான உறவின் சில அறிகுறிகளை இந்த பதிவில் பார்க்கலாம்.
ஆரோக்கியமான உறவில், தம்பதிகள் ஒருவரை ஒருவர் மதிக்கின்றனர். ஒருவருக்கொருவர் அனுபவங்களை உறுதிப்படுத்துகிறார்கள். ஒருவரையொருவர் மரியாதையுடன் நடத்துகிறார்கள், ஒருபோதும் ஒருவரையொருவர் குறைத்துக்கொள்ள மாட்டார்கள்.
வெளிப்படையான தொடர்பு என்பது உறவின் மிக முக்கியமான அம்சமாகும். எனவே ஒரு ஆரோக்கியமான உறவில் தம்பதிகள் நேர்மறையான உரையாடலில் தீவிரமாக ஈடுபடுகிறார்கள். எதையும் முன் கூட்டியே முடிவு செய்யாமல், ஒருவரின் கருத்துகளை மற்றொருவர் பொறுமையாக கேட்கிறார்.
திருமண உறவில் ஒருமுறை உடைந்த நம்பிக்கையை முழுமையாக மீட்டெடுக்க முடியாது. எனவே ஒரு ஆரோக்கியமான உறவில் இரு தம்பதிகளும் நம்பகமானவர்களாக இருப்பார்கள்.. தங்களின் வாக்குறுதிகளை காப்பாற்றுவார்கள், உறவில் எந்த ரகசியங்களை வைத்துக்கொள்ளமாட்டார்கள். இது அவர்களுக்கு இடையேயான பிணைப்பை பலப்படுத்துகிறது.
கனவுகள் மற்றும் இலக்குகளை நிறைவேற்றுவதில் ஒருவருக்கொருவர் துணை நிற்பார்கள். உங்கள் துணையை தொடர்ந்து ஊக்குவிப்பதும் சாதனைகளைக் கொண்டாடுவதும் மன உறுதியையும் நம்பிக்கையையும் அதிகரிக்கிறது.. தேவைப்படும் நேரங்களில் உங்களுக்கு ஆதரவாக இருக்கும் துணை எப்போதும் உங்கள் பக்கத்திலேயே உறுதியாக இருப்பார்.
எந்தவொரு உறவிலும் மோதல் தவிர்க்க முடியாதது, ஆனால் ஆரோக்கியமான உறவில், தம்பதிகள் தங்கள் வாதங்களை பெரிதுபடுத்த முயற்சிக்க மாட்டார்கள். மாறாக, அவர்கள் ஒருவருக்கொருவர் அமைதியாக பதிலளிப்பார்கள். பிரச்சனைக்கு என்ன தீர்வை என்பதை கண்டறிய முயற்சிப்பார்கள்.
Do this in the morning to make the marriage strong
ஒரு ஆரோக்கியமான உறவில் தம்பதிகள் ஒருவருக்கொருவர் தங்களின் தனிப்பட்ட சுதந்திரம் ஆசைகளை மதிக்கிறார்கள். தங்கள் துணை தனிப்பட்ட சுதந்திரத்தைப் பயன்படுத்துவதையோ அல்லது நண்பர்கள் மற்றும் குடும்பத்தினருடன் நேரத்தை செலவிடுவதைப் பார்த்து அவர்கள் கோபப்படுவதில்லை.
உடல் நெருக்கமும் ஆரோக்கியமான உறவின் முக்கிய அம்சமாகும். தம்பதிகள் ஒருவருக்கொருவர் தங்கள் உணர்ச்சி மற்றும் உடல் தேவைகளைப் பற்றி அக்கறை கொண்டிருப்பார்கள். மேலும் ஆரோக்கியமான உறவில் இரு கூட்டாளிகளும் தங்கள் குடும்ப உறவுகளுக்கு மரியாதை கொடுக்கின்றனர். ஒரு நேர்மறையான உறவில், தம்பதிகள் தங்கள் துணையின் குடும்பத்தினரை விமர்சிப்பதை தவிர்க்கிறார்கள். பரஸ்பர மரியாதை, தங்கள் துணையின் குடும்ப உறுப்பினர்களை ஏற்றுக்கொள்ளும் உணர்வைக் கொண்டிருக்கின்றனர்..