சிங்கம் போல் சிங்கிளாக களமிறங்கும் GV-யின் ரெபல்... இந்தவார தியேட்டர் & ஓடிடி ரிலீஸ் படங்களின் முழு லிஸ்ட் இதோ
ஜிவி பிரகாஷின் ரெபல் முதல் ஓப்பன்ஹெய்மர் வரை வருகிற மார்ச் 22-ந் தேதி தியேட்டர் மற்றும் ஓடிடியில் ரிலீஸ் ஆகும் படங்களின் முழு பட்டியலை பார்க்கலாம்.
This week Theatre and OTT release Movies
தமிழ்நாட்டு திரையரங்குகளுக்கு கடந்த ஒரு மாதமாக மலையாள படங்கள் தான் வசூல் ராஜாவாக திகழ்ந்து வந்தன. மஞ்சும்மல் பாய்ஸ் மற்றும் பிரேமலு ஆகிய படங்கள் தமிழ்நாட்டில் சக்கைப்போடு போட்டு வசூலையும் வாரிக்குவித்தன. இந்த படங்களின் ஆதிக்கத்தால் கடந்த சில வாரங்களாக புதிதாக வெளிவந்த தமிழ் படங்கள் அனைத்தும் பிளாப் ஆகின. இந்த நிலையில், இந்த வாரம் தியேட்டர் மற்றும் ஓடிடியில் ரிலீஸ் ஆகும் படங்கள் பற்றி பார்க்கலாம்.
ரெபல் (Rebel)
ஜிவி பிரகாஷ்குமார் ஹீரோவாக நடித்துள்ள திரைப்படம் ரெபல். இதில் அவருக்கு ஜோடியாக மலையாள நடிகை மமிதா பைஜு நடித்திருக்கிறார். நிகேஷ் இயக்கியுள்ள இப்படத்தை ஸ்டூடியோ கிரீன் நிறுவனம் தயாரித்து உள்ளது. ஜிவி பிரகாஷ்குமார் தான் இப்படத்திற்கு இசையமைத்து உள்ளார். ரெபல் திரைப்படம் வருகிற மார்ச் 22-ந் தேதி திரையரங்கில் ரிலீஸ் ஆக உள்ளது. இந்த வாரம் தியேட்டரில் புதிதாக ரிலீஸ் ஆக உள்ள ஒரே ஒரு தமிழ் படம் ரெபல் மட்டும் தான்.
ரீ-ரிலீஸ் படங்கள்
ரெபல் படத்துக்கு போட்டியாக இரண்டு பழைய படங்கள் ரீ-ரிலீஸ் செய்யப்படுகின்றன. அதில் ஒன்று தனுஷின் பக்கிரி. இது ஹாலிவுட்டில் அவர் நடித்த முதல் படமாகும். இப்படம் தமிழில் டப்பாகி மார்ச் 22ந் தேதி ரீரிலீஸ் ஆகிறது. அதோடு நடிகர் விஜய் டபுள் ஆக்ஷனில் மிரட்டிய அழகிய தமிழ்மகன் திரைப்படமும் அன்றைய தினம் ரீ-ரிலீஸ் செய்யப்பட உள்ளது.
இதையும் படியுங்கள்... ஷூட்டிங் ஸ்பாட்டில் கூடிய ஆயிரக்கணக்கான ரசிகர்கள்! வேன் மீது ஏறி அன்பை வெளிப்படுத்திய தளபதி.! வைரல் வீடியோ!
ஓடிடியில் ரிலீஸாகும் தமிழ் படங்கள் (OTT release Tamil Movies)
விஜய் டிவியில் தொகுப்பாளராக பணியாற்றியதன் மூலம் பிரபலமான ரக்ஷன் ஹீரோவாக நடித்த மறக்குமா நெஞ்சம் திரைப்படம் வருகிற மார்ச் 22-ந் தேதி டெண்ட்கொட்டா ஓடிடி தளத்தில் ரிலீஸ் ஆக உள்ளது. அக்ஷரா கவுடா, ஆதர்ஷ் கிருஷ்ணா, பூஜா ஜவேரி நடிப்பில் தெலுங்கில் வெளியான மிக்ஸ் அப் என்கிற திரைப்படம் தமிழில் டப்பிங் செய்யப்பட்டு ஆஹா ஓடிடி தளத்தில் இந்த வாரம் ரிலீஸ் ஆகிறது.
ஓடிடியில் ரிலீசாகும் பிற மொழி படங்கள் (OTT release Other Language Movies)
மலையாளத்தில் ஆபிரஹாம் ஓஸ்லர் என்கிற திரைப்படம் ஹாட்ஸ்டார் ஓடிடி தளத்தில் மார்ச் 22ந் தேதி ரிலீஸ் ஆகிறது. அதேபோல் இந்தியில் ஃபைட்டர் திரைப்படம் நெட்பிளிக்ஸில் ரிலீஸ் ஆகிறது. கன்னடத்தில் ஒண்டு சரலா பிரேம கதா திரைப்படம் அமேசான் பிரைமில் ரிலீஸ் ஆகிறது. தெலுங்கில் சுந்தரம் மாஸ்டர் என்கிற திரைப்படம் ஈடிவி வின் ஓடிடி தளத்தில் ரிலீஸ் ஆகிறது. இதுதவிர 7 ஆஸ்கர் வென்ற கிறிஸ்டோபர் நோலனின் ஓப்பன்ஹெய்மர் என்கிற ஹாலிவுட் படம் ஜியோ சினிமாவில் மார்ச் 22-ந் தேதி ரிலீஸ் ஆகிறது.
இதையும் படியுங்கள்... பைவ் ஸ்டார் ஹோட்டலில் அனிதா விஜயகுமார் கொடுத்த ராஜ விருந்து; பேமிலியோடு ஆஜரான அருண் விஜய் - வைரலாகும் போட்டோஸ்
சேனலை கிளிக் செய்து பின்தொடரவும்
