லட்சத்துக்கு ஆசைப்பட்ட சிவாஜிக்கு கோடிக்கணக்கில் சம்பளத்தை வாரிவழங்கிய ரஜினி... படையப்பா சீக்ரட்ஸ் இதோ

படையப்பா படத்தில் நடித்ததற்காக நடிகர் திலகம் சிவாஜி கணேசனுக்கு சூப்பர்ஸ்டார் ரஜினிகாந்த் கோடிக்கணக்கில் சம்பளம் வழங்கியது பற்றி பார்க்கலாம்.

Sivaji, Rajinikanth

நடிகர் திலகம் சிவாஜி கணேசன் மீது அலாதி பிரியம் கொண்டவர் ரஜினிகாந்த். இதன்காரணமாகவே சிவாஜி உடன் இணைந்து நீதிபதி கோபிநாத், நான் வாழ வைப்பேன், நட்சத்திரம், உருவங்கள் மாறலாம், படிக்காதவன், விடுதலை, மாவீரன், படையப்பா என மொத்தம் 8 படங்களில் நடித்தார் ரஜினிகாந்த். இவர்கள் இருவரும் கடைசியாக இணைந்து நடித்த படமான படையப்பா பிளாக்பஸ்டர் ஹிட் ஆனதோடு, இன்றளவும் ரசிகர்கள் விரும்பி பார்க்கும் கமர்ஷியல் படமாகவும் உள்ளது.

padayappa movie still

படையப்பா படத்தை கே.எஸ்.ரவிக்குமார் இயக்கி இருந்தார். இப்படத்தில் ரஜினிக்கு ஜோடியாக செளந்தர்யா நடிக்க, வில்லியாக ரம்யா கிருஷ்ணன் மிரட்டி இருந்தார். இப்படத்தில் நடிகர் ரஜினிகாந்தின் தந்தையாக சிவாஜி கணேசன் நடித்திருந்தார். அப்படத்தில் இறப்பதற்கு முன்னர் சிவாஜி கணேசன் தான் வாழ்ந்த வீட்டின் தூணை கட்டிப்பிடித்து அழும் காட்சிகள் இன்று பார்த்தாலும் நமக்கு கண்ணீர் வரவைக்கும், அந்த அளவுக்கு உயிரோட்டத்துடன் அக்காட்சியில் நடித்திருந்தார் சிவாஜி.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Sivaji ganesan salary for padayappa

இந்த படையப்பா படத்திற்காக சிவாஜி கணேசன் வாங்கிய சம்பளம் எவ்வளவு என தெரிந்தால் நிச்சயம் ஆச்சர்யப்படுவீர்கள். அதற்கு முன்னர் வரை அதிகபட்சமாக ஒரு படத்துக்கு ரூ.20 லட்சம் வாங்கி வந்த சிவாஜி கணேசன், படையப்பா படத்தில் நடிக்க அழைத்ததும் சரி ஒரு 30 லட்சம் சம்பளமாக கேட்கலாம் என நினைத்திருந்தாராம். ஆனால் அவரை வாயடைக்க செய்யும் அளவுக்கு சம்பளத்தை வாங்கி கொடுத்திருக்கிறார் ரஜினி.

padayappa movie poster

அப்படத்தில் நடிக்க சிவாஜி கணேசனுக்கு ரூ.1 கோடி சம்பளமாக வாங்கி கொடுத்திருக்கிறார் ரஜினி. அதில் தனது தந்தையாக சிவாஜியை நடிக்க வைக்கலாம் என கே.எஸ்.ரவிக்குமாரிடம் பரிந்துரை செய்ததும் ரஜினி தானாம். சிவாஜி கணேசன் 1 கோடி சம்பளம் வாங்கிய முதல் படமும், கடைசி படமும் சிவாஜி தான். அப்படம் ரிலீஸ் ஆன பின்னர் சிவாஜி இறந்துவிட்டார்.

இதையும் படியுங்கள்... என்னது சிவாஜி கணேசன் அமெரிக்காவில் மேயராக பணியாற்றினாரா... பலரும் அறிந்திடாத நடிகர் திலகத்தின் மகத்தான சாதனை!