லால் சலாம் பிளாப்பா யார் சொன்னா... தந்தையோடு சேர்ந்து வெற்றியை கொண்டாடிய ஐஸ்வர்யா ரஜினிகாந்த்..!
லால் சலாம் திரைப்படம் திரையரங்குகளில் வெற்றிகரமாக மூன்றாவது வாரத்திற்குள் அடியெடுத்து வைத்துள்ளதை படக்குழு கொண்டாடி உள்ளனர்.
Rajinikanth, AR Rahman
ரஜினியின் மூத்த மகள் ஐஸ்வர்யா ரஜினிகாந்த், சுமார் 8 ஆண்டுகள் இடைவெளிக்கு பின்னர் இயக்குனராக ரீ-எண்ட்ரி கொடுத்த படம் லால் சலாம். கிரிக்கெட்டை மையமாக வைத்து எடுக்கப்பட்ட இப்படத்தில் விஷ்ணு விஷால் மற்றும் விக்ராந்த் ஆகியோர் கதையின் நாயகர்களாக நடித்துள்ளனர். மேலும் செந்தில், தம்பி ராமையா, நிரோஷா, ஜீவிதா ராஜசேகர், தன்யா பாலகிருஷ்ணன், தங்கதுரை, ஆகியோர் முக்கிய கதாபாத்திரங்களில் நடித்திருந்தனர்.
Aishwarya Rajinikanth
இதுதவிர சூப்பர்ஸ்டார் ரஜினிகாந்தும் இப்படத்தில் சிறப்பு தோற்றத்தில் நடித்திருந்தார். பாட்ஷா படத்துக்கு பின்னர் அவர் ஒரு முஸ்லீம் கதாபாத்திரத்தில் நடித்த படம் லால் சலாம் தான். அவர் நடித்த மொய்தீன் பாய் கேரக்டருக்கு மிகப்பெரிய அளவில் எதிர்பார்ப்பு இருந்தது. இப்படம் மிகுந்த எதிர்பார்ப்புக்கு மத்தியில் கடந்த பிப்ரவரி மாதம் 9-ந் தேதி திரைக்கு வந்தது. தமிழகத்தில் இப்படத்தை ரெட் ஜெயண்ட் மூவீஸ் நிறுவனம் தான் வெளியிட்டது.
இதையும் படியுங்கள்... ராதிகா மற்றும் வரலட்சுமியோடு வந்து கோவில் கும்பாபிஷேக விழாவை நடத்திவைத்த சரத்குமார் - வைரலாகும் போட்டோஸ்
Rajinikanth daughter Aishwarya
லால் சலாம் திரைப்படம் வெளியாகி கலவையான விமர்சனங்களையே பெற்றதால் இப்படத்தின் வசூலும் எதிர்பார்த்த அளவுக்கு இல்லை. அதுமட்டுமின்றி இப்படம் லைப் டைம் வசூலாக ரூ.20 கோடியை எட்டுவதே சாத்தியமில்லாத ஒன்று என்றெல்லாம் தகவல்கள் பரவி வந்தன. இதனால் லால் சலாம் மிகப்பெரிய பிளாப் படமாக அமைந்துவிட்டதாகவும் செய்திகள் உலா வந்தன. அதற்கெல்லாம் தற்போது முற்றுப்புள்ளி வைக்கும் விதமாக ஒரு பதிவை போட்டுள்ளது லைகா.
Lal salaam Success Meet
அதன்படி லால் சலாம் படத்தின் இசையமைப்பாளர் ஏ.ஆர்.ரகுமான், இயக்குனர் ஐஸ்வர்யா ரஜினிகாந்த் மற்றும் கேமியோ ரோலில் நடித்துள்ள ரஜினிகாந்த் ஆகியோர் படக்குழுவினருடன் சேர்ந்து எடுத்துக்கொண்ட புகைப்படத்தை பதிவிட்டு இப்படம் வெற்றிகரமாக மூன்றாவது வாரத்திற்குள் அடியெடுத்து வைத்துள்ளதாக பதிவிட்டுள்ளனர். லால் சலாம் படத்தின் வெற்றியை படக்குழுவினர் கொண்டாடி உள்ளதன் மூலம் அப்படம் பிளாப் என பரவிய தகவலுக்கு முற்றுப்புள்ளி வைக்கப்பட்டு உள்ளது.
இதையும் படியுங்கள்... காஞ்சி பட்டுடுத்தி குடும்பத்துடன் செம்ம கியூட்டாக போஸ் கொடுத்த வனிதாவின் தங்கச்சி ஸ்ரீதேவி - போட்டோஸ் இதோ