விஜய் பெயரை சொல்லி ஏமாற்றிய அட்லீ... அப்செட் ஆன பிரியாமணி - வெளிவந்த ஜவான் பட சீக்ரட்ஸ்
ஜவான் பட இயக்குனர் தன்னை ஏமாற்றிவிட்டதாக நடிகை பிரியாமணி பேட்டி ஒன்றில் கூறி இருக்கிறார். அதில் ஜவான் படம் பற்றிய சீக்ரெட் தகவல்களையும் அவர் பகிர்ந்துள்ளார்.
Priyamani, director Atlee
பாரதிராஜாவால் தமிழ் திரையுலகில் அறிமுகம் செய்யப்பட்டவர் பிரியாமணி, இதையடுத்து அமீரின் பருத்திவீரன் திரைப்படம் அவருக்கு மிகப்பெரிய அடையாளத்தை கொடுத்தது. அப்படத்திற்காக பிரியாமணிக்கு தேசிய விருதும் கிடைத்தது. பருத்திவீரன் படத்தின் வெற்றிக்கு பின்னர் பட வாய்ப்புகள் குவிந்தாலும், நல்ல கதையம்சம் கொண்ட படங்களை மட்டுமே தேர்ந்தெடுத்து நடித்து வருகிறார் பிரியாமணி. இவர் தமிழ் மட்டுமின்றி தெலுங்கு, இந்தி போன்ற மொழிகளிலும் நடிக்கிறார்.
Priyamani
நடிகை பிரியாமணி நடிப்பில் கடைசியாக வெளிவந்த திரைப்படம் ஜவான். அட்லீ இயக்கத்தில் ஷாருக்கான் ஹீரோவாக நடித்த இப்படத்தில் முக்கிய கதாபாத்திரத்தில் நடித்திருந்தார் பிரியாமணி. இப்படம் கடந்த ஆண்டு செப்டம்பர் மாதம் திரைக்கு வந்து பாக்ஸ் ஆபிஸில் வசூலை வாரிக்குவித்தது. உலகளவில் சுமார் 1100 கோடிக்கு மேல் வசூலித்து மாஸ் காட்டிய ஜவான் படத்தின் ஷூட்டிங்கின் போது நிகழ்ந்த சில சுவாரஸ்ய சம்பவங்களை பிரியாமணி பேட்டி ஒன்றில் கூறி இருக்கிறார்.
இதையும் படியுங்கள்... Cook With Comali : விஜய் டிவி குக் வித் கோமாளி நிகழ்ச்சியில் இருந்து வெளியேறுவதாக அறிவித்த முக்கிய பிரபலம்!
Priyamani about jawan
அதில் அவர் கூறியதாவது : “ஜவான் படத்தின் கதை சொல்ல வந்தபோதே அட்லீயும் நானும் நன்கு கனெக்ட் ஆகிவிட்டோம். என்னை செட்டில் புலி மணி என்று அழைத்து கிண்டலடிப்பார் அட்லீ. சென்னையில் ஷூட்டிங் நடந்தபோது அவரது வீட்டுக்கு அழைத்து எங்களுக்கு விருந்து கொடுத்தார். செட்டில் எங்கள் மீது அக்கறை எடுத்து வந்து விசாரிப்பார். ரொம்ப அன்பான மனிதர். ஜவானுக்கு இவ்வளவு வரவேற்பும் அங்கீகாரமும் கிடைத்து வருவது மகிழ்ச்சி என தெரிவித்திருந்தார்.
Priyamani about atlee
அதேபோல் கடந்த சில மாதங்களுக்கு முன் அளித்த பேட்டியில், அட்லீ மீது அதிருப்தியில் இருப்பதாக கூறினார் பிரியாமணி. ஏனெனில் ஜவானில் விஜய் கேமியோ ரோலில் நடிக்க இருப்பதாகவும் எனக்கும் அவருக்கும் காம்பினேஷன் காட்சி இருப்பதாகவும் கூறினார். ஆனால் கடைசியில் அது நடக்கவே இல்லை. இதனால் தான் மிகவும் அப்செட் ஆனதாக பிரியாமணி அந்த பேட்டியில் கூறியதோடு, அட்லீயோடு அடுத்து பணியாற்றும் ஐடியாவில் தற்போது இல்லை என்றும் கூறி இருந்தார்.
இதையும் படியுங்கள்... அழகில் மகளுக்கு போட்டி தான் போங்க.. திருமண நிகழ்விற்கு அட்டகாசமாக தயாரான அனிதா விஜயகுமார் - வைரல் வீடியோ!