Prabhu deva : நயன்தாராவின் முன்னாள் காதலன் பிரபுதேவா இத்தனை கோடி சொத்துக்களுக்கு அதிபதியா? அவரின் NetWorth இதோ

நடன இயக்குனர் சுந்தரத்தின் மகனான பிரபுதேவா, சிறுவயதில் இருந்தே நடனத்தின் மீது அதிக ஈடுபாடு கொண்டிருந்தார்.இதனால் தந்தையை போல் சினிமாவில் சாதிக்க நினைத்த பிரபுதேவா தன்னுடைய நடனத்திறமையை வெளிப்படுத்தி பேமஸ் ஆனார். நடனத்தை தொடர்ந்து நடிப்பில் மீது ஆர்வம் கொண்டிருந்த பிரபுதேவா கடந்த 1994-ம் ஆண்டு ரிலீஸ் ஆன இந்து என்கிற படம் மூலம் ஹீரோவாக எண்ட்ரி கொடுத்தார்.

பின்னர் பிரம்மாண்ட இயக்குனர் ஷங்கர் இயக்கத்தில் பிரபுதேவா நடித்த காதலன் படம் ரிலீஸ் ஆகி வேறலெவல் ஹிட்டானது. குறிப்பாக அப்படத்திற்காக ரகுமான் இசையமைத்த பேட்ட ரேப், முக்காலா, ஊர்வசி போன்ற பாடல்களுக்காக பிரபுதேவா ஆடிய நடனம் பட்டிதொட்டியெங்கும் ஹிட் ஆகின. இப்படத்தில் அவரின் நடனத்தை பார்த்து வியந்துபோன ரசிகர்கள் அவரை செல்லமாக இந்தியன் மைக்கேல் ஜாக்சன் என அழைத்தனர். காதலன் படத்தின் வெற்றிக்கு பின்னர் சுமார் 10 ஆண்டுகள் பிசியான ஹீரோவாக வலம் வந்தார் பிரபுதேவா.

பின்னர் நடிப்புக்கு ரெஸ்ட் விட்டு இயக்குனராக அவதாரம் எடுத்த அவர், ஆரம்பத்தில் தெலுங்கு படங்கள் சிலவற்றை இயக்கினார். அதன்பின்னர் கடந்த 2007-ம் விஜய் நடிப்பில் வெளியான போக்கிரி படம் மூலம் தமிழ் திரையுலகில் இயக்குனராக அறிமுகமானார். இப்படமும் பிளாக்பஸ்டர் ஹிட் ஆனது. இதையடுத்து இவர்கள் காம்போவில் வில்லு படம் உருவானது. ஆனால் போக்கிரியை போல் வில்லு படம் ரசிகர்களை கவர தவறியதால் பிளாப் ஆனது.

வில்லு படத்தின் படுதோல்விக்கு பின்னர் பாலிவுட்டு பக்கம் சென்றார் பிரபுதேவா. அங்கு சல்மான் கான் ஹீரோவாக நடித்த வாண்டட் படத்தை இயக்கி முதல் படத்திலேயே பிளாக்பஸ்டர் வெற்றியை ருசித்தார். அதன்பின்னர் ரவுடி ரத்தோர், ராஜ்குமார், ஆக்‌ஷன் ஜாக்சன், தபாங் 3, ராதே என பாலிவுட்டில் வரிசையாக கமர்ஷியல் ஹிட் படங்களை கொடுத்தார். தற்போது ஹீரோவாக நடிப்பதில் ஆர்வம் காட்டி வரும் பிரபுதேவா செம்ம பிசியாக நடித்து வருகிறார்.

இதையும் படியுங்கள்... தங்கத்திலேயே போட்டோ.. வெள்ளி பரிசுகள்.. இவ்வளவு கிஃப்டா? இந்திரஜா - கார்த்திக் செம ஹேப்பி..

தற்போது அவர் கைவசம் அரை டஜன் படங்கள் உள்ளன. அதில் ஒன்று தான் நடிகர் விஜய்யின் கோட் திரைப்படம். வெங்கட் பிரபு இயக்கும் இப்படத்தில் முக்கிய கதாபாத்திரத்தில் நடித்து வருகிறார் பிரபுதேவா. இதுதவிர ஷங்கர் இயக்கத்தில் உருவாகி வரும் கேம் சேஞ்சர் என்கிற பிரம்மாண்ட படத்தில் நடன இயக்குனராக பணியாற்றி இருக்கிறார். தமன் இசையமைத்த ஜருகண்டி என்கிற பாடலுக்கு பிரபுதேவா தான் நடனம் அமைத்துள்ளார்.

சினிமாவில் சக்சஸ்புல்லாக இருந்தாலும் நிஜ வாழ்க்கையில் பல்வேறு சர்ச்சைகளை சந்தித்துள்ளார் பிரபுதேவா. கடந்த 1995-ம் ஆண்டு ரம்லத் என்பவரை திருமணம் செய்துகொண்ட பிரபுதேவாவுக்கு இரண்டு மகன்களும் பிறந்தனர். அதில் ஒருவர் மரணமடைந்துவிட்டார். மகனின் மரணத்துக்கு பின்னர் தன்னுடைய முதல் மனைவி ரம்லத்தை விவாகரத்து செய்துவிட்டார் பிரபுதேவா.

ரம்லத்தை பிரிந்த பின்னர் நடிகை நயன்தாரா மீது காதல் வயப்பட்டார் பிரபுதேவா. நெருங்கி பழகி வந்த இவர்கள் இருவரும் திருமணம் செய்துகொள்ளும் அளவுக்கு சென்றனர். பிரபுதேவாவுக்காக சினிமாவை விட்டே விலகும் முடிவுக்கு வந்தார் நயன்தாரா. ஆனால் ஒருகட்டத்தில் இருவக்கும் இடையே ஏற்பட்ட மனக்கசப்பு காரணமாக திருமணத்துக்கு முன்பே பிரிந்துவிட்டனர். இதன்பின்னர் டாக்டர் ஒருவரை இரண்டாவது திருமணம் செய்துகொண்டார் பிரபுதேவா. இந்த ஜோடிக்கு அண்மையில் ஒரு குழந்தையும் பிறந்தது.

சினிமாவில் இயக்குனர், நடிகர், டான்ஸ் மாஸ்டர் மட்டுமின்றி தயாரிப்பாளராகவும் ஜொலித்து வருகிறார் பிரபுதேவா. இவர் தயாரிப்பில் தேவி, போகன் போன்ற படங்கள் வெளிவந்தன. இதுதவிர சிங்கப்பூரில் இவருக்கு சொந்தமாக டான்ஸ் ஸ்டூடியோ ஒன்றும் உள்ளது. இப்படி செம்ம பிசியாக வலம் வரும் பிரபுதேவா இன்று தனது 51வது பிறந்தநாளை கொண்டாடி வருகிறார். அவருக்கு வாழ்த்துக்களும் குவிந்த வண்ணம் உள்ள நிலையில், அவரின் சொத்து மதிப்பு பற்றி பார்க்கலாம். அதன்படி அவரின் சொத்து மதிப்பு ரூ.140 கோடி இருக்கும் என கூறப்படுகிறது. பிரபுதேவாவுக்கு சொந்தமாக சென்னை மற்றும் மும்பையில் சொகுசு வீடுகளும் உள்ளதாம். இதுதவிர இவரிடம் ஏராளமான காஸ்ட்லி கார்களும் உள்ளதாக கூறப்படுகிறது.

இதையும் படியுங்கள்... Aparna Das : பீஸ்ட் பட நடிகையை காதலிக்கும் மஞ்சும்மல் பாய்ஸ் நடிகர்... திருமணம் எப்போது தெரியுமா?