வாடகை வீட்டில் ராஜ வாழ்க்கை வாழும் பிரபாஸ்... மாதத்திற்கு ஜஸ்ட் 60 லட்சம் தான் வாடகையாம்

பாகுபலி படத்தின் மூலம் பான் இந்தியா ஸ்டாராக ஜொலித்து வருபவர் பிரபாஸ். பாகுபலி வெற்றிக்கு பின்னர் சாஹோ, ராதே ஷியாம், ஆதிபுருஷ் என தொடர் தோல்விகளை சந்தித்து வந்த பிரபாஸுக்கு பிரசாந்த் நீலின் சலார் திரைப்படம் திருப்புமுனையை ஏற்படுத்தியது. சலார் படத்தின் வெற்றியை தொடர்ந்து பிரபாஸ் நடிப்பில் தற்போது கல்கி திரைப்படம் உருவாகி உள்ளது. இப்படத்தை நாக் அஸ்வின் இயக்கி வருகிறார். இதில் கமல்ஹாசன் வில்லனாக நடிக்கிறார்.

கல்கி படத்தின் படப்பிடிப்பு இறுதிக்கட்டத்தை எட்டி உள்ளது. இதில் பிரபாஸ் நடிக்கும் காட்சிகள் அனைத்தும் படமாக்கப்பட்டுவிட்டதால், தற்போது ஓய்வெடுத்து வருகிறார் பிரபாஸ். அதுமட்டுமின்றி அவர் அடுத்ததாக மாருதி இயக்கத்தில் நடிக்க உள்ள ராஜாசாப் படத்தின் படப்பிடிப்பும் விரைவில் தொடங்க உள்ளதால், சில நாட்கள் ஓய்வெடுக்க லண்டனுக்கு சென்றிருக்கிறார் பிரபாஸ். அங்கு ஓட்டலில் தங்காமல் வாடகைக்கு வீடு எடுத்து தங்கி இருக்கிறாராம்.

இதையும் படியுங்கள்... திடீரென விலகிய மகாநதி சீரியல் நடிகை லட்சுமி பிரியா... அவருக்கு பதில் நடிக்கப்போவது சன் டிவி சீரியல் நடிகையா?

லண்டனில் ஓட்டலில் தங்கினால் பிரைவசி இருக்காது என்பதை கருத்தில் கொண்டு அவர் இந்த முடிவை எடுத்துள்ளாராம். மேலும் அவர் தங்கி இருக்கும் வாடகை வீட்டில் சகல வசதியும் உள்ளதாம். இதில் ஆச்சர்யம் என்னவென்றால் அவர் வசித்து வரும் வாடகை வீட்டிற்கு மாதம் ரூ.60 லட்சம் வாடகை வசூலிக்கப்படுகிறதாம். ஒரு வீடு கட்டும் தொகையை ஒரு மாத வாடகையாக நடிகர் பிரபாஸ் கொடுத்து வரும் தகவல் இணையத்தில் வைரலாக பரவி வருகிறது.

நடிகர் பிரபாஸ் நடிக்க உள்ள ராஜாசாப் படத்தில் அவருக்கு ஜோடியாக மாஸ்டர் பட நாயகி மாளவிகா மோகனன் நடிக்க உள்ளார். இதுதவிர சமீபத்தில் ஹிட் ஆன அனிமல் படத்தை இயக்கிய சந்தீப் ரெட்டி வங்கா இயக்கத்தில் ஸ்பிரிட் என்கிற திரைப்படத்தையும் கைவசம் வைத்திருக்கிறார் பிரபாஸ். இந்த இரண்டு படங்களுமே பிரம்மாண்ட பட்ஜெட்டில் பான் இந்தியா படங்களாக உருவாக உள்ளது குறிப்பிடத்தக்கது.

இதையும் படியுங்கள்... விஜய் டிவி TRP-க்கு ஆப்பு! வெங்கடேஷ் பட் - தாமு வைத்து ஸ்கெட்ச் சன் டிவி! புது நிகழ்ச்சி குறித்து கசிந்த தகவல்