விஜய் டிவி பாண்டியன் ஸ்டோர்ஸ் சீரியலில் நடிக்கிறாரா நடிகர் கார்த்தி? வைரலாகும் ஷூட்டிங் ஸ்பாட் புகைப்படம்
பாண்டியன் ஸ்டோர்ஸ் 2 சீரியலின் படப்பிடிப்பு தளத்திற்கு சென்ற நடிகர் கார்த்தி அங்குள்ள நடிகர்களுடன் எடுத்துக்கொண்ட புகைப்படம் இணையத்தில் வைரலாகி வருகிறது.
Karthi Meet PS 2 serial Team
தமிழ் திரையுலகில் பிசியான நடிகராக வலம் வருகிறார் கார்த்தி. அவர் நடிப்பில் தற்போது வா வாத்தியாரே மற்றும் மெய் அழகன் ஆகிய இரு திரைப்படங்கள் உருவாகி வருகின்றன. இதில் வா வாத்தியாரே திரைப்படத்தை நலன் குமாரசாமி இயக்கி வருகிறார். அதே போல் மெய் அழகன் படத்தை 96 பட இயக்குனர் பிரேம் குமார் இயக்குகிறார். இந்த இரு படங்களின் படப்பிடிப்பும் இறுதிக்கட்டத்தை எட்டி இருக்கின்றன. இதுதவிர அரை டஜன் படங்களை கைவசம் வைத்திருக்கிறார் கார்த்தி.
Actor Karthi Movie Line up
அதன்படி பி.எஸ்.மித்ரன் இயக்கத்தில் சர்தார் 2, லோகேஷ் கனகராஜ் இயக்கத்தில் கைதி 2, ஹெச்.வினோத் இயக்கத்தில் தீரன் 2 இதுதவிர பா.இரஞ்சித் இயக்கத்தில் ஒரு படம், மாரி செல்வராஜ் இயக்கத்தில் ஒரு படம் என கார்த்தியின் லைன் அப் நீண்டு கொண்டே செல்கிறது. இந்த நிலையில், நலன் குமாரசாமி இயக்கத்தில் கார்த்தி நடிக்கும் வா வாத்தியாரே திரைப்படத்தின் படப்பிடிப்பு சென்னையில் உள்ள ஈவிபி பிலிம் சிட்டியில் நடைபெற்று வருகிறது.
இதையும் படியுங்கள்... பொன்னியின் செல்வன் கொடுத்த பூஸ்ட்! இயக்குநர் மணிரத்னம் சொத்து மதிப்பு எவ்ளோ தெரியுமா?
pandian stores 2 serial team with karthi
அங்கு தான் விஜய் டிவியின் பாண்டியன் ஸ்டோர்ஸ் 2 சீரியலின் படப்பிடிப்பும் நடைபெற்று வந்துள்ளது. இதையறிந்த நடிகர் கார்த்தி திடீரென பாண்டியன் ஸ்டோர்ஸ் 2 செட்டுக்கு வந்து சீரியல் குழுவினரை சந்தித்து பேசியுள்ளார். கார்த்தியின் திடீர் வருகையால் திகைத்துப் போன பாண்டியன் ஸ்டோர்ஸ் 2 சீரியல் நடிகர், நடிகைகள் உற்சாகம் பொங்க நடிகர் கார்த்தியுடன் புகைப்படம் எடுத்து மகிழ்ந்துள்ளனர். அந்த புகைப்படம் இணையத்தில் வைரலாகி வருகிறது.
karthi, Jayam Ravi
சிலர் பாண்டியன் ஸ்டோர்ஸ் டீம் உடன் நடிகர் கார்த்தி இருப்பதை பார்த்து அவர் சீரியலில் நடித்திருப்பதாக கூறி வருகின்றனர். ஆனால் அவர் சீரியலில் நடிக்கவில்லை மரியாதை நிமித்தமாக அவர்களை சந்தித்து பேசி இருக்கிறார். அதுமட்டுமின்றி ஜெயம் ரவி நடிக்கும் ஜீனி படத்தின் படப்பிடிப்பும் அங்கு தான் நடைபெற்று வருகிறதாம். இதனால் ஷூட்டிங் இடைவேளையில் கார்த்தியும் ஜெயம் ரவியும் சந்தித்து பேசிக்கொள்வதாக கூறப்படுகிறது. கார்த்தியின் வா வாத்தியாரே மற்றும் ஜெயம் ரவியின் ஜீனி ஆகிய இருபடங்களிலும் நடிகை கீர்த்தி ஷெட்டி தான் ஹீரோயினாக நடித்து வருகிறார் என்பது குறிப்பிடத்தக்கது.
இதையும் படியுங்கள்... மீண்டும் இணைந்த ராட்சசன் கூட்டணி.. புது வரவாக அப்படத்தில் கமிட்டான ட்ரெண்டிங் நாயகி - யாருப்பா அது?
சேனலை கிளிக் செய்து பின்தொடரவும்
