முடிவுக்கு வரும் முக்கிய சீரியல்..! ஜீ தமிழில் புது வரவாக என்ட்ரி கொடுக்கும் 'வீரா' - வெளியானது ப்ரோமோ வீடியோ
தமிழ் சின்னத்திரையில் முன்னணி தொலைக்காட்சி சேனல்களில் ஒன்றாக இருந்து வருகிறது ஜீ தமிழ். இந்த சேனலில் ஒளிபரப்பாகி வரும் சீரியல்கள் ரசிகர்கள் மத்தியில் தொடர்ந்து நல்ல வரவேற்பை பெற்று வருகிறது.
தொலைக்காட்சி சேனல்களில் ரசிகர்கள் மனதை கவரும் விதத்தில், தொடர்ந்து அடுத்தடுத்து புதுப்புது சீரியல்கள் களமிறக்கி வருகிறது. அந்த வகையில் சமீபத்தில் ஒளிபரப்பரப்பை தொடங்கிய நினைத்தேன் வந்தாய் சீரியல் மக்களை கவர்ந்து வரும் நிலையில் அடுத்து ஒரு புதிய சீரியல் களமிறங்க உள்ளது.
வீரா என்று பெயரிடப்பட்டுள்ள இந்த சீரியலில் சிபு சூரியன், பேரன்பு வைஷ்ணவி, ரஜினி சீரியல் அருண் ஆகியோர் முன்னணி கதாபாத்திரங்களில் நடிக்க பசங்க சிவகுமார், ரஜினி சீரியல் சுபிக்ஷா ஆகியோர் முக்கிய வேடங்களில் நடிக்கின்றனர்.
இது குறித்த ப்ரோமோ வீடியோ வெளியாகி வைரலாகி வருகிறது. வீரா ( வைஷ்ணவி ) அண்ணனாக சிபு சூரியன் ஒரு விபத்தில் இறங்க எதிர்பாராத விதமாக அருணுக்கும் வைஷ்ணவிக்கும் திருமணம் நடக்கிறது. இதே குடும்பத்தில் சுபிக்ஷாவும் வாழ வருகிறார். இப்படியான நிலையில் அடுத்து நடக்க போவது என்ன என்பது தான் இந்த சீரியலின் கதைக்களமாக இருக்கும் என எதிர்பார்க்கப்படுகிறது.
மேலும் இரவு 10.30 மணிக்கு ஒளிபரப்பாகி வரும் வித்யா நம்பர் 1 சீரியல் முடிவுக்கு வர இருப்பதாகவும் நம்பத்தகுந்த வட்டாரங்களில் இருந்து தகவல்கள் கிடைத்துள்ளன.