Thalaivar 171 : ரஜினியுடன் இணையும் ரட்சகன்... தலைவர் 171 படத்தில் மற்றுமொரு மாஸ் நடிகரை களமிறக்கிய லோகி
லோகேஷ் கனகராஜ் - ரஜினிகாந்த் கூட்டணியில் உருவாக உள்ள தலைவர் 171 திரைப்படத்தில் முன்னணி மாஸ் நடிகர் ஒருவர் இணைந்திருப்பதாக தகவல் கசிந்துள்ளது.
ரஜினி - லோகேஷ் கனகராஜ் கூட்டணி
தமிழ் திரையுலகில் டாப் கியரில் சென்றுகொண்டிருக்கும் இயக்குனர் என்றால் அது லோகேஷ் கனகராஜ் தான். மாநகரம் தொடங்கி லியோ வரை வரிசையாக ஐந்து பிளாக்பஸ்டர் ஹிட் படங்களை கொடுத்த லோகி, அடுத்ததாக ரஜினிகாந்த் நடிக்க உள்ள தலைவர் 171 திரைப்படத்தை இயக்க உள்ளார். இப்படத்தின் மூலம் ரஜினியும், லோகேஷ் கனகராஜும் முதன்முறையாக இணைந்து பணியாற்ற உள்ளனர். இப்படத்தை சன் பிக்சர்ஸ் நிறுவனம் தயாரிக்கிறது.
தலைவர் 171 எல்.சி.யூ படமில்லை
விக்ரம் படத்தின் மூலம் லோகேஷ் சினிமேட்டிக் யூனிவர்ஸ் மிகவும் டிரண்டாகிவிட்டது. இதனால் லியோ படத்திலும் அதை பயன்படுத்தி இருந்தார் லோகி. இதனால் தலைவர் 171 படமும் தன்னுடைய சினிமேட்டிக் யூனிவர்ஸில் கொண்டுவருவாரா லோகேஷ் கனகராஜ் என்கிற எதிர்பார்ப்பு ரசிகர்கள் மத்தியில் இருந்து வந்தது. அண்மையில் இதுகுறித்து விளக்கம் அளித்த லோகேஷ், இதில் நிச்சயம் எல்.சி.யூ படம் கிடையாது என உறுதிபட தெரிவித்தார்.
இதையும் படியுங்கள்... நடிகையுடன் ரகசிய உறவு... திருமணம் செய்யாமலேயே 2 குழந்தை பெற்றுக்கொண்ட ஹீரோ - அதில் ஒருவர் லேடி சூப்பர்ஸ்டார்..
தலைவர் 171 பட டைட்டில் என்ன?
தலைவர் 171 படத்தின் டைட்டில் குறித்த அறிவிப்பு இன்று மாலை வெளியாகும் என அறிவிக்கப்பட்டு உள்ளதால், அது என்ன என்பதை தெரிந்துகொள்ள ரசிகர்கள் ஆவலோடு காத்திருக்க, மறுபுறம் இப்படத்தில் ரஜினியுடன் நடிக்க உள்ள நடிகர், நடிகைகள் குறித்த அப்டேட் தொடர்ந்து கசிந்த வண்ணம் உள்ளது. அந்த வகையில், இப்படத்தில் பாலிவுட் நடிகர் ரன்வீர் சிங், வில்லனாக நடிக்க உள்ளதாகவும், ஸ்ருதிஹாசன் ரஜினியின் மகளாவும், நடிகை ஷோபனா ரஜினிக்கு ஜோடியாகவும் நடிக்க உள்ளதாக தகவல் கசிந்தது.
தலைவர் 171-ல் இணையும் நாகார்ஜுனா
இதுதவிர நடிகர் சத்யராஜும் பல வருடங்களுக்கு பின்னர் இப்படத்தின் மூலம் ரஜினி உடன் இணைந்து பணியாற்ற இருப்பதாகவும் தகவல் பரவியது. இந்த நிலையில், அந்த லிஸ்ட்டில் தற்போது மேலும் ஒரு நடிகர் இணைந்துள்ளார். அவர் வேறுயாருமில்லை தெலுங்கு திரையுலகில் மாஸ் நடிகராக வலம் வரும் நாகார்ஜுனாவும் தலைவர் 171 படத்தில் நடிக்க உள்ளாராம். இவர் ஏற்கனவே தமிழில் ரட்சகன், தோழா போன்ற படங்களில் நடித்துள்ளார் என்பது குறிப்பிடத்தக்கது.
இதையும் படியுங்கள்... Keerthy Suresh Love: நடிகை கீர்த்தி சுரேஷின் 13 வருட காதலர் இவரா? பெரிய இடத்தை பையனுடன் விரைவில் திருமணம்..!