நடிகையுடன் ரகசிய உறவு... திருமணம் செய்யாமலேயே 2 குழந்தை பெற்றுக்கொண்ட ஹீரோ - அதில் ஒருவர் லேடி சூப்பர்ஸ்டார்..

தமிழ் சினிமாவில் காதல் மன்னன் என்று அழைக்கப்பட்டவர் ஜெமினி கணேசன். அவர் சினிமாவில் மட்டுமல்ல ரியல் லைஃபிலும் காதல் மன்னனாகவே வலம் வந்து இருக்கிறார். ஜெமினி கணேசன் மூன்று திருமணம் செய்துகொண்டார். அவரது முதல் மனைவி பெயர் அலமேலு, இரண்டாவது மனைவி பெயர் சாவித்ரி. மூன்றாவது மனைவி பெயர் ஜூலியானா. இதுதவிர மேலும் ஒரு நடிகையுடன் திருமணம் செய்யாமலேயே குடும்பம் நடத்தி இருக்கிறார்.

அந்த நடிகையின் பெயர் புஷ்பவல்லி. இவருக்கு கடந்த 1940-ம் ஆண்டு திருமணம் ஆனது. ஆனால் ஆறு ஆண்டுகளில் புஷ்பவல்லி கணவரை பிரிந்துவிட்ட நிலையில், மிஸ் மாலினி என்கிற படத்தில் நடித்தபோது ஜெமினி கணேசன் உடன் அவருக்கு பழக்கம் ஏற்பட்டு இருக்கிறது. அந்த பழக்கம் நாளடைவில் காதலாக மாறிவிட, இருவரும் நெருங்கி பழகி வந்துள்ளனர். திருமணம் செய்யாமலேயே கணவன், மனைவியாக வாழ்ந்து வந்த இந்த ஜோடிக்கு இரண்டு பெண் குழந்தைகளும் பிறந்துள்ளன.

இதையும் படியுங்கள்... Keerthy Suresh Love: நடிகை கீர்த்தி சுரேஷின் 13 வருட காதலர் இவரா? பெரிய இடத்தை பையனுடன் விரைவில் திருமணம்..!

அந்த பெண்களின் பெயர் ரேகா மற்றும் ராதா. இவர்கள் இருவருமே சினிமாவில் நடித்திருக்கிறார்கள். இதில் ராதா ஒருசில படங்களில் மட்டும் நடித்துவிட்டு திருமணம் செய்துகொண்டு அமெரிக்காவில் செட்டில் ஆகிவிட்டார். ஆனால் ரேகா, 12 வயதில் இருந்து சினிமாவில் நடித்து தனது 15 வயதிலேயே பாலிவுட் படத்தில் ஹீரோயினாக அறிமுகமானார். ரேகாவை ஹீரோயினாக்க வேண்டும் என்கிற அவரது தாயாரின் கனவு அதன்மூலம் நிறைவேறியது.

பின்னர் படிப்படியாக தமிழ், தெலுங்கு, இந்தி என பல்வேறு மொழிகளில் நடித்து பான் இந்தியா நடிகையாக வலம் வந்த ரேகாவை அந்த காலத்திலேயே லேடி சூப்பர்ஸ்டாராக கொண்டாடி இருக்கிறார்கள். புஷ்பவல்லியை போல் ரேகாவுக்கும் அவரது முதல் திருமணம் விவாகரத்தில் தான் முடிந்தது. ஆனால் அதன் பின் நடிகர்களுடன் கிசுகிசுவில் சிக்கினாலும் இரண்டாம் திருமணம் செய்துகொள்ளாத ரேகா தற்போது 69 வயதிலும் சிங்கிளாகவே இருக்கிறார். ரேகாவின் தாயார் புஷ்பவல்லி கடந்த 1991-ம் ஆண்டே உயிரிழந்துவிட்டார் என்பது குறிப்பிடத்தக்கது.

இதையும் படியுங்கள்... Ghilli : தியேட்டரில் ரசிகர்களுடன் டான்ஸ் ஆடி.. ரீ-ரிலீஸை கொண்டாடிய ‘கில்லி’ விஜய்யின் அம்மா - வைரலாகும் வீடியோ