முதல் படத்துக்கு 5 லட்சம்... 6வது படத்துக்கு 50 கோடி சம்பளம்! கோலிவுட்டின் ஹிட்மேன் லோகேஷ் கனகராஜின் Net Worth

கோலிவுட்டில் முன்னணி இயக்குனராக வலம் வரும் லோகேஷ் கனகராஜ் இன்று தனது 38-வது பிறந்தநாளை கொண்டாடி வரும் நிலையில், அவரின் சொத்து மதிப்பு பற்றி பார்க்கலாம்.

Lokesh Kanagaraj

தமிழ் சினிமாவில் பெரும்பாலும் நடிகர்களுக்கு தான் மிகப்பெரிய ரசிகர் பட்டாளம் இருக்கும். அதேபோல் சில இசையமைப்பாளர்களுக்கு ரசிகர்கள் மத்தியில் மவுசு அதிகம் இருக்கும். ஆனால் இவையெல்லாம் தாண்டி சினிமா இயக்குனர்களுக்கென தனி ரசிகர் பட்டாளம் இருப்பது ஆச்சர்யமான ஒன்றாகவே பார்க்கப்படுகிறது. அப்படி மக்கள் மனதில் தனக்கென தனி இடத்தை பிடித்த இயக்குனர்கள் என்றால் அதை விரல்விட்டு எண்ணிவிடலாம். அந்த லிஸ்ட்டில் முன்னணியில் இருப்பவர் தான் லோகேஷ் கனகராஜ்.

Vijay, Lokesh Kanagaraj

எந்த வித சினிமா அனுபவமும் இல்லாமல், யாரிடமும் உதவி இயக்குனராக பணியாற்றாமல் தனக்கு கமல் படங்களே போதும் என உலகநாயகனின் படங்களை பார்த்து மட்டுமே திரையுலகை பற்றி கற்றுக் கொண்ட லோகேஷ் கனகராஜ், குறும்படம் இயக்கி அதன்மூலம் தான் சினிமாவுக்குள் நுழைந்தார். இப்படி தமிழ் சினிமாவிற்குள் அடையாளம் தெரியாமல் வந்த லோகேஷ் கனகராஜ், இன்றைக்கு தமிழ் சினிமாவின் அடையாளமாக மாறி இருக்கிறார்.

Lokesh Kanagaraj and Ulaga Nayagan kamalhaasan

லோகேஷ் கனகராஜின் இந்த அசுர வளர்ச்சிக்கு அவரது தனித் தன்மை தான் காரணம். ஒரே யூனிவர்ஸில் ஒன்றிற்கும் மேற்பட்ட படங்களை எடுத்து வெளியிடும் கலாச்சாரம் ஹாலிவுட்டில் மட்டுமே இருந்து வந்தது. அந்த யுனிவர்ஸ் கான்செப்ட்டை தன்னுடைய படங்கள் மூலம் கோலிவுட்டுக்கும் அறிமுகப்படுத்தி ஆச்சர்யத்தில் ஆழ்த்தினார் லோகேஷ். கார்த்தி நடித்த கைதி படத்தை விக்ரம் படத்தோடு கனெக்ட் செய்து லோகேஷ் சினிமாட்டிக் யூனிவர்ஸை உருவாக்கினார் லோகி.

Lokesh kanagaraj Birthday

தற்போது அவர் இயக்கும் படங்கள் எதுவாக இருந்தாலும் அது எல்.சி.யூ வில் வருகிறதா என்பது தான் முதல் கேள்வியாக இருக்கிறது. அந்த அளவுக்கு லோகேஷ் சினிமாட்டிக் யூனிவர்ஸ் மீது மக்கள் மத்தியில் மிகப்பெரிய கிரேஸ் உருவாகி இருக்கிறது. இவர் இயக்கத்தில் இதுவரை வெளியான படங்கள் வெறும் 5 தான். அதில் தன்னுடைய முதல் படமான மாநகரம் மூலம் யார் இந்த இயக்குனர் என திரும்பி பார்க்க வைத்தார். பின்னர் கைதி படத்தை திரும்பி திரும்பி பார்க்க வைத்தார்.

இதையும் படியுங்கள்... மலையாள சினிமாவில் எண்ட்ரி கொடுக்கும் அனுஷ்கா.. முதல் படத்திற்கே இத்தனை கோடி சம்பளமா?

Lokesh kanagaraj salary

மூன்றாவதாக விஜய் மற்றும் விஜய் சேதுபதி உடன் இணைந்து மாஸ்டர் என்கிற மாஸ் ஹிட் படத்தை கொடுத்தார். பின்னர் தனது குருவான கமல்ஹாசனை வைத்து விக்ரம் என்கிற விஸ்வரூப வெற்றி படத்தை கொடுத்த லோகேஷ். ஐந்தாவதாக விஜய்யை வைத்து லியோ என்கிற பிரம்மாண்ட ஹிட் படத்தை கொடுத்து தற்போது கோலிவுட்டில் அசைக்க முடியாத உயரத்தை தொட்டிருக்கிறார். அடுத்ததாக இவர் லைன் அப்பில் ரஜினியின் 171, கைதி 2, விக்ரம் 2 போன்ற படங்கள் உள்ளன.

Lokesh kanagaraj net worth

கோலிவுட்டின் நம்பிக்கை நட்சத்திரமாக உருவெடுத்துள்ள லோகேஷ் கனகராஜ் இன்று தனது 38-வது பிறந்தநாளை கொண்டாடி வருகிறார். அவருக்கு வாழ்த்து மழை பொழிந்த வண்ணம் இருக்கும் நிலையில், அவரின் சொத்து மதிப்பு பற்றி தற்போது பார்க்கலாம். அதன்படி சினிமாவில் வெறும் 5 படங்களை மட்டுமே இயக்கியுள்ள லோகேஷ் கனகராஜின் சொத்து மதிப்பு ரூ.50 கோடிக்கு மேல் இருக்கும் என கூறப்படுகிறது.

Lokesh kanagaraj Rajini

இவர் கடைசியாக இயக்கிய லியோ படத்திற்காக ரூ.30 கோடி சம்பளம் வாங்கினாராம். அடுத்ததாக அவர் இயக்க உள்ள ரஜினியின் தலைவர் 171 படத்துக்காக லோகேஷுக்கு ரூ.45 முதல் ரூ.50 கோடி வரை சம்பளம் பேசப்பட்டு உள்ளதாக கூறப்படுகிறது. இப்படம் ரிலீஸ் ஆன பின்னர் லோகேஷின் சொத்து மதிப்பு ரூ.100 கோடியை எட்டவும் வாய்ப்பு உள்ளது.

இதையும் படியுங்கள்... விடுதலை நான் நடிக்க வேண்டிய படம்... வெற்றிமாறன் கெஞ்சி கேட்டும் நடிக்க மறுத்தது ஏன்? - சீமான் விளக்கம்