என்னது சினிமாவா?.. அய்யயோ எங்களுக்கு இன்ட்ரஸ்ட் இல்ல - வேறு துறையில் சாதித்த சினி பிரபலங்களின் வாரிசுகள்!
Cine Celebrities : திரைத்துறையில் உள்ள பல பிரபலங்களின் வாரிசு நடிகர்கள் மாற்றும் நடிகைகள் இன்று கலைத்துறையில் மிகப்பெரிய உயரங்களை தொட்டு வருகின்றனர். ஆனால் அதே நேரத்தில் பல சினிமா பிரபலங்களின் வாரிசுகள் சினிமாவே வேண்டாம் என்று பிற துறைகளில் பெரிய அளவில் சாதித்து வருகின்றனர்.
Jai shankar
அந்த வகையில் மறைந்த பிரபல நடிகர் ஜெய்சங்கர் அவர்களுடைய மகன் விஜய சங்கர் திரைப்பட வாய்ப்புகள் கிடைத்த பொழுதும் அதை வேண்டாம் என்று மறுத்து விட்டு, தற்பொழுது சென்னையில் ஒரு சிறந்த கண் மருத்துவராக திகழ்ந்து வருகிறார். அவருடைய மனைவியும் ஒரு சிறந்த கண் மருத்துவர் ஆவார். பல ஏழைகளுக்கு இவரது மருத்துவமனையில் இலவச சிகிச்சை அளிக்கப்பட்டு வருவதும் குறிப்பிடத்தக்கது.
Chinni Jayanth
தமிழ் சினிமாவில் காமெடி நடிகராகவும், குணசித்திர நடிகராகவும் பல ஆண்டுகளாக பயணித்து வரும் சின்னி ஜெயந்த் அவர்களின் மகன் தான் சுதன் ஜெய் நாராயணன். இவரும் சினிமா வாய்ப்புகளை தவிர்த்து இப்பொழுது திருப்பூர் நகர சப் கலெக்டராக பணியாற்றி வருகிறார். இந்திய அளவில் நடந்த யுபிஎஸ்ஐ தேர்வில் இவர் 75 ஆவது இடம் பிடித்தது குறிப்பிடத்தக்கது.
Thalaivasal vijay
தமிழ் திரை உலகில் வில்லனாகவும், காமெடி நடிகராகவும், குணசித்திர நடிகராகவும் பல வருடங்களாக சிறந்த நடிப்பை வெளிப்படுத்தி வருபவர் தான் தலைவாசல் விஜய். இவருடைய மகள் ஜெய வீணா விஜய் அவர்கள் ஒரு மிகச்சிறந்த நீச்சல் வீராங்கனை. பல தெற்காசிய விளையாட்டுப் போட்டிகளில் பங்கேற்று வெள்ளி பதக்கங்களின் பெற்றுள்ளார் ஜெய வினா என்பது குறிப்பிடத்தக்கது.
Madhavan
நடிகர் மாதவன், இந்திய திரை உலகிலேயே இவருக்கு பெரிய அளவில் அறிமுகம் தேவையில்லை. திரைப்படங்களின் மட்டுமல்லாமல் பல துறைகளில் சாதனை புரிந்த மாதவன் அவர்களுடைய மகனும் ஒரு மிகச் சிறந்த நீச்சல் வீரர். மாதவனின் மகன் வேதாந்த் இந்த 2023 ஆம் ஆண்டு மகாராஷ்டிரா மாநிலத்தில் நடைபெற்ற நீச்சல் போட்டியில் ஐந்து தங்கம் மற்றும் இரண்டு வெள்ளி பதக்கங்களை வாங்கி குவித்தது குறிப்பிடத்தக்கது.
சேனலை கிளிக் செய்து பின்தொடரவும்
