9 வருஷமா ஒரு பிளாப் கூட இல்ல - ஆனாலும் அடுத்த படத்துக்கு தயாரிப்பாளர் கிடைக்காமல் திண்டாடும் பிரபல மாஸ் நடிகர்
9 ஆண்டுகளாக தொடர்ந்து பாக்ஸ் ஆபிஸ் ஹிட் படங்களை கொடுத்து வரும் தமிழ் நடிகர் ஒருவருக்கு அடுத்த படத்தை தயாரிக்க ஆள் கிடைக்கவில்லையாம்.
)
FollowVijay
தமிழ் சினிமாவில் முன்னணி மாஸ் நடிகராக வலம் வருபவர் விஜய். அவர் நடிப்பில் கடந்த 9 ஆண்டுகளாக வெளிவந்த படங்கள் அனைத்தும் ஹிட்டாகி இருக்கின்றன. அவர் நடித்து கடைசியாக பிளாப் ஆன படம் என்றால் அது கடந்த 2015-ல் திரைக்கு வந்த புலி திரைப்படம் தான். அப்படம் தான் விநியோகஸ்தர்களுக்கு நஷ்டத்தை ஏற்படுத்தியது. அதன்பின்னர் வரிசையாக கமர்ஷியல் ஹிட் படங்களை கொடுத்து பாக்ஸ் ஆபிஸ் கிங் ஆக திகழ்ந்து வருகிறார் விஜய்.
)
thalapathy Vijay
புலி படத்துக்கு பின்னர் அவர் நடிப்பில் வெளிவந்த பைரவா, பீஸ்ட் போன்ற படங்கள் விமர்சன ரீதியாக பிளாப் ஆனாலும் வசூலை வாரிக்குவித்துவிட்டன. அப்படங்கள் பாக்ஸ் ஆபிஸ் ரீதியாக வெற்றிப்படங்களாகவே அமைந்தன. இதனால் கடந்த 9 ஆண்டுகளில் நடிகர் விஜய் படங்கள் வரிசையாக ஹிட் அடித்துள்ளன. அதுமட்டுமின்றி இந்த 9 ஆண்டுகளில் அவர் நடிப்பில் வெளிவந்த படங்களின் வசூல் மட்டும் ரூ.2500 கோடி இருக்குமாம்.
இதையும் படியுங்கள்... பிரேமலு நடிகையை காண குவிந்த ரசிகர்கள்... சென்னையில் கூட்ட நெரிசலில் சிக்கி படாதபாடுபட்ட மமிதா பைஜு- வீடியோ இதோ
Thalapathy 69
அதிலும் கடந்த ஆண்டு விஜய் நடிப்பில் வெளிவந்த வாரிசு மற்றும் லியோ ஆகிய இரண்டு படங்கள் மட்டுமே கிட்டத்தட்ட ஆயிரம் கோடி வசூலை வாரிக்குவித்துவிட்டது. இப்படி சக்சஸ் புல் நடிகராக வலம் வரும் விஜய், தற்போது கோட் படத்தில் நடித்து வருகிறார். அப்படம் வருகிற செப்டம்பர் மாதம் திரைக்கு வர உள்ளது. இதுதவிர விஜய் நடிப்பில் மற்றொரு படமும் உருவாக உள்ளது. அதுதான் தளபதி 69. இப்படத்தை இயக்குனர் ஹெச்.வினோத் இயக்க உள்ளார்.
Vijay last movie
ஆரம்பத்தில் இப்படத்தை தெலுங்கு தயாரிப்பு நிறுவனம் தயாரிக்க உள்ளதாக கூறப்பட்டது. ஆனால் கருத்து வேறுபாடு காரணமாக அந்நிறுவனம் தளபதி 69 படத்தில் இருந்து வெளியேறியதால், அதன்பின்னர் தயாரிப்பாளர் கிடைக்காமல் திண்டாடி வருகிறாராம் விஜய். காரணம் விஜய்யின் சம்பளம் தான் என கூறப்படுகிறது. இப்படத்துடன் அவர் சினிமாவை விட்டு விலக முடிவெடுத்துள்ளதால் ரூ.250 கோடி சம்பளமாக கேட்டுள்ளாராம். அதனால் தான் தயாரிப்பாளர் கிடைப்பதில் தாமதம் ஏற்பட்டுள்ளதாக கூறப்படுகிறது. சமீபத்திய தகவல் படி கேவிஎன் என்கிற நிறுவனம் அப்படத்தை தயாரிப்பதற்காக பேச்சுவார்த்தை நடத்தி வருகிறதாம். ஆனால் அதுவும் உறுதிசெய்யப்படவில்லை என்பது குறிப்பிடத்தக்கது.
இதையும் படியுங்கள்... கடல் தாண்டி சென்று காதலிக்கும் பிரியா பவானி சங்கர்... வெளிநாட்டில் லவ்வர் உடன் எடுத்த ரொமாண்டிக் போட்டோஸ் இதோ
சேனலை கிளிக் செய்து பின்தொடரவும்
