கட்டப்பை முதல் காஸ்ட்லியான வைரம் வரை.. பிக்பாஸ் 7 போட்டியாளர்களுக்கு கமல் கொடுத்த ஆச்சர்ய பரிசுகள்! ஒரு பார்வை

தமிழ் பிக்பாஸ் நிகழ்ச்சியின் 7-வது சீசன் இன்று மாலை 6 மணி முதல் ஒளிபரப்பாக உள்ளது. வழக்கம்போல் உலகநாயகன் கமல்ஹாசன் தான் இந்நிகழ்ச்சியை தொகுத்து வழங்க உள்ளார். இந்நிகழ்ச்சிக்கான ஷூட்டிங் நேற்றே முடிவடைந்து விட்டதால், அதில் கலந்துகொண்டுள்ள போட்டியாளர்கள் விவரம் வெளியாகி உள்ளது. அதன்படி மொத்தம் 9 ஆண் போட்டியாளர்கள், 9 பெண் போட்டியாளர்கள் என மொத்தம் 18 பேர் கலந்துகொண்டனர். அவர்களின் பட்டியலையும், அவர்களுக்கு கமல் கொடுத்த ஆச்சர்ய பரிசுகள் பற்றியும் இந்த தொகுப்பில் பார்க்கலாம்.

ஆண் போட்டியாளர்கள்

1. விஜய் வர்மா
2. சரவண விக்ரம்
3. கூல் சுரேஷ்
4. யுகேந்திரன்
5. நிக்சன்
6. பிரதீப் ஆண்டனி
7. மணி சந்திரா
8. விஷ்ணு விஜய்
9. பாவா செல்லதுரை

பெண் போட்டியாளர்கள்

1. ஐஷு
2. விசித்ரா
3. ரவீனா
4. பூர்ணிமா ரவி
5. ஜோவிகா
6. வினுஷா தேவி
7.அக்‌ஷயா உதயகுமார்
8. மாயா கிருஷ்ணன்
9. அனன்யா ராவ்

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Click this link: https://whatsapp.com/channel/0029Va9TFCWB4hdYZOoYCK2D

பிக்பாஸ் 7-வது சீசனில் முதல் ஆளாக வீட்டுக்குள் நுழைந்த போட்டியாளர் கூல் சுரேஷ் தான். இதுவரை வார வாரம் படம் ரிலீசாகும் போது தியேட்டருக்கு போய் கண்டெண்ட் கொடுத்து வந்த கூல் சுரேஷ், இனி தினசரி கண்டெண்ட் கொடுக்க போகிறார்.

கூல் சுரேஷை தொடர்ந்து பிக்பாஸ் வீட்டுக்குள் சென்றவர் பூர்ணிமா ரவி. யூடியூபரான இவர் சில படங்களிலும் நடித்திருக்கிறார். இவருக்கு விசில் ஒன்றை பரிசாக அளித்து பிக்பாஸ் வீட்டுக்குள் அனுப்பி வைத்துள்ளார் கமல்ஹாசன்.

மூன்றாவது போட்டியாளராக எண்ட்ரி கொடுத்தவர் ரவீனா. குக் வித் கோமாளி நிகழ்ச்சியில் அதகளம் செய்த இவர் தற்போது பிக்பாஸுக்கு சென்றுள்ளதால் அங்கும் காமெடிக்கு பஞ்சம் இருக்காது. இவருக்கு பட்டர்ஃபிளை ரிங் ஒன்றை பரிசாக அளித்திருக்கிறார் கமல்.

நடிகரும், முன்னாள் பிக்பாஸ் போட்டியாளர் கவினின் நெருங்கிய நண்பருமான பிரதீப் ஆண்டனி இந்த பிக்பாஸ் சீசனில் போட்டியாளராக களமிறங்கி உள்ளார். இவருக்கு ஜாய் ஸ்டிக் ஒன்றை பரிசாக வழங்கி உள்ளர் கமல்ஹாசன்.

கடந்த சீசனில் சுயாதீன இசை கலைஞரான அசல் கோளாரை களமிறக்கியது போல் இந்த சீசனில் நிக்சன் என்கிற சுயாதீன இசை கலைஞரை களமிறக்கி உள்ளனர். இவருக்கு கண்ணாடி ஒன்றை பரிசாக வழங்கி இருக்கிறார் கமல்.

பாரதி கண்ணம்மா சீரியலில் நடித்து பிரபலமான வினுஷா தேவி பிக்பாஸ் சீசன் 7-ல் கலந்துகொண்டுள்ளார். ஆறாவது போட்டியாளராக சென்ற இவருக்கு கமல்ஹாசன் கருப்பு வைரத்தை பரிசாக வழங்கி உள்ளார்.

பிரபல நடனக் கலைஞர் மணி சந்திராவும் இந்த சீசனில் போட்டியாளராக களமிறங்கி உள்ளார். 7-வது போட்டியாளராக பிக்பாஸ் வீட்டுக்குள் சென்ற மணிக்கு குரு நாதா என்கிற வாசகம் அடங்கிய டீசர்ட்டை கமல் பரிசாக வழங்கினார்.

லவ் டுடே படத்தில் இவானாவின் தங்கையாக நடித்த அக்‌ஷயா உதயகுமார் 8-வது போட்டியாளராக பிக்பாஸ் வீட்டுக்குள் சென்றுள்ளார். இவருக்கு கற்றாழை செடியை பரிசாக வழங்கி உள்ளார் கமல்ஹாசன்.

நடிகை வனிதா விஜயகுமாரின் மகளான ஜோவிகா பிக்பாஸ் 7-வது சீசனில் போட்டியாளராக கலந்துகொண்டுள்ளார். ஜோவிகா தன் தாய் வனிதாவுடன் இருக்கும் புகைப்படம் ஒன்றை பரிசாக வழங்கி பிக்பாஸ் வீட்டுக்குள் அனுப்பி வைத்துள்ளார் கமல்ஹாசன்.

முன்னாள் பிக்பாஸ் போட்டியாளரான அமீரின் தோழியும், டான்சருமான ஐஷுவும் பிக்பாஸ் 7-வது சீசனில் பங்கேற்றுள்ளார். இவருக்கு A என்கிற எழுத்துடன் கூடிய ஜாக்கெட்டை கமல்ஹாசன் பரிசாக வழங்கி உள்ளார்.

விக்ரம் படத்தில் நடித்து பிரபலமான நடிகை மாயா கிருஷ்ணன் பிக்பாஸ் 7-வது சீசனில் போட்டியாளராக களமிறங்கி உள்ளார். இவருக்கு கோமாளிகள் மூக்கில் அணியும் சிகப்பு நிற பந்தை பரிசாக வழங்கி இருக்கிறார் கமல்.

பாண்டியன் ஸ்டோர்ஸ் சீரியலில் நடித்து பிரபலமான நடிகர் சரவண விக்ரம் பிக்பாஸில் போட்டியாளராக பங்கேற்று உள்ளார். இவருக்கு பாண்டியன் ஸ்டோர்ஸ் கட்டப்பை ஒன்றை பரிசாக வழங்கி இருக்கிறார் கமல்ஹாசன்.

பாடகர் மலேசியா வாசுதேவனின் மகனான யுகேந்திரனும் பிக்பாஸில் போட்டியாளராக கலந்துகொண்டுள்ளார். இவருக்கு அவரது தந்தை பயன்படுத்திய கண்ணாடியை பரிசாக வழங்கி நெகிழ வைத்துள்ளார் கமல்ஹாசன்.

சீரியல் நடிகர் விஷ்ணுவும் பிக்பாஸ் 7-வது சீசனில் போட்டியாளராக கலந்துகொண்டுள்ளார். இவருக்கு போட்டோ ஃபிரேம் ஒன்றை பரிசாக வழங்கி வீட்டுக்குள் அனுப்பி வைத்துள்ளார் கமல்.

சினிமாவில் குணச்சித்திர நடிகராக நடித்து பிரபலமான பாவா செல்லதுரை பிக்பாஸில் பங்கேற்று இருக்கிறார். இவருக்கு நோட்டு புத்தகம் ஒன்றை பரிசாக வழங்கி இருக்கிறார் கமல்ஹாசன்.

இதையும் படியுங்கள்.... பாலாஜி முருகதாஸ் ஃபேமிலி ஃபிரென்ட் முதல்.. இவானா தங்கை வரை! எதிர்பாராத பிக்பாஸ் 7 போட்டியாளர்கள் லிஸ்ட்!