பாரதிராஜாவின் இந்த கல்ட் கிளாசிக் படத்தை ஜெயலலிதா 15 முறை பார்த்தாங்களாம்.. எந்த படம்?

தமிழ்த் திரையுலகில் தவிர்க்க முடியாத சிறந்த இயக்குனர்களில் பாரதிராஜாவும் ஒருவர்.  பாரதிராஜா படம் என்றாலே கிராமத்து மணமும் யதார்த்த நடிப்பும் இருக்கும். தனது படங்கள் மூலம் ரசிகர்கள் மனதில் நீங்கா இடம் பிடித்துள்ளார் பாரதிராஜா.

கார்த்தி, ராதா, ரேவதி, ராதிகா உள்ளிட்ட பல பிரபலங்களை அறிமுகம் செய்தவர். இவர் இயக்கிய 16 வயதினிலே, கிழக்கே போகும் ரயில் ஆகியவை சூப்பர் ஹிட்டானது. இதில் கிழக்கே போகும் ரயில் படம் ஒரு வருடத்திற்கும் மேல் ஓடியது.

தான் கிராமத்தில் இருந்து வந்ததால் தன்னால் கிராமத்து கதைக்களம் கொண்ட படத்தை மட்டுமே இயக்க முடியும் என்று விமர்சனம் எழுந்த நிலையில் சிகப்பு ரோஜாக்கள் படத்தின் மூலம் அதற்கு பதிலடி கொடுத்தார் பாரதிராஜா. 

அந்த வகையில் பாரதிராஜா இயக்கத்தில் வெளியான முதல் மரியாதை படம் தமிழ் சினிமாவின் கல்ட் கிளாசிக் படங்களில் ஒன்றாக உள்ளது. 1985-ம் ஆண்டு வெளியான இந்த படத்தில் சிவாஜி, ராதா, வடிவுக்கரசி, தீபன், ரஞ்சினி உள்ளிட்ட பலர் நடித்திருந்தனர். மனோஜ் கிரியேஷன்ஸ் தயாரித்த இந்த படத்திற்கு இளையராஜா இசையமைத்திருப்பார்.

முதல் மரியாதை படத்தின் பாடல்கள் அனைத்து பட்டி தொட்டி எங்கும் ஹிட்டானது. மேலும் இன்றளவும் எவர்கீரின் ஆல்பமாக உள்ளது. அதே போல் முதல் மரியாதை படம் திரையரங்குகளில் 200 நாட்களுக்கும் மேலாக ஓடி சாதனை படைத்தனது.

தன்னை பல முறை பல தலைவர்கள் அரசியலுக்கு அழைத்த போதிலும், அவற்றை நிராகரித்த பாரதிராஜா தான் மரியாதைக்குரிய கலைஞராக மட்டுமே நினைவுகூரப்பட வேண்டும் என்று தனது கூறிவிட்டார்.

அப்படி ஒருமுறை ஜெயலலிதா பாரதி ராஜாவிடம், “ என் கதவு உங்களுக்காக எப்போதுமே திறந்திருக்கும் என்றும், எங்களுக்கு உங்களிடம் அதிக மரியாதை உள்ளது. உங்களின் முதல் மரியாதை படத்தை நான் 15 முறை பார்த்தேன்” என்று கூறியுள்ளார். 

பாரதிராஜா ஏன் இயக்குனர் இமயம்  என்று கொண்டாடப்படுகிறார் என்பதற்கு இதுவும் ஒரு சான்று. ஜெயலலிதாவையே வியக்க பாரதிராஜாவின் திறமை பற்றிய இந்த தகவல் இணையத்தில் வைரலாகி வருகிறது.