கோலிவுட்டில் அறிமுகமாகும் ஸ்ரீதேவி மகள் ஜான்வி கபூர்.. அதுவும் இந்த ஹீரோவுக்கு ஜோடியாக..
STR 48 படத்தில் ஹீரோயினாக நடிக்க 2 பாலிவுட் நடிகைகளுடன் படக்குழுவினர் பேச்சுவார்த்தை நடத்தி வருவதாக தகவல்கள் தெரிவிக்கின்றன
Actor Simbu
மாநாடு, வெந்து தணிந்தது காடு, பத்து தல என 3 அடுத்தடுத்து ஹிட் படங்களை கொடுத்துள்ளார் சிம்பு. பத்து தல படத்தை தொடர்ந்து கொரோனா குமார் படத்தில் சிம்பு நடிக்க உள்ளதாக கூறப்பட்டது. எனினும் படத்தின் பணிகள் தொடங்கப்படாமலே உள்ளது.
Simbu
சிம்பு அடுத்ததாக தேசிங் பெரியசாமி இயக்கும் படத்தில் நடிக்க உள்ளார். கமல்ஹாசனின் ராஜ்கமல் புரொடக்ஷன்ஸ் இப்படத்தை தயாரிக்க உள்ளது. இப்படத்திற்கு தற்காலிகமாக 'எஸ்டிஆர் 48' என்று பெயரிடப்பட்டுள்ளது. இந்த படத்தின் ப்ரீ புரொடக்ஷன்ஸ் பணிகள் நடந்து முடிந்துள்ள நிலையில் படப்பிடிப்பு விரைவில் தொடங்கப்படும் என்று பல நாட்களுக்கு முன்பே தகவல் வெளியானது.
simbu
ஆனால் இந்த படத்தின் படப்பிடிப்பு பணிகள் இன்னும் தொடங்கப்படவில்லை. எனினும் இந்த படத்திற்காக பிரம்மாண்ட செட் போடப்பட்டு வருவதாகவும், 90% அதன் பணிகள் முடிந்துவிட்டதாகவும் கூறப்படுகிறது. எஸ்.டி.ஆர் 48 படத்தில் ஹீரோ, வில்லன் என சிம்பு 2 வேறு கெட்டப்களில் நடிக்க உள்ளதாகவும் கூறப்படுகிறது.
simbu
இந்த படத்தில் ஹீரோயினாக நடிக்க 2 பாலிவுட் நடிகைகளுடன் படக்குழுவினர் பேச்சுவார்த்தை நடத்தி வருவதாக தகவல்கள் தெரிவிக்கின்றன. ஸ்ரீதேவி மகளும் பிரபல நடிகையுமான ஜான்வி கபூர், கியாரா அத்வானி ஆகிய பாலிவுட் நடிகைகளிடம் பேச்சுவார்த்தை நடந்து வருஇக்றது.
ஜான்வி கபூர் மற்றும் கியாரா அத்வானி இருவரும் இன்னும் தமிழ் படத்தில் நடிக்கவில்லை. எனவே 'STR 48' படத்தில் அவர்கள் இணைந்தால் இது இரண்டு நடிகைகளுக்கும் கோலிவுட் அறிமுகமாகும்,
முதலில், 'STR 48' படத்தில் கீர்த்தி சுரேஷ், மிருணால் தாக்கூர் அல்லது தீபிகா படுகோனே இவர்களில் யாரேனும் ஒருவர் நடிக்கலாம் கூறப்பட்டது. ஆனால் தற்போது அது கியாரா அத்வானி அல்லது ஜான்வி கபூராக இருக்கலாம் என்று கூறப்படுகிறது. ஆனால் இதுகுறித்து தயாரிப்பு நிறுவனத்திடம் இருந்து எந்த அதிகாரப்பூர்வ அறிவிப்பும் வெளியாகவில்லை.
இதனிடையே சிம்பு தற்போது மணிரத்னம் இயக்கத்தில் உருவாகி வரும் தக்லஃப்ப் படத்தின் படப்பிடிப்பில் இருக்கிறார், மேலும் கமல்ஹாசன் முக்கிய வேடத்தில் நடிக்கும் படத்தில் சிம்பு ஒரு முக்கிய கதாபாத்திரத்தில் நடிக்கிறார். 'எஸ்டிஆர் 48' படத்தின் படப்பிடிப்பு ஜூன் இறுதியில் தொடங்கும் என்றும் தகவல்கள் தெரிவிக்கின்றன.