பிளாக்பஸ்டர் ஹிட்... PT சார் படத்தின் வெற்றியை படக்குழுவினருடன் கேக் வெட்டி கொண்டாடிய ஹிப்ஹாப் ஆதி

கார்த்திக் வேணுகோபாலன் இயக்கத்தில் வெளியான PT சார் படத்தின் வெற்றியை படக்குழுவினருடன் கேக் வெட்டி கொண்டாடி இருக்கிறார் ஹிப்ஹாப் ஆதி.

PT Sir Movie Success Meet

சுயாதீன இசைக்கலைஞராக அறிமுகமாக தன்னுடைய ஹிப்ஹாப் பாடல்கள் மூலம் ரசிகர்கள் மத்தியில் பிரபலமானவர் ஆதி. இதையடுத்து படிப்படியாக சினிமாவுக்குள் நுழைந்த ஆதி, ஆரம்பத்தில் பாடகராக கத்தி, வணக்கம் சென்னை, எதிர்நீச்சல் போன்ற படங்களில் பணியாற்றினார். அப்படங்களில் அவர் பாடிய பாடல்கள் வரிசையாக ஹிட்டானதை தொடர்ந்து, இயக்குனர் சுந்தர் சி, அவரை தன்னுடைய ஆம்பள படத்தின் மூலம் இசையமைப்பாளராக அறிமுகப்படுத்தினார்.

பின்னர் வரிசையாக தனி ஒருவன், அரண்மனை 2, கதகளி, போன்ற படங்களுக்கு ஹிப்ஹாப் ஆதி போட்ட பாடல்கள் ஹிட்டானதை தொடர்ந்து மீசைய முறுக்கு படம் மூலம் இயக்குனராகவும் நடிகராகவும் அறிமுகமானார் ஆதி. தன்னுடைய வாழ்க்கையை மையமாக வைத்து அவர் இயக்கிய இப்படம் பிளாக்பஸ்டர் ஹிட்டானது. இதைத் தொடர்ந்து நட்பே துணை, நான் சிரித்தால், அன்பறிவு, வீரன் போன்ற படங்களில் ஹீரோவாக நடித்திருந்தார் ஆதி.

இதையும் படியுங்கள்... Rajinikanth Visit Delhi : திடீரென டெல்லிக்கு பறந்த சூப்பர்ஸ்டார்.. மோடியின் பதவியேற்பு விழாவில் பங்கேற்கிறாரா?

அவர் நடிப்பில் அண்மையில் PT சார் திரைப்படம் வெளியானது. கார்த்திக் வேணுகோபாலன் இயக்கிய இப்படத்தை வேல்ஸ் பிலிம்ஸ் நிறுவனம் சார்பில் ஐசரி கே கணேஷ் தயாரித்திருந்தார். காஷ்மிரா, அனிகா சுரேந்திரன், முனீஸ்காந்த், பாக்கியராஜ் என மிகப்பெரிய நட்சத்திர பட்டாளமே நடித்திருந்த இப்படம் கடந்த மாதம் திரைக்கு வந்தது. பள்ளியில் நடக்கும் பாலியல் சீண்டல்களை மையமாக வைத்து எடுக்கப்பட்ட இப்படம் நல்ல வரவேற்பை பெற்றது.

அதுமட்டுமின்றி PT சார் படம் பாக்ஸ் ஆபிஸிலும் பட்டைய கிளப்பியது. இதனால் உற்சாகம் அடைந்த படக்குழு அப்படத்தின் வெற்றியை கேக் வெட்டி கொண்டாடி உள்ளனர். PT சார் படத்தின் சக்சஸ் மீட்டில் நடிகர் ஹிப்ஹாப் ஆதி, தயாரிப்பாளர் ஐசரி கணேஷ், இயக்குனர் கார்த்திக் வேணுகோபாலன், நடிகர்கள் பாக்கியராஜ், முனீஸ்காந்த் உள்பட படக்குழுவினர் கலந்துகொண்டனர். அப்போது எடுக்கப்பட்ட புகைப்படங்கள் இணையத்தில் வைரலாகி வருகிறது.

இதையும் படியுங்கள்... Suriya : மீண்டும் ஒரு ரோலெக்ஸா? லோகேஷ் கனகராஜின் அடுத்த படத்துக்காக கெஸ்ட் ரோலில் சூர்யா..!