அசிடிட்டியால் அவதிப்படுகிறீர்களா? இந்த வீட்டு வைத்தியங்களை ட்ரை பண்ணி பாருங்க..
அசிடிட்டியில் இருந்து விரைவான நிவாரணம் பெற உதவும் சில வீட்டு வைத்தியங்கள் குறித்து பார்க்கலாம்.
digestion
மாறிவரும் மக்களின் வாழ்க்கை முறை, மோசமான உணவுப் பழக்கங்கள் உள்ளிட்ட பல காரணங்களால் பல நோய்கள் உருவாகி வருகின்றன. ஜங்க் ஃபுட் மற்றும் ஹோட்டல் உணவுகள் ஆகியவை உடல் பருமனை ஏற்படுத்துவதுடன், உடல்நலம் தொடர்பான பிற பிரச்சனைகளுக்கும் வழிவகுக்கிறது..
![article_image2](https://static-ai.asianetnews.com/images/01hv89081n6m0ka3rybx5nfp1t/fotojet_300x171xt.jpg)
மேலும் மதிய உணவு அல்லது இரவு உணவை தவறான நேரத்தில் சாப்பிடுவதும் பல பிரச்சனைகளை ஏற்படுத்துகிறது. இரவு 8 மணிக்கு மேல் சாப்பிட்டால் வயிறு சம்பந்தமான பல பிரச்சனைகளை சந்திக்க வேண்டி வரும். இது குறிப்பாக மக்களின் செரிமான அமைப்பில் மிகவும் மோசமான விளைவை ஏற்படுத்துகிறது. அசிடிட்டியில் இருந்து விரைவான நிவாரணம் பெற உதவும் சில வீட்டு வைத்தியங்கள் குறித்து பார்க்கலாம்.
digestion
சோம்பு தண்ணீர் : உணவு சாப்பிட்டவுடன் வாயு மற்றும் நெஞ்செரிச்சல் போன்ற உணர்வு ஏற்பட்டால், உடனே சோம்பு தண்ணீரை குடிக்கவும். சிறந்த செரிமானத்திற்காக, உணவு உண்டபின் சோம்பை மென்று சாப்பிடுவதால், செரிமானம் சரியாக நடக்கும்.
சீரக தண்ணீர் : சீரகம் வாயு மற்றும் அமிலத்தன்மை பிரச்சனைகளுக்கு மிகவும் நன்மை பயக்கும் என்று கருதப்படுகிறது. இதில் உள்ள இயற்கை எண்ணெய், உமிழ்நீர் சுரப்பிகளைத் தூண்டி செரிமானத்தை மேம்படுத்துகிறது. ஒரு கிளாஸ் தண்ணீரில் ஒரு தேக்கரண்டி சீரகத்தை சேர்த்து கொதிக்க வைக்கவும். தண்ணீர் கொதித்ததும் வடிகட்டி குடித்தால் உடனடி நிவாரணம் கிடைக்கும்.
இஞ்சி : அழற்சி எதிர்ப்பு மற்றும் பாக்டீரியா எதிர்ப்பு பண்புகள் நிறைந்த இஞ்சி, வாயு மற்றும் அமிலத்தன்மை பிரச்சனையிலிருந்தும் நிவாரணம் அளிக்கிறது. இஞ்சியை சிறு துண்டுகளாக நறுக்கி சாப்பிட்டு வந்தால், நெஞ்சு வலியில் இருந்து உடனடி நிவாரணம் கிடைக்கும்.