Ajith : 31 ஆண்டுகளுக்கு பின் நிகழ்ந்த சந்திப்பு... சிரஞ்சீவி பட செட்டுக்கு சர்ப்ரைஸ் விசிட் அடித்த அஜித்குமார்

குட் பேட் அக்லி பட ஷூட்டிங் இடைவேளையில் விஸ்வம்பரா படத்தின் படப்பிடிப்பு தளத்துக்கு சென்ற அஜித்குமார் நடிகர் சிரஞ்சீவியை சந்தித்து உள்ளார்.

Actor Ajith Kumar

நடிகர் அஜித்குமார் நடிப்பில் தற்போது குட் பேட் அக்லி திரைப்படம் உருவாகி வருகிறது. இப்படத்தை ஆதிக் ரவிச்சந்திரன் இயக்கி வருகிறார். மைத்ரீ மூவி மேக்கர்ஸ் நிறுவனம் அப்படத்தை தயாரித்து வருகிறது. நடிகர் அஜித்தின் 63-வது படமான இதன் படப்பிடிப்பு தற்போது ஐதராபாத்தில் விறுவிறுப்பாக நடைபெற்று வருகிறது. இப்படத்தின் அஜித் மூன்று வேடங்களில் நடித்து வருவதாக கூறப்படுகிறது. இப்படத்திற்கு தேவி ஸ்ரீ பிரசாத் இசையமைக்கிறார்.

ajithkumar meet chiranjeevi

இந்த நிலையில், குட் பேட் அக்லி படத்தின் படப்பிடிப்பு நடைபெற்று வரும் ஸ்டூடியோ அருகில் சிரஞ்சீவி நடிப்பில் உருவாகி வரும் விஸ்வம்பரா படத்தின் படப்பிடிப்பும் நடைபெற்று வந்துள்ளது. இதுபற்றி அறிந்த அஜித்குமார். ஷூட்டிங் இடைவேளையில் விஸ்வம்பர படத்தின் படப்பிடிப்பு தளத்திற்கு சர்ப்ரைஸ் விசிட் அடித்து, அங்கு நடிகர் சிரஞ்சீவி மற்றும் விஸ்வம்பரா படக்குழுவையும் நேரில் சந்தித்து உள்ளார். அப்போது எடுத்த புகைப்படங்கள் இணையத்தில் வைரலாகி வருகின்றன.

இதையும் படியுங்கள்... IMDb வெளியிட்ட தசாப்தத்தின் டாப் 100 ஸ்டார்ஸ் லிஸ்ட்... கெத்து காட்டிய நயன், சமந்தா.. கடைசி இடத்தில் அஜித்!

ajith, chiranjeevi in Prema Pusthakam

நடிகர் அஜித்தும் சிரஞ்சீவியும் கடைசியாக 31 ஆண்டுகளுக்கு முன் சந்தித்து உள்ளனர். அஜித் நடித்த முதல் தெலுங்கு திரைப்படமான பிரேம புஸ்தகம் படத்தின்போது அஜித்தை முதன்முதலில் நேரில் சந்தித்து பேசி இருந்தார் சிரஞ்சீவி. அதன்பின்னர் சுமார் 31 ஆண்டுகள் கழித்து இருவரும் மீண்டும் சந்தித்துக் கொண்டனர். அப்போது நலம் விசாரித்துக்கொண்ட இருவரும் பரஸ்பரம் நட்பை பரிமாறிக்கொண்டனர். 

ajithkumar, chiranjeevi

சிரஞ்சீவி நடிப்பில் கடைசியாக வெளிவந்த போலா ஷங்கர் என்கிற திரைப்படம் அஜித் நடித்த வேதாளம் படத்தின் ரீமேக் ஆகும். இப்படம் கடந்த ஆண்டு ஆக்ஸ்ட் மாதம் திரைக்கு வந்தது. தமிழில் வேதாளம் படம் ஓரளவு ஹிட் அடித்தது. ஆனால் தெலுங்கில் அதன் ரீமேக் ஆக வெளிவந்த போலா ஷங்கர் திரைப்படம் அட்டர் பிளாப் ஆனது. அதன்பின்னர் தற்போது விஸ்வம்பரா படத்தில் நடித்தில் நடித்து வருகிறார் சிரஞ்சீவி. இதில் ஹீரோயினாக திரிஷா நடிக்கிறார் என்பது குறிப்பிடத்தக்கது.

இதையும் படியுங்கள்... Cool Suresh : ஆட்டோவில் வந்த கூல் சுரேஷுக்கு காரை பரிசாக அளித்து இன்ப அதிர்ச்சி கொடுத்த பிரபலம்