Biggboss 7: ஆள விடுங்க.. நைசாக கழண்டு கொண்ட அப்பாஸ்! பிரபல ஹீரோவை தொக்காக தூக்கிய பிக்பாஸ்! அப்போ ரணகளம் தான்!
பிக்பாஸ் தமிழ் சீசன் 7 நிகழ்ச்சி துவங்க இன்னும் ஓரிரு நாட்களே உள்ள நிலையில், இதில் பிரபல முன்னணி ஹீரோ ஒருவர் கலந்து கொள்ள உள்ளதாக தகவல் வெளியாகியுள்ளது.
Biggboss season 7 Tamil:
விஜய் டிவியில் வரும் ஆகஸ்ட் 1-ஆம் தேதி முதல், கமல்ஹாசன் தொகுத்து வழங்க உள்ள 'பிக்பாஸ் தமிழ் சீசன் 7 ' நிகழ்ச்சி ஆரம்பமாக உள்ளது. எனவே இதில், கலந்து கொள்ளவுள்ள போட்டியாளர்கள் குறித்த சில தகவல்கள் அதிகம் கிசுகிசுக்கப்பட்டு வருகிறது.
Biggboss season 7 Contestant:
அந்த வகையில் ஏற்கனவே, கோவை பெண் பஸ் ஓட்டுநர் ஷர்மிளா, வனிதா மகள் ஜோவிகா, நடன இயக்குனர் ஸ்ரீதர், ரவீனா தாஹா, விஷ்ணு விஜய், பிரிதிவிராஜ், சீரியல் நடிகர் சத்யா, காக்கா முட்டை விக்னேஷ், விஜே அர்ச்சனா, தர்ஷா குப்தா, சீரியல் நடிகை நிவிஷா என பலர் பிக்பாஸ் 7 வீட்டில் உள்ளே வர உள்ளதாக கூறப்பட்டாலும், அக்டோபர் 1-ஆம் தேதி தான் யார் உள்ளே வருகிறார்கள் என்பது பற்றிய உறுதியான தகவல்கள் வெளியாகும்.
Actor Abbas
இந்த லிஸ்டில் இடம்பெற்றிருந்த முக்கிய நடிகர்களில் ஒருவர் அப்பாஸ். பட வாய்ப்பு கிடைக்காததால், சினிமாவில் இருந்து பிரேக் எடுத்து கொண்டு, வெளிநாட்டில் தன்னுடைய குடும்பத்துடன் செட்டில் ஆன அப்பாஸ்... சமீப காலமாக சமூக வலைத்தளத்தில் சென்சேஷனலாக மாறினார். தற்போது மீண்டும் குடும்பத்துடன் சென்னையில் குடியேறியுள்ள இவர், சில படங்களில் நடித்து வருவதாக கூறப்படுகிறது.
Actor Shaam
இவரை பிக்பாஸ் இந்த முறை போட்டியாளராக இறக்கி, அழகு பார்க்க நினைத்த நிலையில்... முதலில் ஒப்புக்கொண்ட அப்பாஸ் பின்னர் ஒரு சில காரணங்களால், பிக்பாஸ் நிகழ்ச்சியில் இருந்து வெளியேறிவிட்டதாகவும், எனவே இவருக்கு பதில், பல படங்களில் ஹீரோவாகவும், விஜய் நடிப்பில், கடந்த ஜனவரி மாதம் வெளியான 'வாரிசு' படத்தில் தளபதிக்கு அண்ணனாக நடித்திருந்த ஷாம் பிக்பாஸ் 7 வீட்டிற்குள் போட்டியாளராக செல்ல உள்ளதாக புதிய தகவல் வெளியாகியுள்ளது.
Biggboss Confirm List:
ஷாம் எந்த பிரச்னையையாக இருந்தாலும் மூஞ்சிக்கு நேராக பேசும் குணம் கொண்டவர். எனவே இவர் போட்டியாளராக உள்ளே வந்தால்.. பிக்பாஸ் வீட்டில் கலகலப்புக்கு மட்டும் அல்ல சர்ச்சைகளுக்கும் பஞ்சம் இருக்காது என கூறப்படுகிறது.