காதலுக்கு வயசு முக்கியம் இல்லையாம் பாஸ்... தன்னைவிட வயதில் மூத்த பெண்களை கரம்பிடித்து செட்டில் ஆன டாப் ஹீரோஸ்

சினிமாவில் காதல் திருமணம் செய்துகொண்ட பிரபலங்கள் ஏராளம். அதிலும் சிலர் தன்னைவிட வயதில் மூத்த பெண்களை திருமணம் செய்துகொண்டு, காதலுக்கு முன் வயது என்பது ஒரு தடையே இல்லை என்பதை நிரூபித்துக் காட்டி இருக்கின்றனர். அப்படி தன்னைவிட அதிக வயதுடைய பெண்களை திருமணம் செய்துகொண்டு காதல் வாழ்க்கையை தொடர்ந்து வரும் நடிகர், நடிகைகள் பற்றி இந்த தொகுப்பில் விரிவாக பார்க்கலாம்.

யாஷ்

கன்னட திரையுலகில் டிரெண்டிங் ஹீரோவாக வலம் வரும் யாஷ், ராதிகா என்பவரை காதலித்து திருமணம் செய்துகொண்டார். இவர்களது திருமணம் கடந்த 2016-ம் ஆண்டு நடந்தது. இதில் ராதிகா நடிகர் யாஷை விட 1 வயது மூத்தவர் ஆவார்.

விக்னேஷ் சிவன் - நயன்தாரா

கோலிவுட்டில் நட்சத்திர ஜோடிகளாக வலம் வருபவர்கள் தான் விக்னேஷ் சிவன் - நயன்தாரா. 7 ஆண்டுகள் உருகி உருகி காதலித்த இந்த ஜோடி கடந்த 2022-ம் ஆண்டு திருமணம் செய்துகொண்டனர். இவர்களில் விக்னேஷ் சிவனை விட நடிகை நயன்தாரா ஒரு வயது சீனியர் ஆவார்.

மகேஷ் பாபு

தெலுங்கு திரையுலகில் சூப்பர்ஸ்டாராக கொண்டாடப்படுபவர் மகேஷ் பாபு. இவரும் காதல் திருமணம் தான் செய்துகொண்டார். மகேஷ் பாபுவை விட அவரது மனைவி நம்ரதா 4 வயது மூத்தவர் ஆவார்.

இதையும் படியுங்கள்... லால் சலாமுக்கு முன்னர் இத்தனை திரைப்படங்களில் கெஸ்ட் ரோலில் நடித்துள்ளாரா ரஜினி? வியக்க வைக்கும் லிஸ்ட் இதோ

விஷ்ணு விஷால்

கோலிவுட்டில் நம்பிக்கை நாயகனாக வலம் வரும் விஷ்ணு விஷால், பேட்மிண்டன் வீராங்கனையான ஜுவாலா கட்டாவை இரண்டாவது திருமணம் செய்துகொண்டார். இதில் ஜூவாலாவை விட விஷ்ணு விஷால் ஒரு வயது இளையவர் ஆவார்.

சினேகா - பிரசன்னா

கோலிவுட்டில் முன்னணி நடிகையாக வலம் வந்தவர் சினேகா. ரசிகர்களால் புன்னகை அரசி என கொண்டாடப்படும் இவர் கடந்த 2012-ம் ஆண்டு நடிகர் பிரசன்னாவை காதல் திருமணம் செய்துகொண்டார். இதில் சினேகாவை விட பிரசன்னா ஒரு வயது இளையவர் ஆவார்.

சையிப் அலிகான்

பாலிவுட் நடிகர் சையிப் அலிகான் தன்னுடைய முதல் மனைவியை விட 13 வயது இளையவர் ஆவார். அவருக்கு 21 வயதில் திருமணம் ஆனபோது அவருடைய முதல் மனைவியான அம்ரிதா சிங்கிற்கு 34 வயதாம்.

தனுஷ் - ஐஸ்வர்யா

நடிகர் தனுஷ், சூப்பர்ஸ்டார் ரஜினிகாந்தின் மூத்த மகளான ஐஸ்வர்யாவை காதலித்து திருமணம் செய்துகொண்டார். இவர்கள் தற்போது பிரிந்து வாழ்கின்றனர். இதில் ஐஸ்வர்யாவை விட தனுஷ் 2 வயது இளையவர் என்பது குறிப்பிடத்தக்கது.

பிரியங்கா சோப்ரா - நிக் ஜோனாஸ்

பாலிவுட்டில் முன்னணி நடிகையாக வலம் வந்து தற்போது ஹாலிவுட்டில் டாப் ஹீரோயினாக கலக்கிக் கொண்டிருக்கும் நடிகை பிரியங்கா சோப்ரா தன்னைவிட 10 வயது இளையவரான நிக் ஜோனாஸ் என்கிற பாடகரை திருமணம் செய்துகொண்டார்.

அபிஷேக் பச்சன் - ஐஸ்வர்யா ராய்

பாலிவுட் சூப்பர்ஸ்டார் அமிதாப் பச்சனின் மகனான அபிஷேக் பச்சன் முன்னாள் உலக அழகியான ஐஸ்வர்யா ராயை காதலித்து திருமணம் செய்துகொண்டார். இதில் அபிஷேக்கை விட ஐஸ்வர்யா மூன்று வயது சீனியர் ஆவார்.

இதையும் படியுங்கள்... விவாகரத்தான ஒரே வருடத்தில் மறுமணம் செய்யபோவதை உறுதி செய்த மெகா ஸ்டார் மகள் நிஹாரிகா! திருமணம் எப்போது?