படத்துக்கு 30 கோடி சம்பளம்.. பாலிவுட் முதல் ஹாலிவுட் வரை கலக்கும் நாயகி - தீபிகா படுகோனின் Net Worth எவ்வளவு?

Deepika Padukone Net Worth : பிரபல நடிகை தீபிகா படுகோனே டென்மார்க் நாட்டில் பிறந்தவர் என்பது குறிப்பிடத்தக்கது. கடந்த 2006ம் ஆண்டு வெளியான ஒரு கன்னட திரைப்படம் தான் இவர் நடிப்பில் வெளியான முதல் படம்.

Deepika and Ranveer

கன்னட மொழியில் அறிமுகமாகியிருந்தாலும், கடந்த 2007 ஆம் ஆண்டு பாலிவுட்டு உலகில் வெளியான பாலிவுட் பாஷா ஷாருக் கானின் "ஓம் சாந்தி ஓம்" திரைப்படத்தின் மூலம் மிகப்பெரிய அளவில் புகழ்பெற்ற நடிகையாக மாறினார் தீபிகா படுகோனே. அதன் பிறகு இப்பொழுது பாலிவுட் உலகில் முன்னணி நட்சத்திரமாக அவர் மாறியுள்ளார்.

Kochadaiyaan

தொடர்ச்சியாக பல பாலிவுட் படங்களில் நடித்து வரும் தீபிகா படுகோனே, கடந்த 2014 ஆம் ஆண்டு சூப்பர் ஸ்டார் ரஜினிகாந்த் அவர்களுடைய நடிப்பில் கே எஸ் ரவிக்குமார் எழுதி, ரஜினிகாந்தின் மகள் சௌந்தர்யா ரஜினிகாந்த் இயக்கிய அனிமேஷன் படமான "கோச்சடையான்" திரைப்படத்தில் நடித்து தமிழ் ரசிகர்கள் மத்தியில் பெரும் வரவேற்பை பெற்றார். இதுதான் அவர் நடித்த முதல், மற்றும் கடைசி தமிழ் படமாக தற்போது வரை இருந்து வருகிறது.

Actress Deepika

பாலிவுட் மற்றும் கோலிவுட் உலகில் கலக்கிவிட்டு ஆங்கில மொழி படங்களிலும் நடிக்க துவங்கிய தீபிகா படுகோனே கடந்த 2017 ஆம் ஆண்டு வெளியான XXX - Return of Xander Cage திரைப்படத்தில் ஒரு முக்கிய கதாபாத்திரம் ஏற்று நடித்தது அனைவரும் அறிந்ததே. இந்த திரைப்படம் அவருக்கு ஹாலிவுட் உலகிலும் மிகப்பெரிய வரவேற்பை பெற்றுக் கொடுத்தது.

Actress Deepika Padukone

தற்பொழுது பாலிவுட் உலகில் மிகப்பெரிய நட்சத்திரமாக விளங்கி வரும் அவர் இன்று ஜனவரி 5ஆம் தேதி தனது 38 வது பிறந்த நாளை கொண்டாடி வருகிறார். ஒரு திரைப்படத்திற்கு 25 முதல் 30 கோடி ரூபாய் வரை சம்பளமாக பெறும் தீபிகா படுகோனேவின் சொத்து மதிப்பு சுமார் 500 கோடி ரூபாய்க்கு மேல் என்று கூறப்படுகிறது.