மாமனிதன் படத்தின் லட்சணம் இன்னும் சில தினங்களில் தெரியும்.? பிரபல இயக்குநரை விடாமல் வச்சு செய்யும் ப்ளூ சட்டை

Blue Sattai: சீனு ராமசாமி இயக்கியுள்ள மாமனிதன் படத்தை விமர்சனம் செய்த ப்ளூ சட்டை மாறன் ''சீரியலை திரையில் பார்க்க விரும்புபவர்கள் இந்த படத்தை பாருங்கள்'' என்று கூறியிருந்தார்.

Maamanithan

விஜய் சேதுபதி நடிப்பில் நீண்ட கால தாமதத்திற்கு பிறகு 'மாமனிதன்' திரைப்படம் ஜூன் 24 அன்று திரையரங்குகளில் வெளியிடப்பட்டது. சீனு ராமசாமி இயக்கிய எமோஷனல் குடும்ப நாடகம் என இயக்குனர் ஷங்கர் உட்பட பல திரையுலக ரசிகர்களின் பாராட்டைப் பெற்றுள்ளது. 

இந்த படத்தில் விஜய் சேதுபதி ஆட்டோ ஓட்டுனராக நடித்திருக்கிறார். அவருக்கு ஜோடியாக காயத்ரி இரண்டு குழந்தைகளுக்கு தாயாக நடித்திருந்தார். இப்படத்திற்கு இளையராஜா மற்றும் யுவன் ஷங்கர் ராஜா இசையமைத்துள்ளன. திரையரங்குகளில் ஓடிக்கொண்டிருக்கும் இந்த படத்தின் டிஜிட்டல் உரிமையை ஆஹா தமிழ் OTT இயங்குதளம் பெரும் தொகைக்கு வாங்கியதாக கூறப்படுகிறது.  

திரைப்படத்தின் கதை ஒரு தாய் மற்றும் மனைவியாக தனது குடும்பத்தை ஒன்றாக வைத்திருக்கும் ஒரு பெண்ணின் உணர்ச்சிகளை மையமாகக் கொண்டுள்ளது. இந்த படத்திற்கு ரசிகர்கள் மத்தியில் கலவையான விமர்சனங்கள் கிடைத்து வரும் நிலையில், பிரபல விமர்சகர் ப்ளூ சட்டை மாறன் இதை 'பெரிய திரையில் மெகா சீரியல்' என குறிப்பிட்டு இருந்தார். மாமனிதன் என டைட்டில் வைத்ததையும் அவர் தாக்கி பேசி இருந்தார்.

மேலும் இந்த படத்தில் வருவது போல எந்த அப்பாவாவது மகள் திருமணத்திற்கு நகை வாங்க மகள் இல்லாமல் தனியாக போவாரா என ப்ளூ சட்டை கேள்வி எழுப்பி இருந்தார். ட்விட்டரில் இதற்கு பதிலளித்துள்ள  சீனு ராமசாமி, மாறனை குறிப்பிட்டு  இனிய மாறா வணக்கம், ''மனிதனை கொல்லலாம், ஆனால், மாமனிதனை உங்களால் கொல்ல முடியாது'' என்று குறிப்பிட்டிருந்தார். இந்த நிலையில், இதனை ரீட்விட் செய்த மாறன், ''மாமனிதனை இம்மண்ணில் மனிதர்கள் கொண்டாடுகிறார்களா..? என்பது இன்னும் சில தினங்களில் தெரிந்து விடும்'' என்று பதிலளித்துள்ளார்.