நான் இனி நடிகை மட்டுமல்ல... சினிமாவில் அடுத்த லெவலுக்கு சென்ற பிக்பாஸ் சனம் ஷெட்டிக்கு குவியும் வாழ்த்துக்கள்

தமிழில் கடந்த 2012-ம் ஆண்டு வெளிவந்த அம்புலி படம் மூலம் ஹீரோயினாக அறிமுகமானவர் சனம் ஷெட்டி. இதையடுத்து தமிழ், தெலுங்கு என இரு மொழிகளிலும் நடித்து வந்த இவர், கடந்த 2020-ம் ஆண்டு கமல்ஹாசன் தொகுத்து வழங்கிய பிக்பாஸ் நிகழ்ச்சியின் 4-வது சீசனில் போட்டியாளராக கலந்துகொண்டதன் மூலம் மக்கள் மத்தியில் பிரபலமானார். அந்நிகழ்ச்சிக்கு பின்னர் சினிமாவில் பெரியளவில் வாய்ப்பு கிடைக்காததால் மாடலிங் துறையில் கவனம் செலுத்தி வருகிறார்.

இதுதவிர கடந்த ஆண்டு நடைபெற்ற பிக்பாஸ் நிகழ்ச்சியின் 7-வது சீசனை பிரபல தனியார் யூடியூப் சேனலுக்காக விமர்சனமும் செய்தார். இப்படி சமூக வலைதளங்களில் தொடர்ந்து தன்னை ஆக்டிவாக வைத்துக் கொண்டிருக்கும் சனம் ஷெட்டி, தற்போது புது அறிவிப்பு ஒன்றையும் வெளியிட்டு இருக்கிறார். அதன்மூலம் தான் புதிதாக தயாரிப்பு நிறுவனம் ஒன்றை தொடங்கி இருப்பதாக அதிகாரப்பூர்வமாக அறிவித்துள்ளார் நடிகை சனம் ஷெட்டி.

இதையும் படியுங்கள்... Deep Fake வீடியோ வெளியிடுவேன்.. ட்விட்டர் மூலம் மிரட்டிய நபர் - பிக் பாஸ் சனம் ஷெட்டி போலீசில் புகார்!

அந்த தயாரிப்பு நிறுவனத்துக்கு கிளைம் கல்சர் புரொடக்‌ஷன்ஸ் என பெயரிட்டுள்ள அவர், அந்நிறுவனம் மூலம் முதலில் யூடியூப்பிற்கான இசை ஆல்பம் பாடல்கள் மற்றும் குறும்படங்களை மட்டும் தயாரிக்க முடிவெடுத்துள்ளதாக கூறி உள்ளார். இது சக்சஸ் ஆனால் அடுத்தடுத்து தன்னுடைய தயாரிப்பு நிறுவனத்தை விரிவுபடுத்த உள்ளதாகவும் சனம் ஷெட்டி கூறி இருக்கிறார். 

ரசிகர்கள், என்னுடைய குடும்பம் மற்றும் நல விரும்பிகள் கொடுக்கும் உத்வேகத்தால் தான் இது சாத்தியமானது. அவர்களுக்கு மிக்க நன்றி என தெரிவித்துள்ளார் சனம் ஷெட்டி. புதிதாக தயாரிப்பு நிறுவனம் தொடங்கி உள்ள சனம் ஷெட்டிக்கு சமூக வலைதளங்களில் வாழ்த்துக்களும் குவிந்த வண்ணம் உள்ளன. அவர் நிறுவனம் அடுத்ததாக படங்களை தயாரிக்கும் அளவுக்கு வளர்ச்சி அடைய வேண்டும் என்றும் வாழ்த்தி வருகின்றனர்.

இதையும் படியுங்கள்...  விமான நிலையத்தில் பரிசோதனை செய்வதிலும் மத பாகுபாடு... இதெல்லாம் எவ்ளோ கேவலம் தெரியுமா? - சனம் ஷெட்டி கோபம்