குருவை மிஞ்சிய சிஷியன்... இயக்குனர் ஷங்கரின் சாதனையை ஐந்தாவது படத்திலேயே தகர்த்தெறிந்த அட்லீ
இயக்குனர் ஷங்கரிடம் உதவி இயக்குனராக பணியாற்றி பின்னர் இயக்குனராக அறிமுகாகி கலக்கி வரும் அட்லீ தற்போது புதிய சாதனை ஒன்றை படைத்துள்ளார்.
Atlee, shankar
தமிழ் திரையுலகில் தொடர்ந்து பிரம்மாண்ட படங்களை இயக்கி வெற்றி கண்டவர் ஷங்கர். இவர் நடிகர் விஜய்யின் தந்தை எஸ்.ஏ.சந்திரசேகரிடம் தான் உதவி இயக்குனராக பணியாற்றி பின்னர் ஜெண்டில்மேன் படம் மூலம் இயக்குனராக அவதாரம் எடுத்தார். அதன்பின்னர் அவர் குருவையே மிஞ்சிய சிஷியனாக உருவெடுத்து பல்வேறு பிளாக்பஸ்டர் ஹிட் படங்களை கொடுத்து, இந்திய சினிமாவே வியந்து பார்க்கும் ஒரு இயக்குனராக உருவெடுத்தார்.
Director shankar, Atlee
இயக்குனர் ஷங்கர் இயக்கியதிலேயே அதிக வசூல் சாதனை செய்த திரைப்படம் என்றால் அது 2.0 தான். ரஜினிகாந்த், அக்ஷய் குமார் நடிப்பில் கடந்த 2018-ம் ஆண்டு திரைக்கு வந்த இப்படம் பாக்ஸ் ஆபிஸில் ரூ.800 கோடி வசூலித்து இருந்தது. இதுவே தமிழ் சினிமாவில் அதிக வசூல் செய்த படமாக திகழ்ந்து வருகிறது. ஷங்கரின் இந்த சாதனை எந்த ஒரு கோலிவுட் இயக்குனரும் நெருங்க முடியாமல் இருந்து வந்த நிலையில், தற்போது அட்லீ முறியடித்து உள்ளார்.
இதையும் படியுங்கள்... பிரதர்னு சொன்ன ப்ரியா... விடாமல் பாலோ பண்ணிய அட்லீ - ஜவான் இயக்குனரின் காதல் சக்சஸ் ஆனது எப்படி?
Atlee break shankar record
ஷாருக்கானை வைத்து அட்லீ இயக்கிய ஜவான் திரைப்படம் கடந்த செப்டம்பர் 7-ந் தேதி திரைக்கு வந்து வசூலில் பல்வேறு சாதனைகளை படைத்து வருகிறது. இப்படம் வெளியாகி 11 நாளில் ரூ.800 கோடிக்கு மேல் வசூலித்து உள்ளது. இதன்மூலம் அதிக வசூல் சாதனை படைத்த கோலிவுட் இயக்குனர் என்கிற சாதனையை அட்லீ படைத்துள்ளார். ஷங்கரின் 2.0 படத்தின் லைப் டைம் கலெக்ஷனை அட்லீயின் ஜவான் திரைப்படம் 11 நாட்களில் முறியடித்து உள்ளது.
Atlee with his guru shankar
ஜவான் படத்தின் பாக்ஸ் ஆபிஸ் சாதனை மூலம் தன்னுடைய குருவான ஷங்கரின் சாதனையையும் முறியடித்து இருக்கிறார் அட்லீ. ஷங்கர் இயக்கிய எந்திரன், நண்பன் போன்ற படங்களில் உதவி இயக்குனராக பணியாற்றியவர் தான் அட்லீ. அந்த இரண்டு படங்களுக்கு பின்னர் ராஜா ராணி படம் மூலம் இயக்குனராக அறிமுகமான அவர், தொடர்ந்து விஜய்யை வைத்து தெறி, மெர்சல், பிகில் என ஹாட்ரிக் ஹிட் படங்களை கொடுத்து, தற்போது ஷாருக்கானின் ஜவான் படம் மூலம் குருவையே மிஞ்சிய சிஷியனாக உருவெடுத்துள்ளார்.
இதையும் படியுங்கள்... "சண்ட செய்யெல்லாம் நேரமில்ல".. சாரே கொலமாசு.. வெளியான லியோ பட போஸ்டர் - டீகோட் செய்ய துவங்கிய ரசிகர்கள்!