“தளபதி விஜய்யின் அப்பா இதுக்காக தான் என் பெயரை மாற்றினார்..” முதன்முறையாக ரகசியத்தை உடைத்த விஜய் ஆண்டனி..

தனது உண்மையான பெயர் குறித்தும் தனது பெயரை யார் மாற்றியது என்பது குறித்தும் சமீபத்தில் அளித்த பேட்டியில் விஜய் ஆண்டனி பேசி உள்ளார்.

vijay antony

விஜய் ஆண்டனி நடித்துள்ள மழை பிடிக்காத மனிதன் படம் விரைவில் வெளியாக உள்ளது. இந்த படத்தின் புரமோஷன் பணிகளில் விஜய் ஆண்டனி ஈடுபட்டு வருகிறார். இந்த நிலையில் பிரபல யூ டியூப் சேனல் ஒன்று விஜய் ஆண்டனி பேட்டியளித்தார்.

Mazhai Pidikkatha Manithan movie trailer vijay antony

அப்போது பல்வேறு விஷயங்களை பகிர்ந்து கொண்டார். அப்போது தனது உண்மையான பெயர் குறித்தும் தனது பெயரை யார் மாற்றியது என்பது குறித்தும் விஜய் ஆண்டனி பேசி உள்ளார். அப்போது பேசிய அவர் “ எனது பெயரில் ஜாதி, மதம் தொடர்பான அடையாளம் வர வேண்டாம் என்று நினைத்தேன். ஆண்டனி என்று பெயர் இருந்தா என்னை கிறிஸ்தவன் என்று பார்ப்பார்கள்.

Vijay Antony

எனவே எனது எந்த மத அடையாளமும் இருக்க வேண்டாம் என்று நினைத்தேன். பொதுவாக ஒரு பெயரை வைக்க வேண்டும் என்று எனது அக்னி என்று குறிப்பிட்டேன். சின்ன பாப்பா பெரிய பாப்பா உட்பட பல நிகழ்ச்சிகள் அக்னி என்ற பெயரில் தான் செய்தேன். 

ஆனால் விஜய்யின் அப்பா எஸ்.ஏ சந்திரசேகர என்னிடம் வந்து அக்னி என்ற பெயர் நன்றாக இல்லை என்று கூறி விஜய் ஆண்டனி என்ற பெயரை அவர் தான் வைத்தார். நாலைந்து வருடங்களாக பட வாய்ப்பு கிடைக்கவில்லை. கடைசியில் ஒரு பெரிய மனிதர் அழைத்து வாய்ப்பு கொடுத்தார். பெயர் தானே என்று மாற்றிக் கொண்டேன். ஆனால் இப்போது அக்னி என்ற பெயரை விட விஜய் ஆண்டனி என்ற பெயர் கேட்பதற்கு நன்றாக உள்ளது” என்று கூறியுள்ளார்.

2005-ம் ஆண்டு விஜய்யின் தந்தை எஸ்.ஏ சந்திரசேகரன் இயக்கிய சுக்ரன் படத்தின் மூலம் இசையமைப்பாளராக அறிமுகமானார் விஜய் ஆண்டனி. முதல் படத்திலேயே தனது இசையின் மூலம் ரசிகர்களை ஈர்த்த விஜய் ஆண்டனி, டிஷ்யூம், நான் அவன் இல்லை, காதலில் விழுந்தேன், அ,ஆ,இ,ஈ, வேட்டைக்காரன், அங்காடி தெரு, வெடி, வேலாயுதம் உள்ளிட்ட பல படங்களுக்கு இசையமைத்தார். விஜய் ஆண்டனியின் இசையில் உருவான பாடல்கள் பட்டி தொட்டி எங்கும் ஹிட் அடித்தன.

Image: Instagram

இதனிடையே நான் படத்தின் மூலம் ஹீரோவாக அறிமுகமான அவர் பல வெற்றி படங்களில் நடித்துள்ளார். இசையமைப்பாளர், நடிகர் மட்டுமின்றி எடிட்டராகவும் விஜய் ஆண்டனி பணிபுரிந்துள்ளார். மேலும் பிச்சைக்காரன் 2 படத்தின் மூலம் இயக்குனராகவும் அறிமுகமானார். பிரான்சிஸ் ஆண்டனி சிரில் ராஜா என்பது தான் விஜய் ஆண்டனியின் இயற்பெயர். எனினும் அவர் மீடியாவில் நுழையும் போது தனது பெயரை அக்னி என்று மாற்றிக் கொண்டார் என்பது குறிப்பிடத்தக்கது.