அப்படியே ஆர்த்தியை உரித்து வைத்திருக்கும் குழந்தைகள்.. சிவகார்த்திகேயனின் லவ்லி ஃபேமிலி போட்டோஸ் வைரல்..

Actor Sivakarthikeyan Family : சிவகார்த்திகேயன் இன்று தனது 3வது குழந்தைக்கு பெயர்சூட்டிய நிலையில் அவரின் குடும்ப போட்டோக்கள் இணையத்தில் வைரலாகி வருகிறது.

Sivakarthikeyan Family Photos

வெள்ளித்திரையில் பல ஹீரோக்களும் தங்கள் இடத்தை தக்க வைக்க திணறி வரும் நிலையில், சின்னத்திரையில் தனது பயணத்தை தொடங்கிய சிவகார்த்திகேயன் இன்று தமிழ் சினிமாவின் முன்னணி நடிகர்களில் ஒருவராக மாறி உள்ளார்.

தனது கடின உழைப்பு, விடா முயற்சி ஆகியவற்றால் இன்று தமிழ் திரையுலகில் தனக்கென தனி இடத்தை பிடித்துள்ளார் சிவகார்த்திகேயன். நடிகர், தயாரிப்பாளர், பாடலாசிரியர் என பன்முகத்திறமை கொண்டராக சிவகார்த்திகேயன் வலம் வருகிறார். 

2012-ம் ஆண்டு பாண்டிராஜ் இயக்கத்தில் வெளியான மெரினா படத்தின் மூலம் ஹீரோவாக அறிமுகமானார் சிவகார்த்திகேயன். தனது முதல் படத்திலேயே ரசிகர்களை ஈர்த்தார். இந்த படம் வசூல் ரீதியாகவும் நல்ல வரவேற்பை பெற்ற நிலையில் அவருக்கு தமிழில் பட வாய்ப்புகள் குவியத் தொடங்கியது. 

மனம் கொத்தி பறவை, கேடி பில்லா கில்லாடி ரங்கா, எதிர்நீச்சல், வருத்தப்படாத வாலிபர் சங்கம், ரஜினி முருகன் என அடுத்தடுத்து ஹிட் படங்களில் நடித்து மிக குறுகிய காலத்திலேயே முன்னணி நடிகராக மாறினார்.

சீமராஜா, மிஸ்டர் லோக்கல், ஹீரோ போன்ற ஒரு சில படங்களை தவிர மற்ற படங்கள் வெற்றிகரமாக ஓடியதால் வெற்றி நடிகராகவே சிவகார்த்திகேயன் பார்க்கப்படுகிறார்.

சிவகார்த்திகேயன் நடிப்பில் சமீபத்தில் வெளியான மாவீரன், அயலான் ஆகிய படங்களும் ஹிட் படங்களாகவே அமைந்தன. தற்போது அமரன் என்ற பயோபிக் படத்தில் நடித்து வருகிறார்.

இந்த படம் விரைவில் திரையரங்குகளில் வெளியாக உள்ளது. இதை தொடர்ந்து ஏ.ஆர் முருகதாஸ் இயக்கி வரும் எஸ் 23 படத்திலும் நடித்து வருகிறார். 

திரையில் அறிமுகமாவதற்கு முன்பே தனது மாமா மகளான ஆர்த்தியை சிவகார்த்திகேயன் திருமணம் செய்து கொண்டார். இந்த தம்பதிக்கு ஆராதனா என்ற மகளும், குகன் தாஸ் என்ற மகனும் இருந்த நிலையில் சில நாட்களுக்கு முன்பு தான் 3-வதாக மகன் பிறந்தார். 

இந்த நிலையில் சிவகார்த்திகேயன் தனது மகனுக்கு பெயர் சூட்டு விழாவை நடத்தினார். தனது வீட்டிலேயே எளிமையாக நடந்த இந்த விழாவில் தனது மகனுக்கு பவன் என்று பெயர் சூட்டி உள்ளார்.

இதுதொடர்பான போட்டோக்களும் வீடியோக்களும் வைரலாகி வரும் நிலையில், பலரும் சிவகார்த்திகேயன் ஆர்த்தி தம்பதி வாழ்த்து தெரிவித்து வருகின்றனர்.