சினிமா போல் பிசினஸிலும் கொடிகட்டிப் பறக்கும் நடிகர் ஆர்யாவிற்கு இத்தனை கோடி சொத்துக்கள் உள்ளதா?

சினிமாவில் நடிகராகவும் தயாரிப்பாளராகவும் கலக்கி வரும் நடிகர் ஆர்யாவின் சொத்து மதிப்பு மற்றும் சம்பள விவரம் பற்றி இந்த தொகுப்பில் பார்க்கலாம்.

Arya

கேரளாவில் பிறந்து வளர்தவர் ஆர்யா. இவரின் இயற்பெயர் ஜம்ஷத். சினிமாவில் இவரது நண்பர்கள் அனைவரும் ஆர்யாவை ஜாம்மி என்று தான் செல்லமாக அழைப்பார்கள். ஆர்யா கடந்த 2005-ம் ஆண்டு வெளிவந்த அறிந்தும் அறியாமலும் படம் மூலம் தமிழ் திரையுலகில் ஹீரோவாக அறிமுகமானார். விஷ்ணுவர்தன் இயக்கிய இப்படம் வெற்றிபெற்றதோடு ஆர்யாவுக்கு விருதுகளையும் பெற்றுத்தந்தது. இப்படத்தின் வெற்றியை தொடர்ந்து உள்ளம் கேட்குமே, கலாபக் காதலன், பட்டியல், ஓரம் போ, நான் கடவுள், சார்பட்டா பரம்பரை போன்ற வித்தியாசமான கதையம்சம் கொண்ட படங்களை தேர்ந்தெடுத்து நடித்து வெற்றிகண்டார்.

Arya Sayeesha

நடிகர் ஆர்யா தமிழ் மட்டுமின்றி தெலுங்கு, மலையாள படங்களிலும் நடித்திருக்கிறார். இவருக்கு கடந்த 2019-ம் ஆண்டு திருமணம் ஆனது. இவர் தன்னுடன் கஜினிகாந்த் படத்தில் ஜோடியாக நடித்த நடிகை சாயிஷாவை காதலித்து திருமணம் செய்துகொண்டார். சாயிஷாவை விட நடிகர் ஆர்யா 17 வயது மூத்தவர் என்பது குறிப்பிடத்தக்கது. இருப்பினும் இவர்களது காதலுக்கு குடும்பத்தினர் பச்சைக்கொடி காட்டியதால் இருவரும் திருமணம் செய்துகொண்டனர். ஆர்யா - சாயிஷா ஜோடிக்கு ஆரியானா என்கிற பெண் குழந்தையும் உள்ளது.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Arya wife sayeesha

நடிகர் ஆர்யா தற்போது சார்பட்டா பரம்பரை இரண்டாம் பாகம் மற்றும் மிஸ்டர் எக்ஸ், சைந்தவ் போன்ற படங்களை கைவசம் வைத்துள்ளார். இவர் சினிமாவில் நடிகராக மட்டுமின்றி தயாரிப்பாளாராகவும் கலக்கி வருகிறார். இவர் தனது ஷோ பீப்புல் நிறுவனம் மூலம் அமரகாவியம், ஜீவா, தி கிரேட் ஃபாதர் போன்ற வெற்றிப்படங்களை கொடுத்துள்ளார். இதன்மூலமும் நடிகர் ஆர்யாவுக்கு கோடிக்கணக்கில் வருமானம் கிடைத்து வருகின்றது.

Arya Net worth

இதுதவிர நடிகர் ஆர்யா சென்னையில் உணவகமும் நடத்தி வருகிறார். அரேபியன் வகை உணவுகள் அவரது உணவகத்தில் மிகவும் பிரபலம். வேளச்சேரி, அண்ணா நகர் உள்ளிட்ட பகுதிகளிலும் ஆர்யாவின் உணவகத்துக்கு கிளைகள் உள்ளன. இந்த உணவகம் மூலம் நன்கு சம்பாதித்து வருகிறார் ஆர்யா. இப்படி சினிமாவை போல் பிசினஸிலும் கொடிகட்டிப்பறக்கும் ஆர்யாவின் சொத்து மதிப்பு மட்டும் ரூ.80 கோடி இருக்குமாம். இவர் ஒரு படத்துக்கு ரூ.7 கோடி வரை சம்பளம் வாங்கி வருகிறார். இவரிடம் ஆடி கியூ7, பென்ஸ் இ கிளாஸ் போன்ற சொகுசு கார்களும் சென்னையில் ஒரு ஆடம்பர பங்களாவும் உள்ளது. இதுதவிர ரியல் எஸ்டேட்டிலும் கோடிக்கணக்கில் முதலீடு செய்துள்ளார் ஆர்யா.

இதையும் படியுங்கள்... கோலிவுட்டில் தலைதூக்கும் நெபோடிசம்... விஜய் மகன் முதல் வனிதா மகள் வரை இத்தனை பேர் அறிமுகமாகிறார்களா?