யாஷ் - நயன்தாரா நடிக்கும் டாக்ஸிக் ரிலீஸ் தள்ளிப்போகுதா? வேறுவழியின்றி உண்மையை போட்டுடைத்த படக்குழு..!

ராக்கிங் ஸ்டார் யாஷ்ஷின் பெரிதும் எதிர்பார்க்கப்படும் 'டாக்ஸிக்: எ ஃபேரி டேல் ஃபார் க்ரோன்-அப்ஸ்' படத்தின் வெளியீட்டு தேதி குறித்த வதந்திகளுக்கு முற்றுப்புள்ளி வைக்கப்பட்டுள்ளது.

Image Credit : our own

Toxic Movie Release date

KGF படம் மூலம் பான் இந்தியா ஹீரோவாக உருவெடுத்தவர் ராக்கிங் ஸ்டார் யாஷ். அவர் நடிப்பில் பெரிதும் எதிர்பார்க்கப்படும் 'டாக்ஸிக்: எ ஃபேரி டேல் ஃபார் க்ரோன்-அப்ஸ்' (Toxic) படத்தின் வெளியீட்டு தேதி குறித்த சமீபகாலமாக சர்ச்சை எழுந்த நிலையில், அதற்கு முற்றுப்புள்ளி வைக்கப்பட்டுள்ளது. படக்குழு முதலில் அறிவித்தபடியே, 2026ம் ஆண்டு மார்ச் 19ந் தேதி அன்று உலகமெங்கும் அப்படம் திரைக்கு வரத் தயாராகியுள்ளது. டாக்ஸிக் படம் தள்ளிப்போகும் என பரவலாக செய்திகள் பரவி வந்த நிலையில், அதன் தயாரிப்பு நிறுவனமே அது வெறும் வதந்தி என உறுதி செய்துள்ளது.

Image Credit : instagram

'டாக்ஸிக்' நிற்கவில்லை!

இதுகுறித்து தயாரிப்புக் குழுவுடன் பேசிய பிறகு பதிவிட்டுள்ள விமர்சகர் தரண் ஆதர்ஷ், படம் திட்டமிட்டபடிதான் முன்னேறி வருகிறது என்பதைத் தெளிவுபடுத்தியுள்ளார். ஆச்சரியமான விஷயம் என்னவென்றால், யாஷ் மும்பையில் 'ராமாயண்' படப்பிடிப்பைத் தொடங்கிய ஏப்ரல் மாதத்திலிருந்தே, 'டாக்ஸிக்' படத்தின் போஸ்ட்-புரொடக்ஷன் மற்றும் விஎஃப்எக்ஸ் (VFX) பணிகள் ஒரே நேரத்தில் தொடங்கப்பட்டுள்ளன. தற்போது, பெங்களூருவில் இறுதிக்கட்டப் படப்பிடிப்பு விறுவிறுப்பாக நடைபெற்று வருகிறது, மேலும் 2026 ஜனவரியில் படத்தின் விளம்பரப் பணிகள் முழுவீச்சில் தொடங்கும்.

Image Credit : Asianet News

கவுண்ட்டவுன் ஸ்டார்ட்

தரண் ஆதர்ஷின் இந்த விளக்கத்திற்குப் பிறகு, படத்தின் தயாரிப்பு நிறுவனங்களில் ஒன்றான கேவிஎன் புரொடக்ஷன்ஸ், சமூக வலைதளங்களில் கவுண்ட்டவுன் போஸ்ட்டைப் பகிர்வதன் மூலம் வெளியீட்டுத் தேதியையும் உறுதிப்படுத்தியுள்ளது: "இன்னும் 140 நாட்கள் உள்ளன..." என்று தெரிவித்துள்ளது. இது யாஷ் ரசிகர்களிடையே மேலும் ஆர்வத்தை ஏற்படுத்தியுள்ளது. படத்தின் வெளியீட்டு தேதி ஒரு முக்கிய பண்டிகை வார இறுதியில் வருகிறது. யுகாதி மற்றும் ஈத் பண்டிகையை ஒட்டி டாக்ஸிக் படம் வரவுள்ளது.

140 days to go…

His Untamed Presence,
Is Your Existential Crisis.#ToxicTheMovie releasing worldwide on 19-03-2026 https://t.co/9RC1D6xLyn

— KVN Productions (@KvnProductions) October 30, 2025

Image Credit : X

வசூல் வேட்டைக்கு தயாராகும் டாக்ஸிக்

இது பாக்ஸ் ஆபிஸில் நான்கு நாட்கள் பிரம்மாண்டமான கொண்டாட்ட சூழலை உருவாக்கும். 'கேஜிஎஃப்' படத்திற்குப் பிறகு யாஷ் மீண்டும் பெரிய திரையில் தோன்றுவதால், 'டாக்ஸிக்' மீதான எதிர்பார்ப்புகள் மேலும் அதிகரித்துள்ளன. கீது மோகன்தாஸ் இயக்கும் இந்தப் படம், ஆங்கிலம் மற்றும் கன்னடத்தில் ஒரே நேரத்தில் படமாக்கப்பட்டுள்ளது. மேலும், இந்தி, தெலுங்கு, தமிழ், மலையாளம் உள்ளிட்ட பல மொழிகளில் வெளியாகவுள்ளது. யாஷ் ஒரு நடிகராக மட்டுமல்லாமல், தயாரிப்பாளராகவும் படத்திற்கு வலு சேர்த்துள்ளார். இப்படத்தில் கியாரா அத்வானி, நயன்தாரா, ஹுமா குரேஷி, ருக்மிணி வசந்த் என மிகப்பெரிய நட்சத்திர பட்டாளமே நடித்துள்ளது.