Toxic: முதல் நாள் மாஸ்.. 2ம் நாள் 'டிராப்'! வசூலில் சறுக்கிய யாஷின் டாக்ஸிக்! அட! இவ்வளவுதானா?

Toxic: யாஷின் 'டாக்சிக்' படம் முதல் நாள் வசூல் நன்றாக இருந்தது. ஆனால் கடுமையான விமர்சனங்களை பெற்றதால் இரண்டாம் நாள் பாக் ஆபிஸில் பெரும் அடி வாங்கியது. டாக்ஸிக் 2ம் நாள் வசூல் என்ன என விரிவாக பார்ப்போம்

Image Credit : X/@KvnProductions ·

வசூலில் பெரும் பின்னடைவை சந்தித்த யாஷின் டாக்ஸிக்

கன்னட சினிமாவின் போக்கை மாற்றிய யாஷ், 'கே.ஜி.எஃப் 2' படத்திற்குப் பிறகு நான்கு ஆண்டுகள் கழித்து 'டாக்சிக்' படத்தில் நடித்துள்ளார். புதன்கிழமை வெளியான இப்படம், முதல் நாள் நல்ல வசூலைப் பெற்றாலும், நெகட்டிவ் விமர்சனங்களால் இரண்டாம் நாளில் வசூல் கடும் சரிவைச் சந்தித்துள்ளது.

Image Credit : Asianet News

டாக்ஸிக் இரண்டாம் நாள் வசூல்

முதல் நாள் இப்படம் ₹140 கோடி வசூலித்ததாக வர்த்தக வட்டாரங்கள் தெரிவித்தன, ஆனால் படக்குழு ₹150 கோடி என அதிகாரப்பூர்வமாக அறிவித்தது. இரண்டாம் நாளில், இந்தியாவில் ₹36.40 கோடி நிகர வசூலையும், உலகளவில் சுமார் ₹50 கோடியையும் பெற்றுள்ளது. இரண்டு நாட்களில் மொத்த வசூல் ₹190 கோடியை எட்டியுள்ளது.

Image Credit : X/@KvnProductions

65% சரிந்த டாக்ஸிக் இரண்டாம் நாள் வசூல்

முதல் நாளுடன் ஒப்பிடுகையில், இரண்டாம் நாள் வசூல் 65% குறைந்துள்ளது. பொதுவாக ஒரு படத்தின் வசூல் 30-40% குறைந்தாலே அது பெரிய விஷயமாகப் பார்க்கப்படும். ஆனால் 65% சரிவு என்பது படத்தின் பாக்ஸ் ஆபிஸ் ரிசல்ட்டை கேள்விக்குறியாக்கியுள்ளது. இந்த சரிவுக்கு நெகட்டிவ் விமர்சனங்களே முக்கிய காரணம்.

Image Credit : X/@KvnProductions

டாக்ஸிக் படத்தின் பட்ஜெட் மற்றும் வியாபாரக் கணக்குகள்

சுமார் ₹500-600 கோடி பட்ஜெட்டில் உருவான 'டாக்சிக்' படத்தின் வியாபாரம் மட்டும் ₹425 கோடிக்கு நடந்துள்ளது. இதில் தமிழ்நாட்டில் ₹45 கோடி, கேரளாவில் ₹15 கோடி, ஆந்திரா/தெலங்கானாவில் ₹105 கோடி அடங்கும். படம் வெற்றி பெற, உலகளவில் ₹850 கோடிக்கு மேல் வசூலிக்க வேண்டும்.

Image Credit : X/@KvnProductions

நெகட்டிவான விமர்சனங்களை பெற என்ன காரணம்?

கீத்து மோகன்தாஸ் இயக்கியுள்ள இப்படத்தில் யாஷ் இரட்டை வேடத்தில் நடித்துள்ளார். நயன்தாரா, கியாரா அத்வானி, ஹூமா குரேஷி போன்ற பல நட்சத்திரங்கள் நடித்துள்ளனர். அதிகப்படியான வன்முறை, ரொமான்ஸ் இருப்பதாக, ஆனால் கதை வலுவாக இல்லை என்றும் விமர்சனங்கள் எழுந்துள்ளன. இது ரசிகர்களை ஏமாற்றமடையச் செய்துள்ளதாக கூறப்படுகிறது.

Image Credit : Chat gpt

கலவையான விமர்சனங்கள்

முதல் நாளில் தீவிர ரசிகர்களின் கொண்டாட்டத்தால் வசூல் உச்சத்தை தொட்டாலும், பொதுவான பார்வையாளர்களிடமிருந்து படத்திற்கு நெகட்டிவ் மற்றும் கலவையான விமர்சனங்களே வந்தன. படத்தின் கதைக்களம் மற்றும் திரைக்கதையில் இருந்த பலவீனங்கள் 2-வது நாளில் சாதாரண குடும்பப் பார்வையாளர்களின் வருகையைக் கணிசமாகக் குறைத்துவிட்டன.

அதிகப்படியான வன்முறை மற்றும் 'A' சான்றிதழ்: படத்தின் டார்க் த்ரில்லர் பாணி மற்றும் அதிகப்படியான ஆக்‌ஷன் காட்சிகள் காரணமாக குடும்பத்தோடு வந்து பார்க்கும் பார்வையாளர்கள் திரையரங்கிற்கு வருவதைத் தவிர்த்தனர். இது இரண்டாம் நாள் வசூலில் பெரிய தாக்கத்தை ஏற்படுத்தியது.

Image Credit : Instagram

அதிகப்படியான எதிர்பார்ப்பு

'கே.ஜி.எஃப்' (KGF) வெற்றிக்குப் பிறகு யாஷின் அடுத்த படம் என்பதால் ரசிகர்கள் மத்தியில் வானளாவிய எதிர்பார்ப்பு இருந்தது. ஆனால் படம் அந்த மாபெரும் எதிர்பார்ப்பை முழுமையாகப் பூர்த்தி செய்யாததால், முதல் நாள் பார்த்தவர்கள் அளித்த விமர்சனம் அடுத்தடுத்த நாட்களுக்கான முன்பதிவை வேகமாகக் குறைத்துவிட்டது.