Toxic OTT Release : டாக்ஸிக் ஓடிடி ரிலீஸ் எப்போது? யஷ் படத்தை 235 கோடிக்கு வாங்கிய டிஜிட்டல் தளம் எது?

Toxic OTT Release Date : கீத்து மோகன்தாஸ் இயக்கத்தில் யஷ், நயன்தாரா, கியாரா அத்வானி நடிப்பில் ரிலீஸ் ஆன டாக்ஸிக் திரைப்படத்தின் ஓடிடி வெளியீடு குறித்த தகவல் கசிந்துள்ளது.

Image Credit : X/@KVNProductions

Toxic OTT Release

ராக்கிங் ஸ்டார் யஷ் ரசிகர்கள் ஆவலுடன் எதிர்பார்த்த ‘டாக்ஸிக்: எ ஃபேரி டேல் ஃபார் க்ரோன்-அப்ஸ்’ திரைப்படம் தற்போது திரையரங்குகளில் வெளியாகி ஓடிக்கொண்டிருகிறது. கீத்து மோகன்தாஸ் இயக்கியுள்ள இந்த கேங்ஸ்டர் டிராமாவில் யஷ்ஷுடன் நயன்தாரா, கியாரா அத்வானி உள்ளிட்ட முன்னணி நட்சத்திரங்கள் நடித்துள்ளனர். இதனால் படத்தின் மீதான எதிர்பார்ப்பு வெளியீட்டுக்கு முன்பே அதிகமாக இருந்தது. படம் வெளியான முதல் நாளிலேயே இந்திய அளவில் ரூ.101.10 கோடி நிகர வசூல் செய்ததாக தகவல்கள் வெளியாகியுள்ளன.

Image Credit : X

ஓடிடி-க்கு எப்போது வரும்?

தற்போதைய நிலவரப்படி, ‘டாக்ஸிக்’ படத்தின் அதிகாரப்பூர்வ ஓடிடி வெளியீட்டு தேதி இன்னும் அறிவிக்கப்படவில்லை. பொதுவாக பெரிய படங்கள் திரையரங்கு வெளியீட்டுக்குப் பிறகு குறிப்பிட்ட கால இடைவெளியில் டிஜிட்டல் தளங்களில் வெளியாகும். அந்த அடிப்படையில், இப்படமும் சுமார் 4 முதல் 8 வாரங்களுக்குப் பிறகு ஓடிடி-யில் வெளியாக வாய்ப்புள்ளதாக தகவல்கள் தெரிவிக்கின்றன.

அதன்படி, அனைத்தும் திட்டமிட்டபடி சென்றால் 2026 செப்டம்பர் மாத இறுதி அல்லது அக்டோபர் மாதம் தசரா பண்டிகை விடுமுறையில் இப்படத்தின் டிஜிட்டல் வெளியீடு இருக்கலாம் என எதிர்பார்க்கப்படுகிறது. இருப்பினும், இது அதிகாரப்பூர்வ அறிவிப்பு அல்ல. ரிலீஸ் தேதியை தயாரிப்பு நிறுவனமோ அல்லது சம்பந்தப்பட்ட ஓடிடி தளமோ உறுதி செய்ய வேண்டும்.

Image Credit : our own

எந்த ஓடிடி தளத்தில் வெளியாகும்?

‘டாக்ஸிக்’ படத்தின் டிஜிட்டல் உரிமை தொடர்பாக ஜீ5 நிறுவனத்தின் பெயர் தொடர்ந்து அடிபட்டு வருகிறது. வெளியாகியுள்ள தகவல்களின்படி, படத்தின் டிஜிட்டல் மற்றும் சாட்டிலைட் உரிமைகள் ஜீ5 வசம் சென்றுள்ளதாக கூறப்படுகிறது. இதனால், திரையரங்கு ஓட்டம் நிறைவடைந்த பிறகு யஷ்ஷின் ‘டாக்ஸிக்’ ஜீ5 தளத்தில் ஸ்ட்ரீமிங் ஆகும் என ரசிகர்கள் எதிர்பார்த்து வருகின்றனர். ஆனால், இந்த தகவலை ஜீ5 நிறுவனமோ அல்லது படத்தின் தயாரிப்பாளர்களோ இதுவரை அதிகாரப்பூர்வமாக உறுதிப்படுத்தவில்லை.

Image Credit : X

ரூ.235 கோடி ஓடிடி டீல்?

இதற்கிடையே, ‘டாக்ஸிக்’ படத்தின் டிஜிட்டல் மற்றும் சாட்டிலைட் உரிமைகள் மிகப்பெரிய தொகைக்கு விற்பனை செய்யப்பட்டுள்ளதாகவும் தகவல் பரவி வருகிறது. பிலிமிபீட் வெளியிட்ட தகவலின்படி, அனைத்து மொழிகளுக்குமான டிஜிட்டல் மற்றும் சாட்டிலைட் உரிமைகள் சுமார் ரூ.235 கோடிக்கு விற்பனை செய்யப்பட்டுள்ளதாக தகவல் வெளியாகியுள்ளது.

இந்த தகவல் உறுதி செய்யப்பட்டால், இந்திய சினிமாவில் குறிப்பிடத்தக்க அளவிலான பிரம்மாண்ட உரிமை ஒப்பந்தங்களில் ஒன்றாக இது அமையக்கூடும். ஆனால், ரூ.235 கோடி தொடர்பான தகவலையும் தயாரிப்பு தரப்போ அல்லது ஜீ5 நிறுவனமோ அதிகாரப்பூர்வமாக அறிவிக்கவில்லை. எனவே, இந்தத் தொகையை உறுதிப்படுத்தப்பட்ட தகவலாக எடுத்துக்கொள்ள முடியாது.

Image Credit : our own

நெகடிவ் விமர்சனங்கள்

ஓடிடி ரிலீஸ் குறித்த எதிர்பார்ப்பு ஒருபுறம் இருக்க, ‘டாக்ஸிக்’ படத்திற்கு திரையரங்குகளில் வலுவான தொடக்கம் கிடைத்துள்ளதாக கூறப்படுகிறது. முதல் நாளில் மட்டும் இந்தியாவில் ரூ.101.10 கோடி நிகர வசூல் செய்ததாக வெளியான தகவல்கள் ஒருபுறம் இருந்தாலும் இதற்கு கிடைத்து வரும் நெகடிவ் விமர்சனங்களால், இப்படம் 250 கோடியாவது வசூலிக்குமா என்பதே கேள்விக் குறியாக உள்ளது. தற்போது படம் திரையரங்குகளில் ஓடிக்கொண்டிருப்பதால், டிஜிட்டல் வெளியீட்டுக்காக யஷ் ரசிகர்கள் இன்னும் சில வாரங்கள் காத்திருக்க வேண்டிய நிலை உள்ளது.