ரசிகர்களின் மனதை விட்டு மறையாத விஜே சித்ரா... கடைசியாக நடித்த கால்ஸ் பட டீசருக்கு கிடைத்த பேராதரவு...!

சித்ராவின் மரணத்தை அடுத்து அவர் நடித்த ‘கால்ஸ்’ திரைப்படத்தின் போஸ்டரை படக்குழு வெளியிட்டது.

இயக்குநர் ஜெ.சபரிஸ் இயக்கியிருக்கும் இத்திரைப்படத்தில் சித்ராவுடன் டெல்லி கணேஷ், நிழல்கள் ரவி, ஆர்.சுந்தர்ராஜன் , தேவதர்ஷினி , வினோதினி வைத்தியநாதன், ஜீவா ரவி, ஸ்ரீரஞ்சனி உள்ளிட்ட பலர் நடித்துள்ளனர். இன்ஃபினிட் பிக்சர்ஸ் நிறுவனம் தயாரித்த இத்திரைப்படத்துக்கு தமீம் அன்சாரி இசையமைத்துள்ளார்.

தனது முதல் படம் வெளியாகும் முன்பே சித்ரா மரணமடைந்தது அவர் உடைய ரசிகர்கள் மனதில் நீங்காத வடுவாக மாறியுள்ள நிலையில், சற்றே ஆறுதலான செய்தி ஒன்று ரசிகர்களை குஷியாக்கியுள்ளது. 

கடந்த 31ம் தேதி வெளியிடப்பட்ட சித்ராவின் கால்ஸ் பட டீசரை இதுவரை ஒரு மில்லியனுக்கும் அதிகமான பார்வையாளர்கள் கண்டு ரசித்துள்ளனர். சித்ரா மறைந்த பிறகும் அவர் மீது மக்கள் பொழியும் அன்பை பார்த்து படக்குழு ஆச்சர்யத்தில் உள்ளது.