- Home
- Cinema
- தளபதியை சந்தித்த புரட்சிதளபதி! விஜய்யின் புது ஆபிஸுக்கு திடீர் விசிட் அடித்த மார்க் ஆண்டனி டீம்- பின்னணி என்ன?
தளபதியை சந்தித்த புரட்சிதளபதி! விஜய்யின் புது ஆபிஸுக்கு திடீர் விசிட் அடித்த மார்க் ஆண்டனி டீம்- பின்னணி என்ன?
நடிகர் விஷாலும், மார்க் ஆண்டனி படக்குழுவினரும் நடிகர் விஜய்யை அவரது புதிய அலுவலகத்தில் சந்தித்து அவருடன் புகைப்படமும் எடுத்துள்ளனர்.
நடிகர் விஷால் நடிப்பில் தற்போது மார்க் ஆண்டனி திரைப்படம் உருவாகி வருகிறது. இப்படத்தை ஆதிக் ரவிச்சந்திரன் இயக்கி வருகிறார். இப்படத்தில் நடிகர் விஷாலுக்கு ஜோடியாக ரித்து வர்மா நடிக்கிறார். இதுதவிர எஸ்.ஜே.சூர்யா, புஷ்பா வில்லன் சுனில், இயக்குனர் செல்வராகவன் உள்பட மிகப்பெரிய நட்சத்திர பட்டாளமே இப்படத்தில் நடித்து வருகிறது. விஷால் நடித்த எனிமி படத்தை தயாரித்த மினி ஸ்டூடியோஸ் நிறுவனம் தான் இப்படத்தையும் தயாரிக்கிறது.
மார்க் ஆண்டனி படத்திற்கு ஜிவி பிரகாஷ் இசையமைக்கிறார். இப்படத்தின் ஷூட்டிங் இறுதிக்கட்டத்தை எட்டி உள்ளது. மார்க் ஆண்டனி படத்தின் டீசரை படக்குழு இன்று வெளியிட உள்ளது. இப்படத்தின் டீசர் இன்று மாலை 6.30 மணிக்கு ரிலீஸ் செய்யப்படும் என ஏற்கனவே அறிவிப்பு வெளியாகிவிட்ட நிலையில், தற்போது அந்த டீசரை நடிகர் விஜய்யிடம் போட்டுக்காட்டி படக்குழுவினர் ஆசி பெற்றுள்ளனர்.
இதையும் படியுங்கள்....அட்லீக்கு விபூதி அடித்துவிட்டு... அக்கட தேசத்து இயக்குனருக்கு கால்ஷீட் கொடுத்த விஜய் - தளபதி 68 டைரக்டர் இவரா?
அதன்படி நடிகர் விஷால், மார்க் ஆண்டனி படத்தின் இயக்குனர் ஆதிக் ரவிச்சந்திரன், அப்படத்தின் தயாரிப்பாளர் வினோத் ஆகியோர் நடிகர் விஜய்யை சந்தித்து அப்படத்தின் டீசரை போட்டுக்காட்டி உள்ளனர். அந்த டீசரை பார்த்த நடிகர் விஜய், படக்குழுவினருக்கு பாராட்டுக்களை தெரிவித்துள்ளார். தற்போது மார்க் ஆண்டனி படக்குழுவினர் விஜய்யை அவரது புதிய அலுவலகத்தில் சந்தித்த போது எடுத்த புகைப்படங்கள் வெளியாகி சமூக வலைதளங்களில் வைரலாகி வருகிறது.
இந்த புகைப்படங்களை தனது டுவிட்டர் பக்கத்தில் பதிவிட்டுள்ள நடிகர் விஷால், என்னுடைய அன்பான அண்ணன் மற்றும் ஹீரோ விஜய்யை சந்தித்ததில் மகிழ்ச்சி. என்னுடைய மார்க் ஆண்டனி பட டீசரை பார்த்ததற்கு நன்றி. எப்போதும் உங்கள் ரசிகனாக இருப்பதில் பெருமைப்படுகிறேன் என பதிவிட்டுள்ளார். அதோடு இன்று காலை விஷால் பதிவிட்ட #ThalapathyVijayforMarkAntony என்கிற ஹேஷ்டேக்கும் டுவிட்டரில் டிரெண்டாகி வருகிறது.
இதையும் படியுங்கள்....தமிழகத்தில் மட்டும் லேட்டாக ரிலீசாகும் பொன்னியின் செல்வன் 2... ரெட் ஜெயண்ட் வெளியிட்டும் இந்த நிலைமையா?
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
