பாக்ஸ் ஆபிஸில் வசூல் மழை பொழிந்த ‘விருமன்’... அதுவும் ஒரே நாளில் இத்தனை கோடியா..!

நடிகர் கார்த்தி - இயக்குனர் முத்தையா கூட்டணியில் கடந்த 2015-ம் ஆண்டு வெளியான கொம்பன் திரைப்படம் மாபெரும் வெற்றியை ருசித்தது. அந்த வெற்றிக்கூட்டணி 7 ஆண்டுகளுக்கு பின் தற்போது மீண்டும் இணைந்துள்ள படம் தான் விருமன். கார்த்தி நாயகனாக நடித்துள்ள இப்படத்தில் அவருக்கு ஜோடியாக ஷங்கரின் மகள் அதிதி நடித்துள்ளார்.

மேலும் சூரி, சிங்கம்புலி, வடிவுக்கரசி, சரண்யா பொன்வண்ணன், இளவரசு, பிரகாஷ் ராஜ், ஆர்.கே.சுரேஷ், இந்திரஜா ரோபோ ஷங்கர் என மிகப்பெரிய நட்சத்திர பட்டாளமே நடித்திருந்த இப்படம் நேற்று திரையரங்குகளில் ரிலீஸ் ஆனது. சூர்யாவின் சூர்யாவின் 2டி நிறுவனம் தயாரித்திருந்த இப்படத்திற்கு யுவன் சங்கர் ராஜா தான் இசையமைத்து இருந்தார்.

இதையும் படியுங்கள்... அதிதி ‘ஐ லவ் யூ’... இயக்குனர் ஷங்கர் மகளை காதலிப்பதாக கூறி பரபரப்பை ஏற்படுத்திய நடிகர்

ஏ செண்டர் ஆடியன்சுக்கு இப்படம் கனெக்ட் ஆகாவிட்டாலும் பி மற்றும் சி செண்டர்களில் இப்படத்திற்கு அமோக வரவேற்பு கிடைத்து வருகிறது. குறிப்பாக பேமிலி ஆடியன்சுக்கு இப்படம் மிகவும் பிடித்துள்ளது. இப்படத்தின் மூலம் ஹீரோயினாக அறிமுகமாகி உள்ள அதிதியின் நடிப்புக்கும் பாராட்டுக்கள் குவிந்த வண்ணம் உள்ளன. குறிப்பாக முதல் படத்திலேயே அவருக்கு ரசிகர் மன்றமெல்லாம் தொடங்கும் அளவுக்கு பாப்புலர் ஆகிவிட்டார்.

இந்நிலையில், விருமன் படத்தின் முதல் நாள் வசூல் நிலவரம் வெளியாகி உள்ளது. அதன்படி இப்படம் நேற்று மட்டும் ரூ.7.23 கோடி வசூலித்துள்ளதாக கோலிவுட் வட்டாரங்கள் தெரிவிக்கின்றன. இதன்மூலம் நடிகர் கார்த்தியின் கெரியரில் முதல் நாளில் அதிக வசூல் செய்த படம் என்கிற புதிய சாதனையை விருமன் படைத்துள்ளது. இதற்குமுன் சுல்தான் படம் ரூ.5 கோடி வசூலித்ததே சாதனையாக இருந்த நிலையில் தற்போது விருமன் அதனை முறியடித்துள்ளது.

இதையும் படியுங்கள்... ரஜினிகாந்தின் 'ஜெயிலர்' படத்தில் இணைந்த தமன்னா! போயும்... போயும்.. இப்படி ஒரு கதாபாத்திரமா? லேட்டஸ்ட் அப்டேட்!